隱形戰隊|劉穎鏇三點式上陣晒腹肌加長腿 濕身鬥一件頭劉佩玥
隱形戰隊|劉穎鏇 劉佩玥 著泳衣色誘二世祖
即將在明年開播的無綫劇《隱形戰隊》,是《超能使者》及《城寨英雄》等劇監製文偉鴻的新作,由唐詩詠、馬國明及陳山聰等主演,當日外景戲的劇情講到為了搗破一班有錢二世祖的罪行,「隱形戰隊」派出了劉穎鏇(Tiffany)同劉佩玥(Moon)潛入去色誘他們,馬國明和陳山聰則負責保護兩人,在開拍前,著住三點式泳衣的劉穎鏇先擺出各種pose給探班的記者們影相,更落水扮演「出水芙蓉」,大騷她結實的腹肌和修長的美腿。
隱形戰隊|劉穎鏇操肌操足大半年
陳山聰透露劉穎鏇為了這場戲操了大半年,成功操出超勁腹肌,不過劉穎鏇就自言努力操腹肌不止是為了這場戲,而是為了成套劇,最大目標是希望能給觀眾第二種感覺,讓大家看到她有返啲線條和muscle。她又提到這日要朝早7點幾鐘開工,著上泳衣後她feel到氣溫超凍,又無太陽和好大風,令成個人變咗雪條一樣,落水後更有沖緊凍水涼的感覺,她直言:「我重複做落水嘅動作超過20次,凍到我個人係冇晒知覺,成個人係震晒!」
相關文章:隱形戰隊|1-5集劇情劇透:劉穎鏇劉佩玥混入泳池派對做臥底
隱形戰隊|劉佩玥食極唔肥
劉佩玥就被指拍劇時不但無操肌,仲經常掛住食嘢,她亦直認自己食得好勁,仲話自己晏晝食埋陳山聰個飯盒和劉穎鏇的蕃薯、菜等等,並得戚地打側身騷腰,話自己食咗咁多都唔係好肥,令劉穎鏇大嗌羨慕。劉佩玥又指同劇的劉穎鏇、陳山聰、林子善、唐詩詠、江美儀甚至監製Jazz(文偉鴻)都好努力操Fit自己、鍛練身體,令她都受到啟發,的起心肝有做少少運動,可以令自己體形更靚之餘,氣色也更好、更健康。
隱形戰隊|馬明驚要跪玻璃
而馬國明接受訪問時,被指對劉佩玥和劉穎鏇左擁右抱,他立即否認,猛話:「唔好亂講嘢!」仲話自己今日係「盲嘅」,又拒絕評論兩位女士這日的衣著,陳山聰笑指他驚返去要跪玻璃。兩人又指劇集已經拍完晒廠景,接下來兩個幾月都係拍外景,主要係仲有好多打鬥戲、夜戲和荒山野嶺戲要拍,基本上日日都要打,雖然拍得好辛苦,但因為一班演員都係熟人,所以大家都拍得好開心。
即睇《隱形戰隊》Pool Side任務:
去片!《隱形戰隊》最新預告:
今次《超能戰隊》原班人馬少咗陳展鵬,但多咗馬國明!
https://www.youtube.com/watch?v=oqsMygevCh8
《隱形戰隊》陳展鵬角色成為全劇MVP?
陳展鵬飾演的大奸角匡勝天,不論獄中已秘密展開復仇計劃,出獄後更將魔爪伸延至POTT及CTRU以外角色,結局周最後五集劇情非常緊湊,劉穎鏇與劉佩玥已雙雙遇害命危,陳展鵬的頭號目標江美儀亦難逃一劫⋯⋯按此看結局劇情劇透
《隱形戰隊》大結局將會死多於五人?
據知匡勝天復仇計劃「唔止咁簡單」,魔爪將伸延至POTT及CTRU以外角色,結局周除了再有重大犯罪事件,傷亡亦相當慘重,死亡角色人數更是五隻手指數唔晒,更盛傳連主線角色亦難逃一死⋯⋯按此看結局劇情劇透