延伸閱讀︰

爆男友求婚過程 王君馨 ︰其實有啲嬲嬲豬嘅！

《幕後玩家》拋棄龔嘉欣 黃宗澤被鬧爆世紀賤男

回流返港 參選港姐

今年30歲的王君馨（Grace）自小已經移民至美國，直到2007年參選港姐先回流返港。Grace當年仲成為三料港姐，其後參選國際小姐時勇奪友誼小姐，實力非同凡響！另外，鬼妹仔性格的Grace除咗係一個虔誠基督徒之外，仲係一個多才多藝的藝人！2008年拍住內地藝人俞灝明贏咗《舞動奇跡II》冠軍，2013年又參加《星夢傳奇》，唱得又跳得仲要睇得！

從09年演到16年

Grace喺演員路上發展都尚算不錯，比較出名的作品有《飛虎》、《熟男有惑》、《公公出宮》等。雖然Grace拍劇多年，但真正入屋的角色，就不得不提佢喺今年播出的《城寨英雄》入面，飾演為報家仇而以夜總會領班身份接近城寨三大巨頭的打女花曼！

當佢被奸角殺死一幕播出時，除咗花曼的男朋友牙佬傷心之外，好多觀眾都非常心痛，就連陸永的囡囡Hannah都喊到收唔到聲，就知道花曼呢個角色係幾咁受歡迎！

緋聞多籮籮

另一方面，就快27歲生日的 龔嘉欣 ，當初經朋友介紹成為模特兒，其後於演藝學院戲劇學院修讀戲劇，擅長唔同類型的舞蹈。最初佢就係向主持方面發展，直到參演青春劇《盛裝舞步愛作戰》才踏上演員之路。然而，最受觸目的唔係佢嘅演技，而係佢一大籮的緋聞！緋聞男友包括關楚耀、周國賢、吳業坤、楊明、黃宗澤等等，數都數唔晒！

從狐狸精到賢妻

龔嘉欣 近年更被封為專搶男友的狐狸精，直到《幕後玩家》的賢妻良母角色出現先成功洗底。劇中因為老公Bosco出軌令佢進入崩潰狀況， 一場崩潰喊戲令大批網民對佢演技另眼相看，Facebook更有大規模洗版，有網民更直指「原來龔嘉欣咁好戲㗎？」！。 其實 龔嘉欣 曾兩度提名最佳女配角，但一直未有獲獎，未知今年能否憑突精湛演技破蛋！

全文完