陳泳伽

陳泳伽Winka@COLLAR被喪插消費前仔 不畏明星包袱全力與網民互片

最新娛聞

廣告

COLLAR成員之一的陳泳伽(Winka)近日現身宣傳活動,突然自爆同拍拖六年圈外男友玩完,但揚言兩人再見都係朋友,其前度男友依然繼續「身體力行」,出任陳泳伽歌迷會會長一職。結果言論出街後,網民表示唔多收貨,喪踩對方消費前度,過程中陳泳伽更為自己平反,與網民開火互罵,並分享留言cap圖,連跟經理人阿Wing的WhatsApp對話都cap圖大公開!

陳泳伽 陳泳伽Winka近日為個人單曲宣傳時透露六年情告終,原來去年六月已分手!
陳泳伽Winka近日為個人單曲宣傳時透露六年情告終,原來去年六月已分手!(圖片來源:IG@winka_chan)

陳泳伽Winka:你又唔係我嘅前度!

陳泳伽Winka日前在社交網將自身愛情故事寫成散文,卻原來於去年6月已分手,有網民不滿Winka公開與前度的愛情故事,去消費前度以宣傳新歌,惹起網民熱討,亦有網民批評她組女團後便嫌棄男友,又有網民爆Winka拍拖時好霸道,要求男友隨傳隨道,有一次因男友接載波友,在車內開擴音器,Winka以「無謂人」形容其波友,要求男友即去接載她和《造星》朋友,因而令全車都聽到Winka的對話,連日不停被爆料。Winka發千字文為自己平反:「先放下嘅人唔代表唔捨得同難過,而你唔係我前嘅前度,你知道同了解嘅不多…」

陳泳伽 Winka被指是Collar中的「唱歌擔當」,故又被封為「女版柳應廷」、「女版Jer」。
Winka被指是Collar中的「唱歌擔當」,故又被封為「女版柳應廷」、「女版Jer」。(圖片來源:IG@winka_chan)

Winka與民開火!網民留言cap圖大公開

Winka陳泳伽對每個留言都好着緊好在意,在三百個留言中,支持她的都畀like,但對負評更上心,親自留言還擊,更逐一將開火留言cap圖並分享。有網民指「又係佢話要同前度要保持適量距離,宣傳新歌時就消費前度,利用埋人哋,繼續幫佢搞歌迷會,紅左又唔要人」,Winka即反擊:「乜原來我紅咗?多謝你!」有網民留言:「拋棄糟糠唔只形容男人,好高騖遠人之常情,只能夠講呢個世界係咁現實」,Winka即還拖:「are you ok?睇嚟係你嘅親身經歷」、有網民重提她是單親家庭,「當年全靠從事金融業男友支持,而家自己有能力就唔要人。」Winka發火:「你話單身家庭係咩意思?」、「鬧還鬧呀,唔好講到我家庭嗰邊先,單親家庭有咩問題?」繼續與民開火!

陳泳伽 Winka被狠批EQ低!
Winka被狠批EQ低!(圖片來源:IG@winka_chan)

公開前度、經理人、細佬對話 作人格證人!

Winka陳泳伽更貼出前度、細佬和經理人Wing與她的WhatsApp對話cap圖直出,前度安慰Winka不要在意網民民留言,Winka把前度對話公開並寫道「Haters gonna hate !」而經理人Wing的對話亦被Winka公開,不過卻又極速刪除,有指是因為Winka行為太過火,Wing不滿私下對話被公開,認為Winka失控,影響團魂,Winka知衰所以秒刪!但有網民嘲:「睇佢忍得幾耐,轉頭又去同人鬧交,影衰晒COLLAR」、「Wing真係頭痛」、「SoChing都唔會消費阿Mo啦,Winka學下人啦」、「條女又沉唔住氣喇」、「咁低EQ點做藝人?不要直接退團啦」等。

陳泳伽 Winka欣賞JJ林俊傑演唱會,High到要嫁畀JJ,未受分手影響心情!
Winka欣賞JJ林俊傑演唱會,High到要嫁畀JJ,似乎未受分手影響心情!(圖片來源:IG@winka_chan)
陳泳伽 女團COLLAR成軍日子短,卻有不少風波!
女團COLLAR成軍日子短,卻有不少風波!(圖片來源:IG@winka_chan)
陳泳伽 COLLAR經理人Wing與MIRROR經理人花姐,不停為班仔女拆彈!
COLLAR經理人Wing與MIRROR經理人花姐,被指要不停為班仔女拆彈!(圖片來源:ViuTV截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地(部份內容轉載自New Monday)圖片來源:IG@winka_chan資料或影片來源:原文刊於NewMonday