陳豪

陳豪自爆甘願做廿四孝爸爸 為仔女入學面試做啲咩?

最新娛聞

廣告

日前,陳豪、李若彤、吳卓羲和胡定欣等人在將軍澳出席美妝品牌發佈會。當有傳媒提起陳豪家中三個心肝寶貝時即眉飛色舞,除了大爆仔女黐身趣事外,還指自己為仔女入學面試…

撰文:東方新地|圖片:新傳媒圖片庫、Instagram

陳豪大爆仔女黐身趣事

日前,陳豪出席活動時,提到家中三位仔女隨即眉飛色舞。他笑言每日都過得好開心,而且仲透露仔女們亦開始變得黐身,指每次兩公婆想二人世界外出都會令仔女爆喊,結果要同佢哋解釋一輪 ,他說:「要分幾次講,早幾日講,之前一日又講,臨出門講一次,唔係無半個鐘唔使出門口。」認真搞笑!

由於有報導指他偏心女兒,陳豪對此則笑言:「絕對沒有,我三個都疼,很公平的!」又笑指老婆陳茵媺沒有投訴他最近拍戲經常受傷,反而很留意他的皮膚狀態,還經常幫他護膚,陳豪夫妻認真恩愛。

View this post on Instagram

TVB電視劇[殺手]進行拍攝 – '狙擊手'

A post shared by 陳豪 (@moses_chan_) on

陳豪自爆甘願做廿四孝爸爸

陳豪受訪時坦言自己非常享受家庭生活,還大爆自己是個廿四孝老竇,笑言前世欠了仔女,縱然日常工作忙碌,但仍會為仔女準備入學面試,更會親自排隊,皆因:「藝人都冇情講,呢啲六親不認㗎!」果然是個好老竇,抵讚!

陳茵媺感概發文仲自爆細女有呢個怪癖

有三個仔女的陳茵媺看起來家庭幸福,IG上無論是自拍還是與子女或者老公陳豪的合照,都散發母性溫柔的感覺。

近日Aimee在ig上發了一張子女在石板街的合照,發文大爆細女Camilla曾經有個怪癖,就是自己不可以行不平坦的路!Aimee表示很開心他們都長大,因為,她終於不需要再拿住一大袋BB用品行這300層樓梯,還要拖著最年幼的女兒!

同日Aimee還發了一張合照大讚仔女在打針都沒有哭鬧,保持笑容,Aimee立即請他們食朱古力!真是可愛又有愛的家庭!

老公胸前晒巨鑽

要孭起一個五口之家,陳豪真係忙到冇時停,之前暑假都冇時間陪老婆仔女,Aimee只好一個帶住3個細路返加拿大!不過陳豪都好積極爭取時間做個好老公,同好爸爸,好似當日Aimee幾仔乸返嚟香港,佢不但親自去接機,仲要逐個啜番啖,睇佢咁肉緊,就知佢真係好掛住妻兒!

阿Kay笑甜到有糖尿!

其實Aimee都一樣成日掛住個老公㗎!好似上星期Aimee喺 ig PO咗張同老公抱抱嘅合照,話老公最近因為忙於拍劇,好耐冇同佢二人世界拍吓拖,所以好感激老公有幾個鐘都留嚟陪自己!公然晒恩愛,都已經夠閃,如果留意到Aimee放喺陳豪胸膛上嗰隻手,手上面嗰粒巨鑽,就更加閃到令人眼都盲!最搞笑係,連阿Kay謝安琪都睇唔過眼,話佢哋兩公婆甜到搞到佢有「急性糖尿病」!

愛你閃不完

月前陳豪又出咗埠拍劇,行開冇耐,Aimee就已經忍唔住流露出對老公嘅依依不捨,仲話掛住老公,最好就係碌手機睇相喇!呢張陳豪同一對仔女嘅合照,Aimee就最歡喜喇!因為幾個笑容已代表一切!最後Sweet爆講咗佢「I love you baby!」,講完仲要Tag埋老公個名!真係甜到惹到一地都係蟻!

陳豪違泊極速入手新袋

陳豪(Moses)、陳茵媺(Aimee)結婚五周年木婚紀念,人妻例牌又喺IG放閃,由老公揸機、全程錄影上直升機升空畫面,直擊二人飛住過大海食飯慶祝。當時Aimee甜絲絲向記者表示結婚紀念冇禮物收喎:「我哋坐直升機去澳門食飯,兩個人靜靜哋,冇小朋友圍住,已經覺得好浪漫。我哋兩個著重一齊嘅時間,反而唔係買禮物行先,不過都可以計劃重遊巴黎嘅。」事實證明,原來有心氹老婆,禮物隨時隨地都可以送!

