陳茵媺

陳茵媺大爆與電影角色相似 婚前試過異地戀感失落無助

最新娛聞

廣告

最近,英皇電影《某日某月》優先場反應熱烈,戲中飾演魯老師的陳茵媺(Aimee),誕下三女凱婷不久便接拍該片,Aimee強調依然對演戲充滿熱誠,會盡量平衡家庭與事業。另外,她更自爆與電影角色相似,因婚前試過異地戀!

撰文:東方新地|圖片:新傳媒圖片庫、唐文龍IG陳茵媺微博

唐文龍帶病出席首映

近日,電影《某日某月》優先場,唐文龍即使帶病仍身體力行支持電影,大讚《某》是少有的校園真摯愛情片,並表示:「同時反映一種以前同今日嘅時代對比,喺八、九十年代所有嘢都好難得到,所以我哋會堅持,依家科技發達咗,一切變得理所當然,電影正好講述年輕人難得相信嘅情懷,必睇!」

陳茵媺被電影角色吸引

而有份拍攝《某》的陳茵媺,亦被角色「魯老師」追求浪漫的堅持所打動,而決定接拍電影,她表示:「我向來都有戲癮,只要夾到時間湊小朋友,我一定會接,為了《某日某月》,我特意改早機票回港開工。」同時,接拍電影亦獲得老公陳豪支持。

陳茵媺試過異地戀

由於「魯老師」在電影中堅決守護一段異地戀,當被問及有冇類似經驗,她說:「老公好似唔應該聽呢啲…不過我都試過嘅,可以體會到另一半唔喺自己身邊嗰種失落同無助,當時我自己隻身來港追尋夢想,每晚拍完戲,返到屋企要一個人獨對四面牆,冇一個可靠嘅人喺身邊。」

陳茵媺獨門解悶方法

至於如何排解寂寞,陳茵媺似乎已有一套獨門秘方:「就係一個字『忙』,我會塞爆自己啲時間,TVB已經好充實。放工後又約朋友,總之返到屋企就瞓,無謂畀自己胡思亂想。」

陳茵媺甜過母親節

上星期是母親節,陳茵媺就趁住好天氣,帶住三個小朋友去沙灘玩,大哥梓燁與二哥浩鋒精力充沛,而孻女凱婷更與媽咪嘴對嘴錫錫,相信大家都已經甜到入心,認真sweet到爆呀!

之後囝囝更突然將成桶水倒落陳茵媺頭上,做媽咪嘅就緊係冇嬲,而且仲笑晒口,真係玩得開心~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!