陳瀅

陳瀅遲大到內疚爆喊 被逼真空上陣

最新娛聞

廣告

陳瀅劉佩玥(Moon)日前出席美容品牌活動,點知活動遲了近一個鐘先開始,原來係因為陳瀅條裙爆拉鏈所以遲晒大到!陳瀅到場後不停自責同道歉,當場爆喊,佢就解釋活動前遇上交通小意外,之後條裙後面又爆咗拉鏈。雖然經理人已經幫佢買咗新裙,但本身條裙拉鏈卡住除唔到,所以只好除晒入面啲嘢真空上陣,陳瀅都話今次「又尷尬又內疚」!

撰文:東方新地|圖片:東方新地

劉佩玥為姊妹護航

陳瀅與劉佩玥(Moon)日前出席美容品牌活動,誰不知陳瀅因為意外遲大到,所以阿Moon只好先一個人出來應對!阿Moon就解釋好姊妹出咗啲意外,又知道大家已經等咗好耐,所以佢決定自己同大家見住面先。

陳瀅遲大到爆喊 被逼真空上陣

之後陳瀅終於到場,佢急不及待向大家解釋,表示呢日經過好多難關先至嚟到。首先佢揸車過海後遇到交通小意外,以致佢要泊低架車行過嚟,點知行行吓條裙後面就爆咗拉鏈。雖然佢已經即時叫經理人去買新裙,但由於本身條裙拉鏈卡住除唔到,所以唯有將條裙當露背裝咁着,所以除晒入面啲嘢,真空上陣!

陳瀅講講吓仲忍唔住爆喊,佢表示自己從來未試過遲到遲咁多,依家真係「又尷尬又內疚」!睇嚟陳瀅都真係好緊張自己工作,有責任心先忍唔住落淚!

陳瀅又稱自己向來大頭蝦,話平時都會發生類似問題,但同一日出現咁多事就實屬首次。佢笑言下次除了要帶多條後備裙外,仲要帶定針線與剪刀。

好姊妹阿Moon錫番,陳瀅要堅強呀!

那些年被插係公廁

想當年陳瀅參與《東方新地》節目「星星負皮卷」時,慘被網民話佢係「八婆」係「公廁」,不過呢日陳瀅可以話俾大家知,其實佢對工作好有熱誠,好有責任心!

延伸閱讀:

古天樂首奪影帝 多年來低調行善 內地建逾百學校

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!