魯振順

63歲魯振順驚爆婚訊 重遇41年同學譜黃昏戀 計劃大搞婚禮

最新娛聞

廣告

63歲綠葉王魯振順,入行40多年演過無數角色,但從未提及感情生活,更曾被懷疑性取向,日前魯振順接受范振鋒、林子博的電台訪問時,在節目上自爆婚訊,並計劃在疫情後結婚。

撰文:東方新地 |圖片:魯振順微博、劇照

綠葉王魯振順自爆婚訊,對像是41年前的女同學。
綠葉王魯振順自爆婚訊,對像是41年前的女同學。

人稱綠葉王的魯振順在新城節目《 《BiLiBALA開大喇叭》》訪問中表示「經常被傳話gay」,隨後自爆婚訊,魯振順指得到高人指點改名為「釋禧」後,便重遇41年前一同參加歌星選拔賽時結識的女同學,現年63歲的魯振順透露女友比他年輕六年:「嗰時我哋有一齊上堂,不過因為我要兼顧訓練班,冇出席同學聚會,交流唔多,喺舊年女友睇完我啲訪問後,了解我多咗就主動搵番我﹗」戀情就此開始。

入行四十多年的魯振順仍活躍於演藝圈,拍劇、登台,做到無停手,亦是《流行經典50年》的常客。
入行四十多年的魯振順仍活躍於演藝圈,拍劇、登台,做到無停手,亦是《流行經典50年》的常客。

魯振順話好相信緣份,又感到是過咗身的媽媽的安排,魯振順話:「2017年媽媽離開咗,我好唔開心,點知無耐女友就出現,女友都話可能係媽媽派佢嚟陪我,我第一次食女友包嘅餃子,我食咗一啖就喊,因為個味道同媽媽整嘅係一樣,個感覺特別warm,我會好好珍惜呢段情﹗」

魯振順指覺得女友是過身的媽媽派來的天使。
魯振順指覺得女友是過身的媽媽派來的天使。

魯振順透露一直渴望組織家庭,只是一直遇唔到心上人,佢話:「見到陳榮峻同吳香倫結婚,我就好響往,會諗唔知幾時到我,好感謝上天安排呢段黃昏戀畀我﹗」魯振順又話計劃結婚,不過一切待疫情過後才舉行,但必定會大排筵席,我哋會上台合唱,或者將啲人情部分捐出去,婚禮會交畀女友負責,魯振順話:「女友話幫我爭番口氣,唔好成日畀人話我係gay﹗」

62歲魯振順曾割脈自殺

現年63歲的魯振順於TVB劇集《婚姻合伙人》中飾演貝競枝(高海寧飾)爸爸貝勒,因角色惹人討厭而引觀眾注目,然而,身為TVB綠葉王之一的魯振順入行至今捱足四十多年年,但原來曾因一事疑割脈自殺!

魯振順於輕鬆小品劇《婚姻合伙人》中飾演貝競枝(高海寧飾)的爛賭爸爸貝勒,雖然曾入獄,但出獄後並沒有因而改過自身,反而欠下「長恨哥」煙數,最後更多得郎朝勇(楊明飾)幫忙才於混亂間把數簿銷毀!

現年63歲的魯振順入行42年,中學畢業後因自小已希望加入娛樂圈,故其後參加第8期TVB藝員訓練班,1978年畢業後入行,曾先後於TVB及ATV演出。多年來拍劇無數,總共拍過逾140套作品,產量相當高,可是一直只是TVB御用綠葉演員,未能一嘗主角滋味。

魯振順

被金庸讚賞

講到魯振順最令人印象深刻的,相信一定是他所演的陰柔角色,不得不提1996年於《笑傲江湖》中飾演的東方不敗一角!由於他完美演活東方不敗空虛寂寞的陰陽性格,故曾被金庸讚賞:「筆下嘅東方不敗就係咁嘅一個人。」

63歲魯振順驚爆婚訊 重遇41年同學譜黃昏戀 計劃大搞婚禮

除此以外,他亦演出過多個經典角色,例如《封神榜》的比干、《楚漢驕雄》的蕭何、《溏心風暴之家好月圓》的英律師、《巾幗梟雄之義海豪情》的蔡大鳳等,一一都令人記憶猶新。

63歲魯振順驚爆婚訊 重遇41年同學譜黃昏戀 計劃大搞婚禮

割脈自殺

不過,原來魯振順亦曾經歷過人生低潮!1985年因向拍拖七年的女友求婚被拒兼分手,分手後前度才透露曾為他墮胎,令他造成極大傷害,加上事業不順, 因感慨自己事業一直未有起色,一度情緒低落,更因長期睡眠不足下,令情緒更不穩的狀態下曾於卡拉OK廳後隨手拿起一塊破碎的滅火箱1吋厚玻璃,對著手腕割下去,事後更留下一條深深的刀痕。 雖然情路上受過傷害,但都會等適合的另一半出現,對愛仍有期望,終於他等到了﹗

63歲魯振順驚爆婚訊 重遇41年同學譜黃昏戀 計劃大搞婚禮

對此,魯振順曾表示:「當時我接一個得5集嘅劇,拍咗足足2個月咁耐,我好唔開心。到我拍完最後煞科戲去食飯,點知一個電話打來,叫我第二朝開『零六』,補拍一個鏡頭!我就捉住別人去飲酒飲到喊,又喊又唔俾人走。人哋講返我把聲又突然變得好粗豪,去完廁所嘔,就打爛滅火器塊玻璃,喺電梯度割脈,不斷重複呢個動作,血標到四圍都係!我當時根本唔係一個人,我都唔記得自己做過呢件事。後來我被送去醫院,原來我已經割到見埋骨,9條筋斷咗要駁番佢…」

63歲魯振順驚爆婚訊 重遇41年同學譜黃昏戀 計劃大搞婚禮

事後,他開始信奉佛教,明白人生不如意事無需過份放大,對事情不要過於計較及執着。因此,魯振順亦不再不計較自己只做配角。另外,曾接受正統聲樂訓練的他認為自己可以閒時出show唱唱歌已經很滿足。

63歲魯振順驚爆婚訊 重遇41年同學譜黃昏戀 計劃大搞婚禮

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!