黃子華

男親女愛|黃子華大爆與發哥相識經過 背後原來有段感人故事!

最新娛聞

廣告

黃子華和鄭裕玲主演的《男親女愛》深宵重播,原來黃子華曾在棟篤笑《金盆𠺘口》臨近尾聲時,突然在台上指自己好開心,因為發哥亦有到場睇騷!其後,黃子華更大爆與發哥相識經過,背後原來有段感人故事!

黃子華大爆與發哥相識經過

其後,黃子華大爆自己與發哥相識的一場經過,他指自己當年還是寂寂無名的藝人 ,但發哥已是位大明星。第一次與發哥相識是在酒店中菜廳,子華表示當時他見到發哥一直望住他,並向他的方向走過來。子華當時就心諗唔通發哥搵他,但認為無理由,皆因發哥應該唔識他。但其後發哥真係行過嚟,還跟子華握手,子華就坦言當時真係好驚喜!

黃子華大爆與發哥相識經過 背後原來有段感人故事!
黃子華大爆自己與發哥相識的一場經過。(圖片來源:東方新地)
黃子華大爆與發哥相識經過 背後原來有段感人故事!
黃子華表示當時他見到周潤發一直望住他,並向他的方向走過來。(圖片來源:新傳媒資料庫)

男親女愛主題曲 周潤發亦在場?!

時間跳到十年後,2000年黃子華同Do姐於西貢拍《男親女愛》拍片頭時,咁啱發哥亦於西貢影相。過咗一排,有TVB同事搵子華,仲話發哥有嘢俾佢,點知一拆開,原來係一張相。嗰張相,就係子華在西貢拍片頭當日,發哥不作聲拍低子華衝線一刻,之後還將相裱好,送給子華做禮物!

黃子華 黃子華拿着周潤發送贈他的衝線照片,在騷上感謝他。
黃子華拿着周潤發送贈他的衝線照片,在騷上感謝他。(圖片來源:fb@黃子華 – 子華本部)
黃子華 2000年黃子華同鄭裕玲於西貢拍《男親女愛》拍片頭時,咁啱周潤發亦於西貢影相,還拍低黃子華衝線一刻。
2000年黃子華同鄭裕玲於西貢拍《男親女愛》拍片頭時,咁啱周潤發亦於西貢影相,還拍低黃子華衝線一刻。(圖片來源:fb@黃子華 – 子華本部)
黃子華 黃子華拿着周潤發送贈的禮物,流露感激之情。
黃子華拿着周潤發送贈的禮物,流露感激之情。(圖片來源:fb@黃子華 – 子華本部)
黃子華大爆與發哥相識經過 背後原來有段感人故事!
黃子華公開感謝發哥,並指估唔到冇乜人識的時候,有人會對他這樣好。(圖片來源:東方新地)
黃子華大爆與發哥相識經過 背後原來有段感人故事!
完騷後,發哥表示子華是個好有材華藝人,如果他日後金盆洗手,是香港觀眾損失,希望佢再隔幾年再做俾大家睇。(圖片來源:東方新地)
黃子華大爆與發哥相識經過 背後原來有段感人故事!
對於酒店中菜廳相遇握手事件,發哥則直言當年的確認識子華,更因一直覺得他說話有深度,幾有才氣,所以同子華握手!(圖片來源:東方新地)

邊個好友搞喊黃子華?

之唔係同子華識於微時嘅林祖輝囉!子華多場騷都在台上提到祖輝,表示當年自己第一次開棟篤笑時,因擔心銷情慘淡而到處貼街招宣傳,當年幸得祖輝仗義幫忙,期間講到哽咽。估唔到,子華完騷後一入後台,就見到對方原來嚟咗捧場,子華激動到一見到祖輝就挨喺佢肩膀喊,朋友都立即遞上紙巾畀佢拭淚。

黃子華大爆與發哥相識經過 背後原來有段感人故事!
林祖輝同黃子華原來係好兄弟!(圖片來源:新傳媒資料庫)

有報道指出當年係林祖輝幫子華去紅館攞表,申請文化中心個場地,佢哋又一齊度棟篤笑個名,而在2003年,子華公演《無炭用》時撞正「沙士」,林祖輝仲幫手喺門外派口罩畀觀眾入場,真係好兄弟!

