香港小姐2022

港姐泳裝2022|19位佳麗特訓後亮相:Astrid徐麟最豐滿 林鈺洧驚現巨腩

最新娛聞

廣告

《香港小姐競選2022》下月4日舉行準決賽,19位佳麗周四(11日)首次以泳衣示人,大曬特訓成果。當中以「爆炸頭」徐麟、何思懿35吋上圍最豐滿,另一搶鏡位係星二代林鈺洧修身未見成果驚現巨腩?

即睇《香港小姐2022》19位佳麗介紹
香港小姐 《香港小姐競選2022》下月4日舉行準決賽,19位佳麗周四11日)首次以泳衣示人,大曬特訓成果。
《香港小姐競選2022》下月4日舉行準決賽,19位佳麗周四(11日)首次以泳衣示人,大曬特訓成果。(圖片來源:《娛樂新聞台》節目截圖)

「爆炸頭」Astrid徐麟、何思懿身形最豐滿

港姐著泳裝,第一眼自然會聚焦喺佳麗身形,今屆上圍最豐滿嘅佳麗分別為「爆炸頭」徐麟同何思懿,上圍數字同樣係35吋。對於擁有豐滿上圍會唔會更自信,徐麟表示唔同身形有唔同風格,唔會特別去比較邊位佳麗靚啲;何思懿就大讚好多位佳麗身形都好好,亦好滿意特訓成果,但仲想減多3公斤。

香港小姐 「爆炸頭」徐麟上圍:35-24 -36
「爆炸頭」徐麟三圍:35-24 -36(圖片來源:《娛樂新聞台》節目截圖)
香港小姐 何思懿上圍:35 -24-35
何思懿三圍:35 -24-35(圖片來源:《娛樂新聞台》節目截圖)

「星二代」林鈺洧驚現巨腩

林鈺洧爸爸係林俊賢,作為「星二代」佳麗,參選前已備受傳媒關注。林鈺洧因為做過模特兒,所以呢日著泳衣對鏡頭基本上都好淡定,不過同眾佳麗合照時突然鬆咗一下,就俾傳媒影到個巨腩,同特訓後嘅纖細手腳形成極大對比。林鈺洧事後接受訪問,佢透露參選後體重一共減咗7公斤,但對自己身形都未算滿意,因為而家淨係食少少水果,肚腩仔都會現出嚟,睇嚟佢呢個月喺修身方面要再加把勁喇!

香港小姐 林鈺洧透露參選後體重一共減咗7公斤,但對自己身形都未算滿意。
林鈺洧透露參選後體重一共減咗7公斤,但對自己身形都未算滿意。(圖片來源:《娛樂新聞台》節目截圖)
香港小姐 林鈺洧同眾佳麗合照時突然鬆咗一下,就俾傳媒影到個肚腩仔。
林鈺洧同眾佳麗合照時突然鬆咗一下,就俾傳媒影到個肚腩仔。(圖片來源:《娛樂新聞台》節目截圖)

立即重溫19位佳麗泳裝片段

19位佳麗經過一輪特訓著泳衣,都算有啲睇頭,你又睇好邊個?

1-7號佳麗全身照

8-13號佳麗全身照

14-20號佳麗全身照

《香港小姐2022》幾時舉行決賽?

《香港小姐2022》將於9月中舉行準決賽和決賽,按此即睇:20名入選佳麗資料首曝光

今屆港姐有人中途退選?

早前一眾佳麗為集訓宣傳活動聚首一堂,當中卻發現少了一位的身影,大會統籌經理向傳媒表示事發得太突然⋯⋯詳見:6號佳麗林泳怡

撰文:東方新地圖片來源:《娛樂新聞台》節目截圖資料或影片來源:YouTube@TVB (official)