陳煒

離婚6年 陳煒與前夫互相支持|細數7對分手後仍是朋友的藝人

最新娛聞

廣告

分手後「再見亦是朋友」,講就易,但有幾多人做到?但陳煒同台灣富商前夫顏志行因了解而分開,至今已離婚6年,但煒哥同前夫離婚後反而關係仲好咗,會互相扶持,煒哥更直言兩人「做朋友好過做夫妻」!

撰文:東方新地|圖片:新傳媒圖片庫、陳煒IG微博

陳煒與前夫 曾經恩愛

陳煒坦言同前夫離婚,是她12年返港簽約無綫拍劇之後發生:「前夫太專注事業!時間耐咗,我就好似屋企電器咁放埋一邊,咁做朋友好過做夫妻!大家好似家人咁相處,都唔係壞事!」

昔日煒哥同老公非常恩愛,曾經抱愛貓放閃。

16年主持《煒哥的味道》,已同老公離婚的煒哥,繼續同前夫人前扮恩愛。

在節目上煒哥還公開以老公稱呼對方,更餵前夫食嘢!

周海媚 曾「嫁」呂良偉

除咗陳煒外,仲有唔少藝人分手後仍做到朋友。1988年,周海媚剛出道三年,尚未走紅,就與80年已因《上海灘》爆紅嘅呂良偉飛到美國拉斯維加斯秘密註冊結婚,但短短五個月後就因性格不合離婚收場,不過周海媚話後來先知兩人當時並未完成結婚手續,所以根本結唔成婚。近年呂良偉及周海媚出席活動時偶爾遇見,都會大方合照,仲一齊接受訪問。阿呂表示有睇海味主演嘅《武媚娘》,又話大家都未退休,期望將來有合作機會。

吳啟華 護前妻

吳啓華與細他21年的石洋子,於14年結束七年夫妻關係時,曾有報道指石洋子是「大花筒」,才致婚姻破裂,但當時吳啓華卻維護嫩妻說:「想買靚嘢係人之常情,除非我冇能力,有能力會滿足佢,而且佢係我太太,唔買畀佢買畀邊個呢?」並曾公開表示:「洋子永遠係我屋企人,佢係我囡囡個媽咪,我哋有屋企人嘅感覺。」

陳法拉 唔介意合作

陳法拉與Neway大少薛世恒拍拖始於06年,戀情於07年曝光,女方一直唔認愛,直至11年有傳二人於美國秘婚,曾高調繑手拍拖出席活動,但最後於13年離婚收場,法拉放棄如日方中的演藝事業,飛紐約進修四年演藝課程,早前畢業成為首位華人畢業生。薛世恒入行做幕前,法拉話唔介意同佢合作,而薛世恒亦表示會祝福法拉有新對象:「佢嘅幸福係最緊要。」

羅樂林 前妻陪慶生

羅樂林同陳寶儀喺2011年離婚,早年羅接受訪問時表示仍與對方同居一屋,起居飲食照由他負責。雖然離咗婚,但兩關系依然友好,羅樂林生日,前妻陳寶儀亦有現身為佢慶祝,生日飯後更同車返屋企。

李家鼎 施明

「鼎爺」李家鼎雖已在94年同施明離婚,但二人仍保持良好關系,在大孖李泳漢兒子百日宴時,一家人亦有開心合照。

王菲 李亞鵬

王菲05年與李亞鵬結婚,06年誕下女兒李嫣,到2013年離婚收場,但兩人再見亦是朋友,不時合體陪伴愛女李嫣。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!