黃子華大爆與發哥相識經過 背後原來有段感人故事!
黃子華一見好兄弟林祖輝即喊出來。(圖片來源:新傳媒資料庫)
黃子華大爆與發哥相識經過 背後原來有段感人故事!
黃子華在後台見到咁多嘉賓即感動落淚。(圖片來源:新傳媒資料庫)
黃子華大爆與發哥相識經過 背後原來有段感人故事!
黃子華喊到收唔到聲。(圖片來源:新傳媒資料庫)
黃子華大爆與發哥相識經過 背後原來有段感人故事!
企喺側邊嘅邱淑貞見到子華喊到咁,都唔知點好!(圖片來源:新傳媒資料庫)

當晚有份睇騷嘅鄭啟泰都有貼同子華及林祖輝合照,留言話:「第一次認識子華應該是1990年,我在電台做small potato,商台搞咗個single party,當時仍然是DJ的黃子華走過來講咗句說話「呢個係最desperate 嘅party!」嚇得我吖🤣原來果陣林祖輝幫佢響尖沙嘴貼poster宣傳第一個楝篤笑。」

子華同祖輝相識逾30年,1988年二人在商台有份主持節目「咪前7先鋒」,大家認得子華嘛?!

黃子華 主持人:(前排左起)歐陽德勛、林祖輝、胡增民 (後排左起)彭鏡光、鄧梓峰、蔡齡齡、黃子華、歐陽應霽
主持人:(前排左起)歐陽德勛、林祖輝、胡增民 (後排左起)彭鏡光、鄧梓峰、蔡齡齡、黃子華、歐陽應霽

大家之所以見到子華同祖輝喺後台激動相會,原來係名媛黎曉靈(Kimmy)分享相片及拍片放上其IG,又留言﹕「男神不忘初心感動落淚了!與女神們一起去看我的男神。從自己貼街招拍沒有人來,到現在一票難求,實在為你的堅毅驕傲#黃子華 #cry #感動的淚」

黃子華大爆與發哥相識經過 背後原來有段感人故事!
子華同祖輝喺後台激動相會,原來係名媛黎曉靈(Kimmy)分享相片及拍片放上其IG。(圖片來源:新傳媒資料庫)

而睇頭場圈中人眾多,包括古巨基夫婦、關心妍夫婦、蘇永康夫婦、蔡一傑、蘇絲黃、金燕玲等!

黃子華棟篤笑 售限量𠺘口杯

「棟篤男神」黃子華嘅最後一個棟篤笑騷《黃子華棟篤笑金盆𠺘口》,上周五晚喺紅館開鑼,為咗趕絕黃牛,子華神一口氣開足26場,一眾粉絲熱切期待!個騷講明係十八禁,仲要只限香港,不設巡迴,題目都離不開關於香港本土,講民生,諷刺時弊……

頭場晚上七時喺紅館門外大會已有攤檔賣紀念品,就係「金盆𠺘口」杯,子華事前喺Facebook留言:「飲水又得,食飯又得,𠺘口又得,擺設又得,紀念又得,總之…..你想到就得,而最緊要,係限量㗎!」限量喎!賣100蚊,抵啦!當然仲有就係《唔黐線唔正常》嘅DVD,賣$150,逾百人排隊幫襯,十分墟冚。

黃子華 這位男士買了5隻𠺘口杯!
這位男士買了5隻𠺘口杯!

晚上八時十分, 開場前場內廣播宣佈:黃子華棟篤笑,即將開始,將會一氣呵成兩個多小時,大家要好好準備喇。如果晏瞓爭取時間恰一陣,鍾意講野爭取時間講哂佢!

黃子華大爆與發哥相識經過 背後原來有段感人故事!

一如以往,棟篤笑開騷前,播出由1990年黃子華第一個棟篤笑開始——《娛樂圈血肉史》、《色情家庭》、《末世財神》、《棟篤笑雙打之玩無可玩》、《秋前算帳》、《唔黐線 唔正常》等歷年棟篤笑金句片段!其中《唔黐線 唔正常》畫面播出子華雞蛋高牆片段:「我哋有仁,有勇,我希望我哋都有智慧,去保護我哋自己,不容一粒雞蛋粉碎,好唔好?」全場報以熱烈掌聲,精華片段播足十幾分鐘。之後廣播繼續:請大家放低手機。不准拍攝錄影,勸身邊朋友唔好玩電腦……

黃子華大爆與發哥相識經過 背後原來有段感人故事!

