馮盈盈

馮盈盈自爆M到谷胸 陳煒被黃光亮抽水?

最新娛聞

廣告

口碑甚佳的無綫劇《果欄中的江湖大嫂》,今個星期進入結局篇,一眾藝人當然加把勁宣傳力谷收視,不過谷收視之餘仲會谷事業線!23歲馮盈盈同44歲陳煒同樣作低胸打扮,盈盈自爆經期到令上圍升Cup,玩遊戲時又胸壓李天翔,後生女果然係放啲!

撰文:東方新地|圖片:東方新地

黃光亮抽煒哥水

《果欄中的江湖大嫂》今個星期開始結局篇,劇集一眾演員黃光亮、陳煒及馮盈盈等齊齊出席宣傳活動谷收視,黃光亮仲抽煒哥水摸佢隻腳!黃光亮笑說煒哥完全無反應,證明兩人唔過電!

馮盈盈經期到升Cup

馮盈盈呢日以藍色低胸Jumpsuit造型示人,輕露少少事業線,唔同係想同煒哥鬥搶fo?盈盈隨即自爆係經期到令上圍升Cup,之後玩遊戲時又跳上李天翔背部胸壓對方,後生女果然係放啲!

煒哥不讓後生女專美

現年44歲的煒哥出名keep得勁好,依然係樣靚身材正,唔少觀眾讚佢喺劇集中比岑麗香及馮盈盈更省鏡!煒哥呢日身穿粉紅色露肩低胸裝,皮膚又白又滑,事業線有睇頭,不過佢接受訪問時話呢件只係普通嘢!

江嘉敏 黃嘉樂玩到癲

緋聞多籮籮的江嘉敏,最近被指同劇中有感情線的黃嘉樂過從甚密,搞到黃嘉樂女友詐晒型!不過呢日兩人玩遊戲時依舊無避嫌,笑得勁開心~

王卓淇繼續晒腿

劇集另一女角王卓淇出晒名有對白滑靚腿,雖然佢呢日上身密實,不過著短褲仔騷長腿,一樣吸睛!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!