陳智燊

陳智燊:「宋熙年係我人生大獎!」 大爆向老婆求婚過程

最新娛聞

廣告

藝人陳智燊同老婆宋熙年婚後非常甜蜜,係圈中嘅模範夫妻。日前陳智燊接受電台錄音訪問時,當年為咗唔影響二人嘅事業,自爆同宋熙年玩足7年地下情,更分享向老婆求婚嘅過程,真係羨煞旁人!

原文:Sundaykiss-Kayla|來源:雷霆881商業一台|圖片來源:官方影片截圖、 Instagram|編輯:東方新地

地下情7年 終開花結果

陳智燊喺接受商業一台訪問時表示,當年同宋熙年一齊主持《娛樂新聞台》而認識,互相深入了解幾年後先正式開始拍拖。陳智燊指當時自己係一個好小心、好慢熱嘅人,但宋熙年就剛好相反,經常「bilibala」、好開朗,二人形成一個強烈對比,可能就係一凹一凸,令佢哋一拍即合!

同宋熙年拍拖9年,其中有7年係地下情,陳智燊喺節目坦言當時要同宋熙年扮唔識:「唔可以拖手、唔可以傾偈,大家要扮普通朋友。都唔算辛苦只係經常有好多無聊嘅戲要演,好似喺公司一齊開會,或者同同事食飯,會故意坐開啲,扮陌生咁打招呼。」

宋爸爸60大壽當日求婚

拍拖9年,係時候要考慮一下人生大事,陳智燊話求婚當時非常驚險,要特意向劇組請假,仲要喺一日之內來回香港同澳洲:「𠴱日我等佢做完節目之後,坐夜機返澳洲慶祝佢爸爸60大壽,我咪扮拍劇一早出門喺街度遊蕩,等佢出門口就即刻拎行李去機場。」行程雖然非常趕,但最後陳智燊都成功製造驚喜,抱得美人歸!

過往Jason曾多次表示入TVB最大的得著,就是認識到太太宋熙年,他指:「迎娶太太宋熙年,已是我人生的大獎。」,抱得美人歸,

希望生三個孩子

現年41歲嘅陳智燊同宋熙年結婚一年幾就造人成功,2018年9月就迎來佢哋第一個愛情結晶品Damon。陳智燊揚言希望生夠3個:「我想家庭熱鬧啲,始終我自己係四兄弟,成長環境就係打交、鬧交、爭嘢,幾開心嘅,如果可以俾個仔咁嘅環境,我覺得都會好幸福。」

延伸閱讀:

宋熙年一家型著親子裝搞百日宴

宋熙年一家三口著上型爆親子裝搞百日宴,原來爸爸媽媽裡面件T恤都好有心思㗎,Sweet爆呀!小朋友喺百日宴要對住咁多人難免會扭計,貼心爸爸Jason仲幫乖仔整咗個「替身」,等所有到場嘅親朋好友都可以同Damon合照留影。

Sarah更留言:「我覺得我迄今最大成就是組成咗屬於自己的家庭。好多謝兩位大小陳生,一直以來帶給我的所有快樂。Damon祝你百日快樂,爸爸媽媽比你想像中更愛你……並且好感謝你選擇我們成為你的爸爸媽媽…」。

陳智燊晒髮量驚人囝囝相

宋熙年同Jason自從榮升為爸媽後,兩公婆不時喺社交網貼出湊仔日常大晒溫馨。

眨下眼Damon就快3個月大。早前,宋熙年就上載過一張Damon嘴部特寫,只見佢嘴唇黑黑哋好多汗毛,媽咪仲留意笑阿仔生鬚:「Damon says, it’s #movember!」宋熙年仲搞笑咁話囝囝似足爸爸,好man!形容佢係my little man。

日前,Jason就喺社交網度晒出寶貝仔正面照,相中老婆宋熙年手抱Damon,面貼面,Damon髮量驚人,樣子似爸爸。

宋熙年拍片分享湊仔心得

Jason仲分享咗兩公婆最新嘅vlog,片中首次公開宋熙年湊仔日常作為「媽媽的一日」。原來,而家宋熙年要陪阿仔Damon瞓,費時影響老公睡眠,所以選擇同老公分房瞓,仲大講分房瞓嘅好處。

仲好enjoy咁講述自己湊仔的日常,每朝7點左右就畀Damon起身,然後就開始換片,餵奶,仲話Damon每日起身都係個開心Baby。雖然,大呻成日瞓三、四個鐘就要醒一次,但為咗寶貝仔就值得。

幫BB訂製Timetable

BB自小養成好習慣,媽媽又多啲私人時間?宋熙年就喺片中分享咗幫BB整Timetable的小貼士,比如可以拉開窗簾等BB自然醒,避免晚上BB唔肯瞓午睡最多2.5小時等。有興趣了解更多湊B貼士嘅朋友記得睇片啦!

&app=desktop

陳智燊掛著抱仔唔返工

早前,Jason到電台接受訪問,笑指囝囝出世後頭兩、三個星期,每朝起身就抱實B仔,成日抱到差不多要遲到先捨得放低囝囝趕出門,出門前又要抱和吻兒子幾分鐘才願出門。

不過,Jason指最近開始提醒自己「要聽話」,寧願放工返屋企再慢慢抱。同時,佢又坦言比太太宋熙年更緊張阿仔,因為自太太陀B到現時都不時上網搵湊B資料。

陳智燊想大搞囝囝百日宴

眨下眼,囝囝Damon已經兩個月大。被問到可會辦百日宴?Jason直言有意大搞,不過要先選擇場地、預人數,因為囝囝每天有指定時間睡覺,帶囝囝外出吃飯較難兼顧,但都想邀請親友齊聚吃飯慶祝。

View this post on Instagram

S❤️J . . . . #tbt #nye2017 #myfamily

A post shared by Sarah Song 宋熙年 (@rahrahsong) on

首公開仔仔正面相

兩位新手爸媽一直忙緊照顧BB,甚少喺IG分享BB嘅近況。日前,陳智燊少有貼兩張咗B仔相,留言問大家「BB似邊個多啲」,而他認為BB眼仔似媽咪,鼻仔同嘴仔似自己,仲叫大家估下耳仔似邊個。

陳智燊又放咗一張影住仔仔腳帶嘅相,留言話「我們會一直牢記2018年,由二人變三人家庭一年。我們現在有了一個屬於我們嘅兒子,又或者是屬於 Sarah嘅兒。」

新手爸爸覺得好充實

Jason早前出席活動時,個樣都明顯好攰,佢話BB已經兩個星期大,試過幫BB沖涼,雖然自己都幾驚,但係對BB嘅喊聲都冇厭倦感覺。而家出親去做嘢都會好掛住BB,放工唔係返屋企,就係去買BB嘢,日常生活已經離唔開BB,好充實!

一索得男 母子平安

31/8 陳智燊宋熙年同時更新IG,原來佢哋嘅愛情結晶「Boss baby」出世喇!仔仔重6磅非常健康!Sarah PO咗一張Jason抱住BB嘅相,慈父相表露無遺!

同時Jason就PO咗一樣同BB頭貼頭嘅相,個樣勁冧,仲話好多人都話個仔同佢似樣,咁即係大個都會係一個靚仔啦!

新手爸爸Jason早前接受訪問時表示,心情好興奮。之前老婆仲係大住肚,BB而家出咗世,成件事唔知點去消化,覺得好得意、好神奇!而佢亦都有陪老婆入產房,過程好順利!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!