論黃屍藍屍阿爺 子華:「大家對顏色嘅喜好唔同啫…」

千呼萬喚嘅子華神棟篤笑,終於在八時半出場 ,全場嗌到地板都震埋,一開始子華就話要同大家講最重要嘅兩句金句:

「就係,就係……回水冇得傾!除褲冇得傾,太高清!冇錯,金盆𠺘口喇,最後喇!有得嗌好嗌!嗌唔嗌呢,唔需要懶煽情,因為都係你哋搞到我冇得做嘅啫!大家都知今時今日喺香港做個藝人係幾咁困難啦,大家對顏色嘅喜好唔同啫,冇得撈啦。『佢好鍾意黃色㗎,死咗呢條屍唔要發黑,要發黃呀!黃屍嚟㗎!黃屍華,冇得撈啦!佢就唔啦,佢襟撈呀,佢個人好憂鬱,好blue,變藍屍。』咁點解襟撈?有孝心,瀨阿爺吖嘛。瀨阿爺喎,仲唔係廿四孝之最?『阿爺早晨,你邊度痕?』」全場笑到肚痛!

想生存 扮色盲

「今時今日喺香港做藝人唯一生存機會係色盲,我都唔知黃同藍有咩分別, 黑同白我都唔係太清楚,彩虹我就分到,彩虹係咖啡色嘛,彩熊即係啤啤熊啫!識唱歌㗎嘛。今時今日係識唱歌嘅啤啤熊都死呀,係以前你唱歌勁就叫勁㗎啦,我叫做張國友呀,我係張國榮加張學友呀,王菲見到我因為我太勁,都要改姓,依家叫做張菲呀,我一人唱歌都未輸過,但係依家就輸俾一個,都唔知係咩人嚟㗎,爛口爛舌,佢唔係唱贏我呀,佢係喺上面唱我呀!

「梁振英係好嘢嚟嘅!」

「咁樣今時今日,我哋做一個藝人,搵食唯有咁,有老婆仔女,咁就唯有唔講嘢啦,但唔講嘢又講:『搵人仔…』乜你講到好似拐子佬咁喎,捉啲人仔當錢洗,咁所以我依家喺大陸搵嘅錢,我會同人解釋清楚,我唔係exactly係大陸搵嘅,我係過關嗰時搵嘅,我係一路過關一路唱:『做個勇敢中港人…』一地兩唱ok吖,你話一地兩唱OK,你又會冇得撈㗎喇。

「你唔生性又講一句:『梁振英係好嘢嚟嘅!』但係冇得連任,共產黨冇眼光啦,恭喜你喇,你邊度都唔使去喇,從此你嘅職業就係𠺘口,人哋返工你𠺘口就得喇,邊度都唔使去,依家做生意真係好困難。」

黃子華大爆與發哥相識經過 背後原來有段感人故事!

子華續說:「睇佢前面憎佢後面,唔係,係睇佢後面憎佢前面,我點知佢咩樣啫,佢睇籮友就知佢小器,兩股嘢夾實晒。喂,依家香港唔使睇喇,係聽到佢把聲,憎埋自己個friend。
以前係一竹篙打一船人,依家係一竹篙打最後一隻救生艇。『你隔籬沉咗喇,唔好理啦。』『嗰度有隻救生艇喎,個個咪黃子華!』之後扮普通話講:『你還看甚麼,叫我呀,叫救命呀!』由得佢,收工,有冇咁過份呀?你知唔知依家香港,係會恭祝人哋屋企死人,撞正生日仲有歌聽。」之後子華唱恭喜你今日個仔摺埋,晚上再恐死埋老竇,年年都有今日,你晚晚都要裝香,恭喜你。』

「人哋屋企死人,你恭喜佢,你有冇人性呀?社會上群起辯論,竟然係有得辯論,因為宜家辯論嘅邏輯變咗係,『希特拉死老母應否恭喜佢?』『希特拉X家鏟應否成為公眾假期呢?』咁邊個係希特拉呢?咁就睇吓你鍾意嘢顏色,暗角7警、暗角打鑊,冇可能係啱啩?」
黃子華大爆與發哥相識經過 背後原來有段感人故事!

暗角打鑊啱定唔啱?

「呢度完全冇人敢表態?你睇吓香港幾恐佈,呢啲不嬲日日報紙,個個發晒癲,但係入到場冇人敢表態?你哋醒目,因為我影低你哋。暗角7警、暗角打鑊認為啱嘅,拍吓手?(子華再問現場觀眾 )認為唔啱嘅?」全場即有不少人拍手。

黃子華大爆與發哥相識經過 背後原來有段感人故事!

「歷代嘅忠良,係俾啲狗官迫害」

子華說:「認為啱嗰啲,官都判埋喎,點解有得拗呢?歷代嘅忠良都係俾啲狗官迫害,打人就唔啱,岳飛咪唔啱,打人所以咪死囉,但係岳飛死之前,都有幾塊金牌喎!依家真係難分真與假,呢個社會真係…我喺街見到一幅對聯,你點演繹呢?佢寫住:『暗角7警執死雞、善用私刑龍咁威!』」

黃子華大爆與發哥相識經過 背後原來有段感人故事!

