雙胞胎

患病雙胞胎險「抓周定生死」幸獲藝人夫婦低調捐醫療費

最新娛聞

廣告

又一個人間有情的故事!事緣廣東韶關始興縣一對夫婦誕下雙胞胎兒子,不幸兩個兒子都患上罕見的「慢性肉芽腫病」,夫婦無力負擔高昂醫療費用,無奈決定透過「抓周」決定兩個兒子誰生誰死…… 呢個不幸故事引來多方關注,最後在一對台灣藝人夫婦低調捐款下,終成功為兩個孩子籌得足夠醫療費!

撰文:東方新地|圖片:微博

雙胞胎患罕見遺傳病 父母無力負擔手術費

廣東韶關始興縣的邱氏夫婦,去年10月誕下雙胞胎兒子,並取名康康、樂樂,就就係希望兩個孩子健康快樂的成長。可惜事與願違,兩兄弟確診罕見遺傳病「慢性肉芽腫病」,要進行骨髓移植方能保命。據知兩個孩子的手術費用高達100萬人民幣,但邱氏夫婦花盡家財都只可以負擔其中個孩子的手術費用。

父母決「抓周定生死」

為人父母,當然想自己的孩子健康成長,但邱氏夫婦實在別無他法,無奈下想到以「抓周」方式決定兩個兒子誰生、誰死…

所謂「抓周」,其實係指小朋友一歲時進行的儀式,將唔同物件放在小朋友面前,據說小朋友抓着的物件,可以預知到其未來可能從事之工作,又或者愛好等等。如今呢個儀式對於康康、樂樂兩兄弟來說,「抓周」卻成為決定生死的關鍵……

台灣藝人夫婦低調相助

呢個不幸故事於網絡瘋傳,知悉的網民無不心痛,更有網民發起籌款行動,最後兩兄弟終現生機,醫療費用好快籌近100萬!據知籌募醫療費用時,有一對台灣藝人夫婦鼎力幫忙,藝人夫婦更送上一封慰問信俾邱氏夫婦,內容為「老師總是把最難的功課,交給班上最聰明的學生,而上帝總是把最艱困的任務,交給祂最了不起的子民!」

網民估到係陳建州范瑋琪夫婦

此時有網民想起不時熱心行善的陳建州(黑人) 及范瑋琪夫婦,於是在微博留言詢問,黑人簡單回應一句:「我們只是在能力範圍內盡一份心力!幫助孩子渡過難關」親自承認是捐款人!

黑人希望保持低調:「盡一分力」

黑人後來接受台灣傳媒訪問,表示自己同是雙胞胎家長,得知邱氏兄弟的事件後很難過,所以希望盡一分力,但黑人認為捐款一事希望保持低調,所以拒絕透露捐款金額。有網民指能夠順利讓我兩個孩子接受治療,黑人夫婦肯定捐了唔少錢,兩人默默行善,善心實在可嘉!

黑人和范范夫婦平時除了愛在網上分享一家四口的生活趣事,亦都出晒名行善不遺餘力,難怪網民會即時諗起兩人!今次邱氏小兄弟得以接受治療,都係多得黑人同范范!

延伸閱讀:

低調行善 獲頒「世界傑出華人」 古天樂:自己有能力就盡力幫人

古天樂表示領取這個獎好開心,也好有意義,一直希望有能力幫到更多人,貢獻大眾,他說得獎也很意外:「今次得獎已喜出望外,喺自己有能力嘅時候就盡力幫一下人,也希望受過幫助嘅人,以後也能去幫助別人。」

講到獲獎以後,會不會更有責任感去做慈善?佢立即話:「責任感,唔係由獎項嚟定奪,唔能夠話拿咗獎,就要做自己做能力以外的事。(有指你在內地興建100間學校?)向來不回應做慈善的事,想保持低調,總之有能力就繼續幫人啦!」

冇向家人提及獲獎

古仔坦言獲獎一事並冇同屋企人講,但係古天樂的媽媽就在和朋友食飯時從友人口中得知,他說:「返去就一直問我呢件事情,因為佢可以問上一整日,所以我都習慣咗唔話佢知呢啲事。」

近來忙於拍攝電影的古仔話冇慶祝活動:「因為夜晚仲要回去拍攝,完咗呢套電影又要一啲宣傳活動,然後下個月就開拍新嘅電影,所以冇時間。」

建小學、捐贈醫療室、750口水窖

古天樂因2008年目睹汶川地震摧毀咗好多人嘅家園,決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校慨進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露,只係話:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建97間小學,並捐贈18間醫療室、750口水窖同1座小水利工程,捐款超過2,425萬。

曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。

此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。

帶孤兒參觀其《星戰》藏館

古天樂係《星球大戰》迷,喺佢嘅私家藏館,就珍藏咗大批心愛嘅玩具,唔對外開放,只會偶爾由影迷會會員帶同孤兒院嘅小朋友前往參觀。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!