37歲秦嵐親授白皙肌膚背後秘訣 感光植物一定要少食？
撰文：東方新地｜圖片：新傳媒圖片庫、微博
37歲秦嵐親授護膚之道
37歲的秦嵐保養得宜，驟眼望落一啲都唔似接近40歲！近日佢旋風訪港三日，在港期間出席化妝品品牌活動，不過最吸睛嘅富察皇后皮膚相當白皙，喺閃光燈下皮膚更猶如白到識得反光！
當問到皇后娘娘有咩護膚之道，秦嵐就大方向大家分享透露自己每天都會敷mask，做運動，同不吃煎炸食物！
少吃感光植物
皇后表示自己對飲食好注意，基本譬如說香菜（如芫荽）就好少吃，而且仲少吃感光植物，然後經常要食一啲更健康嘅食物，譬如說每天會有酸奶牛奶攝入！
相信唔少人可能對於感光植物唔太了解，其實感光植物就係含有光敏感性物質嘅植物，例如芹菜、韭菜、檸檬、紅蘿蔔等！
但大家可能會問檸檬唔係可以美白嘅咩？據營養師指出檸檬真係感光食物，但要一次過要食300百個先會變黑，所以只要適量進食應該就影響唔太大嘅，但娘娘就決定一於少食為妙！
勤做運動
娘娘仲表示要維持美好身段，就一定要堅持做運動！佢認為好嘅身材一定不會喺懶人身上，所以一定要勤奮！
早晚敷臉膜
之後，秦嵐指基本每日敷兩片臉膜，早晚各一片，因為有時拍戲前一定要敷一片，如果唔係個妝就會好唔貼！
定期排汗
而且，佢仲話因為拍戲長時間照燈光，再加上面上有好厚嘅妝容，其實會對皮膚蠻傷，所以清潔佢會好在意對皮膚嘅保養！
秦嵐表示要定期排汗，因為咁樣做可能會對於代謝比較好！當然，定期排汗除咗可以令身體代謝加快，仲可以keep住個弗爆身型，認真一舉兩得！
秦嵐出巡 晒白滑美腿
秦嵐昨午從北京飛抵香港，由女助手陪同步出閘口，品牌安排多名保安接機，戴黑超嘅秦嵐表現友善，應記者要求停步拍照。
雖然保安重重包圍，但秦嵐也邊行邊接受記者簡短訪問，之後她上七人車直駛紅磡下塌的酒店休息！
晚上秦嵐再出動到尖沙嘴廣東道的時裝名店，為應邀出席的活動試衫。
秦嵐話上次來港已是年多前的事，對香港印象好好，也喜歡地道美食，她又透露參演的內地劇《外八行》已煞科，隨後都是四處飛來飛去工作。
對於外界讚她皮膚保養得好，秦嵐大方分享心得，表示會每天敷面膜，平時喜歡做運動，都會控制飲食，少吃煎炸食物。
秦嵐 曾參加《舞動奇蹟》
37歲秦嵐在《延禧攻略》中飾演溫婉大方、賢良淑德嘅富察皇后。劇集有口碑及收視，令秦嵐人氣急升！
網民都大讚秦嵐係最溫柔嘅皇后，仲讚佢演活乾隆心目中嘅「白月光」。
秦嵐在《延禧攻略》以一支「洛神舞」艷驚四座，但佢就自嘲：「我是靠演技在跳舞的奇女子。」
仲搞笑配圖話自己髮型同卡通小豬Peppa Pig同款㖭！
原來佢最近參加咗一個跳舞比賽真人騷《新舞林大會》，喺節目上佢自白：「我以前演過的『綠萍』、『知畫』好像都會跳舞，但是這些都用了很多替身。」
秦嵐話希望喺節目上搵到好老師，幫助佢認真學習跳舞。
但喺節目後台佢一度哭崩，原來係因為壓力太大：「我想回家了，我覺得我坐這兒幹嘛？那麼多人都跳得那麼好，我為什麼要在裡面競演。」
秦嵐以往曾經喺劇集《還珠格格3》飾演擅長跳舞嘅「陳知畫」，又試過喺劇集《又見一簾幽夢》飾演芭蕾舞蹈家「汪綠萍」，巧合嘅係兩套都係由瓊瑤嘅小說改編，秦嵐喺劇中都係飾演一名富有心機嘅女配。
除咗劇集，秦嵐07年仲參加過另一跳舞比賽真人騷《舞動奇蹟》，當時佢同無綫藝人黃致豪（前名黃長興）組成一隊。
雖然秦嵐自爆唔識跳舞，但喺觀眾心目中秦嵐「舞技出眾」，仲紛紛表示希望佢可以重現「洛神舞」嘅風采！
《還珠格格3》演陳知畫
大家或許對秦嵐這名字有點陌生，但有沒有覺得她很熟面口？因為她在《還珠格格3》中曾飾演「知畫」，有印象吧！秦嵐接受內地媒體訪問時表示：「當年我拍《還珠格格3》（2003年首播），演的角色叫知畫，連自己也覺得她討厭，但當時對我來講是高攀，能演到就很慶幸了，但你會發現十幾年都洗不掉那個名字，現在居然很多人說，因為知畫討厭秦嵐，又因為富察愛上她，我很感動。」
03年2月，瓊瑤劇組赴京選角時，秦嵐從200多名候選人中脫穎而出，扮演《還珠格格3》中新增人物江南名媛陳知畫。瓊瑤曾經這樣形容秦嵐的美態：「秦嵐一滴淚，天上一顆星。」多年後，秦嵐演清宮劇演「富察皇后」比初出道時更美。
同黃曉明拍拖4年
唔講唔知，原來秦嵐同黃曉明02年拍《還珠格格3》中撻著，之後再喺《龍票》中合作過，更被封為「新金童玉女」，但二人在06年分手收場，對於分手原因眾說紛紜，點都好，二人分已經分手多時，而且黃曉明都結咗婚娶咗Angelababy仲生咗囝囝，有個大好家庭。
皇后教保養心得
秦嵐在劇中擁有絕美的美貌和知性氣質，但唔講唔知她37歲，比真實年齡要年輕多！秦嵐曾表示她膚質偏乾，除了基本的面膜保養，上妝前會用保濕乳霜先按摩，睡前一樣用乳霜當晚安面膜。她常常多喝水、愛喝湯，會用燕麥加水果打成飲品喝，也盡量不吃炸物。
秦嵐身穿白色連身裙，散發清新柔美的氣息，宛如少女般甜美可人！
皇后認為減肥最重要的就是「堅持」，走路收肚子，坐著縮小腹，隨時隨地讓肚子有用到力，自然就會瘦小腹。
原來秦嵐先後同港星應采兒、方中信合作過，也成為了好友，！
除了用飲食控制體重，秦嵐仲熱愛跳健身舞keep fit，難怪身形咁靚！
