食《殭》熱 林峯扮殭屍chok爆開騷
廣告
林峯一連三場《HEART ATTACK LF LIVE IN HK》演唱會昨晚於紅館開騷，除了女友吳千語捧場，老闆楊受成伉儷、林峯堂妹林夏薇、英皇高層吳雨及經理人霍汶希等都有嚟睇騷！
峯峯早前為咗呢場騷操到好弗，除了練得一身結實肌肉，更減咗廿幾磅，近睇佢塊面真係比以前瘦咗好多！
可能趁《殭》劇熱播中，峯峯開場時瞓喺水晶棺木入面，喺千語BB前面升起，然後由兩名女舞蹈員叫醒佢，峯峯即chok爆起身，細心睇佢右眼戴紅色隱形眼鏡，襯埋紅色長褸、白tee、黑長褲及啡色皮靴，造型勁似殭屍，全場起哄。
而峯峯打頭陣跟多名dancers於熱舞下唱＜Heart Attack＞，之後更好投入咁跪喺千語BB面前唱＜愛不疚＞，真係冧到震！
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
