陳自瑤紅隧廣告被指性感有害 網民：咁樣令人專心唔到揸車

陳自瑤再次登陸紅隧口

陳自瑤自19年起開始為該品牌任豐胸代言人，早前新一輯廣告出街，陳自瑤身穿粉紅Tube Dress晚裝，露出4吋深長事業線非常吸睛。這廣告更放在紅隧隧道口的當眼位置，就連陳自瑤自己經過都留意到，仲影低放上社交網留言：「看到我嗎？有和我say hello 嗎？感恩紅隧口再見到自己，看見我的請舉手！」

網民反應熱烈：難怪最近紅隧口咁多意外？

陳自瑤 po完相上微博，獲不少圈中好友如黃翠如、黃建東、姚子羚等都大讚索，網民反應亦好熱烈，不少人話個廣告咁搶眼，好難睇唔到，又指廣告牌太搶fo會令司機揸車好分心，笑指「揸車經過真係好危險」。

陳自瑤坐正做女一

陳自瑤在節目《好聲好戲》成功奪得「傑出聲演總冠軍」人氣急升，獲汪明荃加持叫無綫開套劇畀佢，總經理曾志偉收到訴求，即欽點陳自瑤開拍新劇《選美的12夜》，不過最後呢套劇開唔成。陳自瑤等到頸都長埋，早前終以女一身份現身新劇《婚後事》開劇拜神，仲興奮到不停劇透！早前還悉出一段與「小鮮肉」貼身共舞的拍攝花絮，非常火辣，演出好瞓身！

陳自瑤豐胸代言廣告靚相出爐

陳自瑤8月27日生日，屬於處女座的她2000年出道，正式踏入40歲後，先勝出配音真人騷《好聲好戲》及帶貨節目《識貨》，無論演技及主持能力都備受讚賞，更獲得「綜藝女神」稱號﹗人氣升的陳自瑤早前以七位數字酬勞續約做廣告代言人，雖然升呢女一，YoYo一樣博到盡，毫不錫身。拍攝當天YoYo以bar top 短褲上陣，陽光海灘下在浪茄海灘取景，為新一輯廣告拍攝平面及電視廣告。

YoYo水著豐胸廣告逐格睇

生日準時出新片

邁入40歲的陳自瑤，關注的話題亦配合年紀而有改變 ，生日前夕準時在youtube推出新影片，對住鏡頭講足十多分鐘，滔滔不絕分享養生心得，仲好貼心準備「大字報」分享細節，觀眾都讚佢早餐Look好靚，推介亦十分貼心：

「大家可能都知道我自己一直以黎都好注重養生🌿 而早餐對於身體來講好緊要 一定要食得好 而我平時會食啲咩早餐？ 點樣做到簡單方便又有營養💪 想知？😝 就快啲去睇片啦💕」

陳自瑤YoYo出海拍廣告

YoYo性感出海到偏遠沙灘拍攝廣告，天未光開工拍到太陽落山，不過YoYo依然神采飛揚，狀態極佳，廣告其中一個造型是黑色bra top襯熱牛，外披西裝大褸，性感又不失型格﹗

陳自瑤接受無綫娛樂新聞台訪問時，表示雖然由早拍到晚，但拍攝得好開心，問到今次續約酬勞是否三級跳？YoYo謙虛指：「同之前一樣已經好好，冇減價已經有感恩，多謝謝小姐（廣告老闆），有工作真係好感恩，喺呢啲時勢有工作機會，真係要多謝，我今日都同化妝師講，今日可以出海、遊船河、影靚相，仲可以賺到錢，真係好開心啦﹗」

YoYo坦言多年未有出海遊船河及到沙灘晒太陽，她表示：「之前因為疫情啦，呢排好少少（疫情），但又多工作比較忙啲，所以好耐冇咁嘅出海機會，（工作成績咁好，會點獎勵自己例如放吓假？）我今日當度假㗎喇，我好熱愛工作㗎，有工作好開心﹗」

陳自瑤分享凍齡心得

陳自瑤分享凍齡心得，她表示經常被指好瘦，常被人問保養大法，陳自瑤話：「宣傳《寶寶大過天》時，香香（岑麗香）同龔姐（龔慈恩）先捉住我問點解keep到咁瘦﹗其實我係手腳幼，係錯覺﹗不過我係好注重飲食嘅﹗」YoYo表示好注重飲食健康：「我平時好少食煎炸、油膩食物，又多飲水，仲要係暖水，養生茶呀花茶﹗汽水嗰啲飲品基本上係唔飲﹗我會食好多補充品﹗」