外母比喻佔中

「特焦(焦慮症)大爆發,你諗下喇,焦慮症崩潰,佔中嘅口號係乜嘢呀,係『用愛與和平佔領中環』,你要佔領人哋個女,你都唔可以咁樂觀啦,剩係得呢兩樣嘢,你都要約伯母出嚟飲茶,『你有咩即管問吖伯母!』,太古城,問我有冇,不如你問我有冇郭富城吖!
「我屋企有兩個figure,我有兩個呀,現金我係有嘅,不過依家月底呢……過幾日我又會再有,伯母不如你直接啲,我想同你個女結婚,我係有兩樣嘅,愛、和平。「我係唔搞嘢,你唔係咁都要考慮呀,一個人樂觀成咁,其實係一個焦慮症嘅反彈,真正嘅問題係呢個焦慮症要點醫,呢個焦慮症係點嚟㗎?呢數點計,係咪要計到鴉片戰爭咁遠?無論你點計,個問題係,香港已經大撕裂開始咗喇。點解決?唔知,因為呢啲嘢係從來未發生過。有人話,等如香港依家啲樓係咁升,冇得解決?no,香港啲樓係跌過㗎嘛!幾時?沙士。所以你依家想啲樓跌好容易,你去睇樓,你拖隻穿山甲去囉。」

「左手拖隻穿山甲,右手拖隻果子狸,睇你買邊層。然後最緊要搵個示範單位,搵個風口位,隊隻雞上去(扮吹屁股),呢啲嘢發生過,我哋知點解決,香港大撕裂之前冇發生過,唔知道點解決。真係嘅!依家好簡單,阿強,同阿爺點解,我都唔知。阿強哥得罪咗阿爺!」

「嗱,阿強咁依家你即係當正湯唯啦阿強你係,咁你搵到你嘅梁朝偉未?『黐線,我點會搵個男人?我梗係搵個女人,西環有女人㗎嘛係咪呀?』『我真係唔係好熟,應該有嘅。咁你有冇諗住佔領邊個?』『都係嗰啲囉,5尺7、8吋高、唔好過30歲,29+1頂到盡,瓜子口臉,整過容都得,但要整得實淨,你知啦,調情呢家嘢,好激烈o架嘛。』「『阿強,如果真係畀你佔領到一個喇,你可唔可以話我聽你打算點?』阿強話:『我打算點?我打算長期打算,充份利用。』」

談警員被問候 「依家喺香港做警察你要好脾氣過教宗」

講到警察被人侮辱,子華說:「你唔會知我講乜,你唔好拍(掌)拍得咁快,可能唔係你想聽嘅嘢,點解叫『武』警?唔係武力個武,係伯母嘅母呀,因為依家香港做警察嘅首要條件,就係願意接受人哋問候呀伯母,我係網上睇條片有個警察抄牌,嗰個被抄嘅一分鐘問候咗佢60次,我哋正常人嘅語速係一秒講4粒字,啱啱好啦,X老母……,60次(全場拍掌),一秒鐘都冇嘥,當然有啲人會話警察係抵㗎啦,各位,大家仲記唔記得有本叫《查理周刊》呢《查理周刊》當年喺法國就取笑回教徒話(晚晚)發生恐襲,被恐襲,整死好多人,全世界都憲責、教宗當然都憲責啦,但教宗同時又講:「不過你成日問候我阿媽,我都會揼你個鼻㗎,即係呢,你依家喺香港做警察你要好脾氣過教宗,我可以想像到啊各位,依家警察喺學堂,最重要嘅訓練係乜嘢?企喺度!立正!FXXK YOU!FXXK your mother!FXXK FXXK FXXK FXXK FXXK!」

黑社會入侵影圈 黃子華:「5個電影老闆係幫會」

「92年等如香港黃金的水尾,依家好多年輕人好懷念香港黃金年代,即係由香港嘅70年到90年代,各位我嘅黃金年華就搭正喺香港黃金年代,咁即係大家懷念嘅係我…唔好叫我黃子華,叫我黃金華﹗嗰陣時黑社會有全世界最強勁公關…亞洲荷李活,香港嘅電影圈,我哋唔單止10套戲裏面有9套講黑社會,我哋10個電影老闆有5個就係幫會,我唔會叫佢哋黑社會,我叫幫會,因為好多都幫過我嘅!
其實10個裏面唔係得5個咁少㗎各位,其實10個裏面有成8個㗎,點解話得5個?因為有3個…死咗,仲係畀人打死咗,你有冇諗過你聽日唔使返工,唔係因為打風,係因為你老闆畀人打死咗,好彩冇人拍手,仲係畀對家個老闆打死咗喎,即係依家係講緊『麥當勞休息一天,因為肯德雞做咗嘢!』」

