香港小姐2021

香港小姐2021|Staycation玩到落水底影寫真 有佳麗唔熟水性頂硬上 與當年ViuTV《美選D.n.A》撞橋

最新娛聞

廣告

香港小姐2021真人騷《We Miss Hong Kong STAY-cation晉級賽》已經播到第5集,一班佳麗先以自選泳衣行水上cat walk鬥搶風頭,之後仲要落水底擺出優美的姿態影寫真,當中有不少佳麗在這個環節愈戰愈勇,亦有佳麗不諳水性驚到喊,不過為了爭入圍點都要頂硬上!

撰文:東方新地 圖片:無綫發相、影片截圖、ViuTV

紅組好齊心呀!(圖片來源:無綫發相)
紅組好齊心呀!(圖片來源:無綫發相)

香港小姐2021著自選泳衣行catwalk

香港小姐2021真人騷設有多個環節,讓26位佳麗爭奪20個Stay席位,第5集的Staycation玩水上活動,佳麗先以自選泳衣出場,4組佳麗要鬥快在不穩定的水上浮板優美地完成Catwalk,險象橫生。

關楓馨行Catwalk有驚無險。(圖片來源:無綫發相)
關楓馨行Catwalk有驚無險。(圖片來源:無綫發相)
宋宛穎都算淡定。(圖片來源:無綫發相)
宋宛穎都算淡定。(圖片來源:無綫發相)
張嘉倩勁驚,所以全程係咁嗌。(圖片來源:無綫發相)
張嘉倩勁驚,所以全程係咁嗌。(圖片來源:無綫發相)

有人淡定有人驚青

先講水上Catwalk,由於難度頗高加上現場頗為大風,拍攝時驚險百出,除了邵初、劉珍寶、王嫿嫿、梁允瑜、楊培琳、陳聖瑜、宋宛穎、伍韻婷及梁凱晴表現較為淡定外;張嘉倩及莫韻諰不斷尖叫,關楓馨、戴佳敏、葉靖儀、王嘉慧及盧淑儀步步驚心,余詠童及陳懿德則最陰公,先後失足跌入水池,其中成功為參賽減掉十多磅的陳懿德,身型弗到漏油,搶盡風頭。

劉珍寶係淡定代表。(圖片來源:無綫發相)
劉珍寶係淡定代表。(圖片來源:無綫發相)
陳懿德驚到跌咗落水。(圖片來源:無綫發相)
陳懿德驚到跌咗落水。(圖片來源:無綫發相)
陳懿德(左)減磅後身形弗爆。(圖片來源:無綫發相)
陳懿德(左)減磅後身形弗爆。(圖片來源:無綫發相)

跳入水底開眼擺pose

到一眾佳麗挑戰水底寫真環節,再度遇上難關,雖然正式比賽前有20分鐘練習時間,但唔識游水的佳麗頗多,眾人要符合大會要求跳入水底鬥擺靚甫的同時,更要面露笑容及保持雙眼張開,絕非易事!節目所見,粉紅組的佳麗最為「驚青」,7個人有5人唔識游水,朱綽盈嚇至扁嘴大叫兼哭紅了眼,王嫿嫿則在練習期間多番「縮沙」,師姐張秀文見狀即車輪轉安撫組員及耐心從旁指導。

陳聖瑜專心應付挑戰。。(圖片來源:無綫發相)
陳聖瑜專心應付挑戰。。(圖片來源:無綫發相)
本身識游水嘅陳聖瑜,完美完成挑戰。(圖片來源:無綫發相)
本身識游水嘅陳聖瑜,完美完成挑戰。(圖片來源:無綫發相)
橙組師姐馮盈盈好肉緊,仲好長氣,當然都係為師妹們好啦!(圖片來源:無綫發相)
橙組師姐馮盈盈好肉緊,仲好長氣,當然都係為師妹們好啦!(圖片來源:無綫發相)
其實無綫都有準備猛男落水,為佳麗作出支援。(圖片來源:無綫發相)
其實無綫都有準備猛男落水,為佳麗作出支援。(圖片來源:無綫發相)

橙組佳麗勝算甚高

最快完成水底挑戰的橙組,整體表現十分亮麗,過半數組員落到水底均表現淡定,當中陳聖瑜更是超水準演出,不但做出翻滾動作,更自信十足地展現漂亮笑容及美態!另外王嘉慧及莫韻諰的雙人寫真表現亦甚有美感,且默契十足!雖然粉紅組、綠組及紅組佳麗尚未正式登場,但單看現時「牌面」,橙組勝算甚高!

梁凱晴雖然不諳水性,但實戰前一刻表現淡定,落水後都好盡力。(圖片來源:無綫發相)
梁凱晴雖然不諳水性,但實戰前一刻表現淡定,落水後都好盡力。(圖片來源:無綫發相)
王嘉慧(左)同莫韻諰嘅雙人表演好合拍。(圖片來源:無綫發相)
王嘉慧(左)同莫韻諰嘅雙人表演好合拍。(圖片來源:無綫發相)
朱綽盈驚驚豬,要師姐張秀文安慰。(圖片來源:無綫發相)
朱綽盈驚驚豬,要師姐張秀文安慰。(圖片來源:無綫發相)
王嫿嫿驚到喊,一度唔肯落水,當然最後都有鼓起勇氣完成任務啦!(圖片來源:無綫發相)
王嫿嫿驚到喊,一度唔肯落水,當然最後都有鼓起勇氣完成任務啦!(圖片來源:無綫發相)

又同ViuTV撞橋

無綫安排佳麗在水底影寫真,原來唔係新鮮事,2016年ViuTV選美節目《美選D.n.A》已經用過水底影相呢招,當時大熱門的「沙律」張沛樂就谷盡「胸」器及美腿,在水底擺出天使姿勢獲得高分數,而主持方力申、Eric Kwok及火火都有落水一齊影。

2016年沙律在ViuTV選美節目《美選D.n.A》中,在水底影相攞好高分。(圖片來源:ViuTV)
2016年沙律在ViuTV選美節目《美選D.n.A》中,在水底影相攞好高分。(圖片來源:ViuTV)
當時仲有Eric Kwok同佢合照。(圖片來源:ViuTV)
當時仲有Eric Kwok同佢合照。(圖片來源:ViuTV)
方力申都有在水底拖實佳麗合照。(圖片來源:ViuTV)
方力申都有在水底拖實佳麗合照。(圖片來源:ViuTV)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!