【鬼同你上位】34F湯沛宜操出蜜桃臀 晒八月十五賀中秋
湯沛宜蕩奶探靈膽大過人：「驚冇錢多過驚鬼﹗」
29歲湯沛宜要入行上位決心相當大，16年參加ViuTV選美節目《美選D.n.A》入圍八強，18年參加過港姐首輪面試被foul，翌年參選健美比賽，擁34F驕人身材的湯沛宜，最近參加ViuTV《鬼同你上位》蕩奶探靈，惹火又出位，被指最膽生毛，為了參加節目獲得的五位數酬勞，湯沛宜坦言為了生計，鬼都唔驚，是家中經濟支柱的湯沛宜直言驚冇錢多過驚鬼，最想《鬼同你上位》有得添食﹗
湯沛宜出股惑引網民
湯沛宜本身是一名健身教練，近來密操男士女士大愛的蜜桃臀，趁在中秋佳節，晒八月十五同大家賀中秋，相當應節，成功吸引不少網民來「賞月」，有網民留言：「一張相咁少﹗」，湯沛宜即回覆：「要慢慢出，你哋先會期待。」咁識玩，網民都留言話成個假期會密切留意住湯沛宜IG，等再出圖，另外，湯沛宜又教大家如何練成蜜桃臀，親自教路指主要靠深蹲。
女星出股惑 麥明詩28歲
過往大台女星每逢有劇見街，為宣傳佢哋會話收視超過幾多點就以泳裝示人、報答觀眾云云。依家社交媒體咁發達，三點式照片真係day day有得look啦！有人喜歡賣弄豐滿上圍，但有時刻意而為反不及欲蓋彌彰來得誘惑。以下一班美女似乎悟出此道理，「股」惑制勝！暫別娛樂圈嘅麥明詩，酷愛潛水等水上活動，10A港姐果然識玩，偶然出吓「股」 惑，近排 「林作西裝事件」 真係太倒胃，睇番佢前度條氣即時順番晒。
陳欣妍27歲
喺ViuTV 節目《美女郊遊遊》中，陳欣妍以性感山系造型亮相而大受網民關注，支持佢多啲去沙灘、泳池大解放，起碼唔使餵蚊先啦！
龔嘉欣30歲
可能龔嘉欣都深明自己並非有「鬼影變幻球」可出賣嗰種type，佢嘅事業唔係靠事業線，艷陽下季節限定靚 「股」 照，成功draw attention！
G.E.M. 28歲
台上台下運動量極高嘅G.E.M.鄧紫棋，身形 fit 到漏，隨意一張坐喺泳池邊嘅大露背泳衣照，透出半股，物以稀為貴。
楊柳青32歲
模特兒出身嘅楊柳青，因參演TVB台慶劇《溏心風暴3》 、 《解決師》而為人所認識，身為泰拳愛好者，楊柳青慢慢轉型為動作演員，見佢練習時經常要起飛腿，難怪下盤勁fit啦！
林芊妤30歲
呢位瑜伽導師日操夜操，玲瓏浮凸線條盡現，難怪一班連登仔見親林芊妤都話想瘋狂飲 coffee 囉！
連詩雅32歲
十五歲做模特兒嘅連詩雅，以歌手身份出道，從不刻意賣弄性感，這張不經意嘅長腿加美臀照片，一樣睇到人好似佢首歌〈血一般紅〉咁，有幻想噴鼻血呀！
陳婉衡30歲
陳婉衡曾於旅遊節目如《 3日2夜 》、《 Go!Yama Girl 》中，展現震撼上圍，擁有健身教練牌照嘅佢亦熱愛瑜伽、鋼管舞，出晒名專操「 蜜桃臀 」。
楊偲泳26歲
擁有32D 上圍被冠以「 巨咪陳妍希 」嘅楊偲泳，同時亦係排球聯賽球員，下盤亦非常養眼，不時喺 IG 玩水著大放送，現任男友張振朗唔會呷醋吧！
曹思詩28歲
因主持J2台 《Go! Yama Girl 》及 《山系女行Yama Girl 》 而受注目，有 「翻版唐詩詠」 之稱嘅曹思詩，最愛喺IG上派福利，水著火辣 「晒臀」 照任睇唔嬲。
譚嘉儀31歲
巨聲幫出身嘅譚嘉儀歌藝當然有番咁上下，估唔到嬌滴滴身形都有啲睇頭，有腰有籮原來都係有料之人，失敬失敬。