在名店林立的銅鑼灣利園商場,又見陳豪孖住陳茵媺現身專門店內。陳豪恤衫短褲隨意束起長髮、陳茵媺就素顏襯上白T鬆身褲,明顯拍拖即興殺到嚟銅鑼灣。孭住經典款Chanel手袋的Aimee在專門店內專心揀手袋、識做老公就坐埋一邊乖乖等候,十分鐘都唔使,Aimee搵到心水、店員細心包裝、阿Mo二話不說攞出銀包負責埋單。

正所謂物以類聚、人以群分,出街買個袋又遇到粉絲想集郵,兩公婆都唔覺得被打擾,反而笑容滿面有求必應,性格一樣平易近人又難怪拍劇撻著修成正果。一向鍾情買袋儲袋,原來呢一日Aimee目的就係得一個,全程半個鐘內完成購物,陳豪畀完錢再幫手攞埋戰利品,好有風度咁幫老婆開商場玻璃門、再有講有笑行上車揸車回歸,恩愛夫妻咁又一日!

集郵夫妻

陳豪出名平易近人,私人時間被店內客人認出要求影合照一樣有求必應;又難怪二人咁啱channel,Aimee同樣唔覺被打擾、笑笑口站在一邊老公被集郵,自己再被集埋一份。

兩公婆呢轉目的只得C字頭名店一間,買完就離開攞車,原來為咗快靚正買到戰利品,陳豪冒險就泊咗架車喺隔籬街。

陳茵媺撇甩陳豪 一拖三返加拿大探親

陳茵媺(Aimee)同老公陳豪結婚五年,婚後三年抱三,日前雖然各自出席活動,但不約而同都大講仔女經,Aimee透露將會趁暑假撇甩陳豪,自己一拖三帶住三個仔女返娘家加拿大探親,話就話上年都試過一拖三去旅行,但Aimee指以前囡囡仲細好易湊,依家就開始識得跑跑跳跳,大仔仲未出發先興奮㖭,佢又話:「我覺得我實在太掛住娘家,去一個月太少啦,而且一返嚟就要開學!」

Aimee表示將會安排仔女去加拿大農場玩,仲會有好多戶外活動。

Aimee指老公陳豪有工作在身,所以唔會同行,佢笑言可以畀老公放吓假:「因為佢冇工作時都要幫手湊啲仔女,而且佢嚟緊拍下部劇集,要準備操Fit啲身形!」

Aimee又表示有意帶仔女做慈善探訪:「以前我喺加拿大時都有跟爸爸媽媽去做義工,所以都想繼承呢個傳統,帶幾個小朋友去做義工,希望小朋友將來亦都會帶佢哋嘅仔女去。」

同場嘅陳嘉寶(Anjaylia)話想請教Aimee保養心得:「生一個都已經好忙,佢仲有三個,生完仲要好似冇生過咁,我都想好似佢咁樣!」

陳豪 做仔女榜樣

同日出席另一活動嘅陳豪就同一名患血癌嘅五歲小妹妹Selina上台互動,佢大呻三個仔女已經開始識得駁嘴,但表明佢哋兩公婆都反對體罰:「我哋有時會好有耐性咁同佢哋講道理,有時就會隻眼開隻眼閉,基本上乜方法都做齊!」

陳豪指三個仔女仲未識得許願望,只識要同唔要:「例如邊啲想食唔想食、邊啲玩具想買。我自細就知想要嘅嘢要自己去爭取,所以都會灌輸自己嘅價值觀、人生觀畀佢哋知,同埋我成日都講做父母嘅唔係要擁有佢哋,係要做好榜樣,鼓勵佢哋識自主、自律同有自發性。」

陳豪直認自己思想較傳統,有時會太過保護小朋友,相反太太陳茵媺更加勇於嘗試:「佢對小朋友有信心過我,我見到仔女拎住玻璃杯嗰陣都會騰騰震,反而太太會由得佢哋,培養佢哋嘅自發性!」

問陳豪佢囡囡係咪屋企嘅小公主?佢話:「我用一剛、一柔、一烈應付,仔女都一樣!囡囡喺屋企最細,個個都錫她,但兩個哥哥間唔中都會同佢『切磋』吓。」

陳豪同Aimee早前剛慶祝過五周年結婚紀念,提到Aimee想重遊當年舉行婚禮嘅巴黎,陳豪甜爆表示︰「既然太太都許下願望,做老公嘅就負責畀佢成真!」

陳茵媺放閃哂甜蜜幸福婚照

陳豪與陳茵媺話咁快就已結婚5年,陳茵媺於個人社交網上載當年她與老公陳豪在法國巴黎影的結婚相,以慶祝結婚周年紀念日。相片以黑白為主調,非常有特色之餘,還見二人穿起禮服及婚紗,甜蜜拖手,並慢步於街道上,十分溫馨。

陳茵媺更甜蜜留言:「結婚周年快樂寶貝!巴黎永遠都是我最愛的地方,你亦是我最愛捉緊的手。」,不少網友見二人由拍拖至結婚有小朋友,都不禁羨慕二人的夫妻之情,真係睇到都覺得甜到漏!

陳茵媺甜過母親節

今年母親節,陳茵媺就趁住好天氣,帶住三個小朋友去沙灘玩,大哥梓燁與二哥浩鋒精力充沛,而孻女凱婷更與媽咪嘴對嘴錫錫,相信大家都已經甜到入心,認真sweet到爆呀!

之後囝囝更突然將成桶水倒落陳茵媺頭上,做媽咪嘅就緊係冇嬲,而且仲笑晒口,真係玩得開心~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陳豪