曾求助社工！ 靚靚爆魔童要求換阿媽

撰文：東方新地｜圖片：新傳媒圖片、微博、Instagram

靚靚 唔畀Chilam獨食

靚靚同老公張智霖 (Chilam) 結婚17年，06年誕下魔童 (張慕童)，靚靚在訪問中透露剛認識Chilam時，兩人一齊去飲茶，Chilam會自已吃晒全籠蝦餃唔留畀人，佢就一直說教直到Chilam改變為止。

袁詠儀 靚靚（@anitayuenwy）分享的貼文 於 PDT 2018 年 8月 月 2 日 上午 2:40 張貼

靚靚又爆魔童曾經因為不滿靚靚嘅管教方式，而要求換媽媽，仲喺靚靚想抱抱佢嘅時候，竟然畀魔童推開，令靚靚非常傷心，向Chilam求助，最終佢搵社工幫手，並配合心理輔導，才成功改善同囝囝魔童嘅關係。

袁詠儀 靚靚（@anitayuenwy）分享的貼文 於 PDT 2018 年 7月 月 12 日 上午 5:01 張貼

選港姐為旅行

靚靚又提到90年參選港姐，除咗因為想入娛樂圈外，另外一個原因仲因為當年港姐有得去加拿大拍外景，佢直言：「對一個18、9歲嘅女仔嚟講，又去溫哥華又去多倫多好豪吖嘛，可以去兩個地方玩喎！」不過今屆港姐外景就去咗澳門拍。

靚靚指依家選港姐唔同以前：「以前係真係揀靚嘅，依家要揀啲特別啲，好似選藝人嘅感覺多啲。其實自己都有少少失望，嗰時覺得香港小姐係每年嘅盛事，但依家唔能夠再代表香港、畀人睇到香港嘅女仔係點。」

初出道被封殺

靚靚當年初出道不久即憑《新不了情》和《金枝玉葉》兩奪影后，有傳佢因此意氣風發，得罪不少人而遭到封殺，佢憶述當年試過喺一個派對上遇到相熟嘅導演，但對方就搵藉口避開佢，令佢感受到人情冷暖。

靚靚亦有提及自己拍電影時經常會提出意見，惹來部份導演不滿，佢直言合作過嘅導演中，同陳可辛嘅相處最舒服，因為陳可辛會花時間同佢傾偈，了解成件事後再向靚靚解釋佢嘅想法太主觀。

兩星期減15磅

靚靚仲透露近10月會拍一部電影:「因為角色要求我瘦啲，所以我用咗兩個星期時間減咗成15磅，公司幫我安排咗健康餐單，但後期又要我肥番，諗一諗、計一計條數，雖然嫁咗人生埋仔啫，都要keep嘅。但拍完希望有個動力再減囉，咁樣可以即刻買好多衫著！」

同場加映：張智霖袁詠儀 帶埋魔童遊肯尼亞

袁詠儀同老公張智霖早前帶同囝囝魔童，一齊去咗非洲肯尼亞旅行。袁詠儀喺IG同微博曬靚相，一家三口，手拖手喺非洲大草原上漫步，再加上斜陽夕照，場面真係非常溫馨！

肯尼亞之旅🏞感恩🙏🏼 #columbiahk #Kenya#
袁詠儀 靚靚（@anitayuenwy）分享的貼文 於 PDT 2018 年 9月 月 20 日 上午 6:29 張貼

非洲草原一望無際，真係影相都靚啲！唔怪得袁詠儀喺IG留言：「肯尼亞之旅，感恩！」

12歲嘅魔童，經常望遠鏡不離身，當地風景一定好靚！

一家三口影全家福，魔童一樣唔捨得放低個望遠鏡。

魔童仲同當地小朋友一齊搭膊頭影相！

除咗佢哋一家三口，仲有一大班朋友同行，

見到咁靚嘅大自然景緻，呢趟旅程一定非常難忘！

7月嗰陣，佢哋一家三口仲去過倫敦旅行，魔童呢個暑假應該好充實！

倫敦之旅🇬🇧完滿結束，每天都在步行排行🚶🏻‍♀️榜的頭幾名😂，還有碰到舊友，又認識新朋友，天天都很充實👍🏼，要謝謝Suet Fong的悉心安排😘
袁詠儀 靚靚（@anitayuenwy）分享的貼文 於 PDT 2018 年 7月 月 16 日 上午 3:20 張貼