黃子華 黃子華經歷過香港黃金年代,自封「黃金華」。
黃子華經歷過香港黃金年代,自封「黃金華」。

「香港最危險嘅職業係影評人…」

「香港最危險,我認為最勇武嘅職業係乜,就係影評人,你做馬評人呀、股評人呀,就算你累死人,你好少會聽到佢哋俾人打㗎喎,點解呀?因為你落咗注,無論係股票又好,隊個冧目,一嘢就落咗去㗎喎。但係你拍戲唔同喎,你拍戲係一個漫長嘅過程呀,我要日日用把槍指住呢個小器華,指到手指都抽筋,然後指指下我個細佬又俾啃德雞啃死咗,我要當睇唔到,然後我晚晚臨瞓前,舐下個雞籮柚,卧身嚐籮,然後我千辛萬苦,腥風血雨,拍完我呢部傑作,母女風雲食鴨棍,無錯你無聽錯,唔係食夾棍,係食鴨棍,剩係呢個名都收八千萬啦,依家就俾你條四眼仔影評人,一嚟就兩句說話:『小心入場…睇完會內傷…』」

喬裝者勿去靈堂

大家都知,子華其中一句金句係「卸妝認得你叫化妝﹐卸妝唔認得你叫喬裝」呢晚佢對喬裝,再有一番說明…
「你去到靈堂,你都會見到,『靈堂範圍,面斥不雅』,咩意思呢?你係可以鞠躬,但你真係唔好太喬裝,唔係你陣間瞻仰遺容時候,你個妝仲厚過佢,咁,依家都唔知邊個死咗,係唔係?講嚟講去,面斥不雅咩意思,無非好簡單,你知㗎,大家心裡面都有把尺嘅,你知道應該係點樣做㗎,唔使講到明,係咪?成個香港好似大嘅武館咁,上面寫住『切磋武藝,面斥不雅』,即係咩意思?即係講手,唔好拆祠堂,點解呀?因為你唔係拆卸公司,你係『一代宗師』,係唔係?唔係『一代乞兒』,面斥就不雅。」

「各位,喺香港嘅黃金年代,我哋去到一個境界係可以面斥不雅,全香港大街小巷,因為我哋大家練咗香港呢套內功:Jetso得嚟賑災,王晶得嚟家衛。佢既返幫會,同時亦都返教會,大家唔係聖人,但都唔係人……渣,『全球獨家 面斥不雅』。」

首場尾聲 喊住清唱

到尾聲時觀眾歡呼大嗌「除褲」、「唱歌」,子華亦叫大家繼續嗌,現場氣氛高漲,之後佢話:「呢啲時候好羨慕啲歌星,歌星唔使講乜嘢,唱多一首,我哋巨星收山一定唱一首歌,係咪,當然我哋巨星收山都復出﹗(全場歡呼)放心,我唔係巨星,我只係有啲觀眾緣,但係……我就係想唱歌,我唔單止想唱歌,仲想唱啲巨星唔會唱嘅歌,我要唱時代曲,仲要唱香港第一代時代曲,即係粵曲﹗死未﹗

我唔知有無人睇過,以前TVB有套劇情叫做《幻海奇情》,專講靈異、鬼馬、奇怪嘢,我呢首歌就叫《幻海奇情》,係清唱,OK?…勞碌半生,忙打拼,想係太平盛世…做個小明星,贏咗有粒糖,一輸乜都無剩,光陰已…(子華忍不住喊,拿出紙巾抹眼,觀眾大叫唔好喊)

唉!無用…人生在世真係需要正能量,幾多難關難過,講亦講唔清,我回首望,望住紅館,能夠與各位喺度歡樂一宵,都係屬於幻海…奇情﹗」子華清唱係晚上11點,正式完成首場棟篤笑。

圈中人紛朝聖

子華人緣極佳,睇頭場嘅圈中人勁多,包括子華神老友古巨基夫婦、黎耀祥一家三口、吳鎮宇、劉嘉玲、李嘉欣、蔡一傑、谷德昭同女友林子瑄、鄭中基、林子善夫婦、金燕玲,蘇絲黃、蘇永康夫婦、關心妍夫婦、蕭定一、鄺美雲,就連90歲嘅「仙姐」白雪仙都出山,同徒弟陳寶珠捧場。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:新傳媒圖片庫、黃子華facebook