延伸閱讀︰

Jessica C.踢爆 伍允龍帶劉佩玥見老友

激罕！袁偉豪 自爆那些年校草真身

同期出道嘅楊怡同定欣曾經係好姊妹，據知定欣當年經常約埋對方上自己媽咪間美容院做facial，又成日孖公仔去街，不過04年拍《大唐雙龍傳》時傳出兩人爭吳卓羲搞到反晒面，加上之後定欣同馬國明分手，令身為馬明好友嘅楊怡對定欣更不滿！10年台慶頒獎禮，兩人被影到撞膊互藐，不和到出晒面！

12年幾乎除公事外不相往來，但今年楊怡同羅仲謙結婚，將於下月2日擺酒，阿怡亦不計前嫌，大方請埋定欣去飲；而定欣收到帖後，日前亦公開祝福楊怡同謙謙，更回憶起十幾年前曾經一齊落住雨去沙灘玩水，似乎感觸良多！今時今日定欣已達視后級，楊怡又離巢外闖，事業上兩人唔再係對手，更唔會再爭仔，係時候握握手做番好朋友啦！

全文完