黃子華28年棟篤笑 到底講過幾多場？
廣告
黃子華被封子華神，當然唔係浪得虛名，因為香港嘅棟篤笑，就係由子華喺90年《娛樂圈血肉史》引入，「棟篤笑」呢個名都係佢起，呢28年間，黃子華到底講過幾多場棟篤笑，你哋又計唔計得出呢？
撰文：東方新地｜圖片：新傳媒圖片庫、黃子華FB
黃子華 90年引入棟篤笑
1990年，黃子華首次引入棟篤笑，喺文化中心開咗5場《娛樂圈血肉史》。1991年再轉戰伊利沙伯體育館，開咗3場《色情家庭》。之後1992年6場《跟住去邊度》，1994年6場《末世財神》，以及1995年11場《棟篤笑雙打之玩無可玩》，都喺伊利沙伯體育館舉行。
1997年8場棟篤笑《秋前算賬》喺伊利沙伯體育館舉行。1998年到文化中心，開咗25場《鬚根Show》。1999年，伊利沙伯體育館舉行嘅《拾下拾下拾年棟篤笑》，就開咗11場。
2000年演藝學院，開咗足足59場《鬚根Show2》。2003年《冇炭用》，喺伊利沙伯體育館，開咗10場。2006年《兒童不宜》，一樣喺伊利沙伯體育館，開咗13場。
2010年 首度踏足紅館
2007年12場《越大鑊越快樂》，2009年15場《嘩眾取寵》，同樣喺伊利沙伯體育館舉行。2010年首度踏足紅館，講《娛樂圈血肉史2》，有8場。
之後黃子華嘅棟篤笑一直喺紅館舉行，包括2012年10場《洗燥》，2014年11場《唔黐線 唔正常》，以及嚟緊2018年26場嘅《金盆𠺘口》。
講足239場
開估啦！由黃子華喺90年《娛樂圈血肉史》計起，到嚟緊7月舉行嘅《金盆𠺘口》26場，呢28年間黃子華嘅棟篤笑就有155場，如果計埋同張達明、吳鎮宇兩次《鬚根Show》，就講足239場，史無前例！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
