馮盈盈

馮盈盈跟緋聞男友操蜜桃臀 鄭衍峰當面狠批:唔夠翹

最新娛聞

廣告

馮盈盈、鄭衍峰呢對緋聞男女,打死唔認拍拖,繼在《後生仔傾吓偈》拍住拖開工之後,在無綫《星光熠熠耀保良》中合體表演,訪問時更公然打情罵俏,馮盈盈自爆最近跟身兼健身教練的鄭操練蜜桃臀,卻被對方當面狠批pat pat:「唔夠翹﹗」見馮盈盈扁晒嘴,鄭衍峰改口大讚馮盈盈齋睇樣都99分﹗和氣收場﹗

文:東方新地 |圖:東方新地、馮盈盈IG、鄭衍峰IG

馮盈盈和緋聞男友鄭衍峰為慈善表演跳舞,不過全程保持社交距離,被指勁hea。馮盈盈笑指若有善長人翁出高價,唔介意跳貼身舞。
馮盈盈和緋聞男友鄭衍峰為慈善表演跳舞,不過全程保持社交距離,被指勁hea。馮盈盈笑指若有善長人翁出高價,唔介意跳貼身舞。

馮盈盈鄭衍峰拍住拖開工

26歲馮盈盈和29歲緋聞男友鄭衍峰多次被斷正返女方香閨,座駕又任男友揸,馮盈盈更已融入男方朋友堆中,雖然死口唔認拍拖,不過公然寓工作於拍拖亦毫不避忌,近月孖住主持《後生仔傾吓偈》,主動爆料唔介意成為話題。在《星光熠熠耀保良》中更被安排表演跳舞,雖然表演時毫不親密又hea爆,不過大方合體接受訪問,不避嫌互窒打情罵俏﹗

馮盈盈為《保良騷》擔任司儀,同時又要兼顧網上直播節目,故同緋聞男友鄭衍峰有不少合體機會。
馮盈盈為《保良騷》擔任司儀,同時又要兼顧網上直播節目,故同緋聞男友鄭衍峰有不少合體機會。
經常被指口齒不清的馮盈盈,指接受言語治療後首次擔任大騷司儀,故事前十分緊張。
經常被指口齒不清的馮盈盈,指接受言語治療後首次擔任大騷司儀,故事前十分緊張。

馮盈盈被緋聞男友當面話「堅懶」

馮盈盈自爆近來正跟身兼健身教練的鄭衍峰操蜜桃臀,訪問時被問到操練成果如何,鄭衍峰當面話馮盈盈「堅懶」,被問到覺得馮盈盈臀部是否唔夠翹?鄭衍峰口快快話「唔夠翹」,又話:「一定唔夠翹㗎,所有人都唔夠,永遠都有進步空間㗎﹗」眼見馮盈盈冇晒表情仲未知衰繼續踩多腳:「你問我自己臀部係咪標準?咁就一定唔標準,因為男仔操埋腳太大著唔到窄身牛仔褲,所以我唔係標準,但女士個臀部呢,係非常之需要嘅。」被不留情面狠批的馮盈盈點頭:「知道﹗我會繼續努力囉﹗認唔認同佢講?梗係認同啦,永遠都有進步空間。」

馮盈盈不時在IG晒操弗成果,不過卻被緋聞男友鄭衍峰大爆懶做運動。
馮盈盈不時在IG晒操弗成果,不過卻被緋聞男友鄭衍峰大爆懶做運動。
為操蜜桃臀下了不少苦功﹗
為操蜜桃臀下了不少苦功﹗

馮盈盈焗住大方:「我冇唔開心﹗」

馮盈盈被鄭衍峰爆懶做運動,又狠批pat pat唔夠翹,一直撳住度火,保持笑容,及後笑住反擊:「我唔會唔開心,佢嘅要求同標準係專業model級,所以so far佢識嘅人裡面應該冇去到呢個level囉﹗所以我冇唔開心,因為我知佢嘅level係好離地嘅﹗我惟有繼續努力啦﹗」
 

馮盈盈近月和緋聞男友鄭衍峰主持《後生仔》,攞正牌寓工作於拍拖。
馮盈盈近月和緋聞男友鄭衍峰主持《後生仔》,攞正牌寓工作於拍拖。

馮盈盈獲鄭衍峰氹番:「樣有99分﹗」

當記者問鄭衍峰對馮盈盈的身材評分時,馮盈盈大叫:「嘩﹗好殘酷呀﹗」鄭衍峰終於知衰:「99分啦,100分滿分,香港小姐冠軍喎,99分係個樣度﹗操唔到個樣㗎嘛﹗(其他方面零分?)另外嗰啲零分囉﹗」被讚樣有99分之高,馮盈盈明顯相當受落,反畀鄭衍峰呢個教練100分﹗馮盈盈:「係我揀嘅,如果我都唔肯定佢,我咪即係質疑緊自己?」呢句話似乎語帶雙關喎﹗

日前馮盈盈出席活動著上運動bra top示範瑜伽,她透露近來正跟鄭衍峰操蜜桃臀。
日前馮盈盈出席活動著上運動bra top示範瑜伽,她透露近來正跟鄭衍峰操蜜桃臀。
鄭衍峰身兼健身教練,不少藝人跟他操練,他亦不時在IG晒操肌過程。
鄭衍峰身兼健身教練,不少藝人跟他操練,他亦不時在IG晒操肌過程。