Bob

Bob王祖藍激似清代真·妃嬪 有望拍《延禧》續集?

最新娛聞

廣告

大熱劇《延禧攻略》雖然已在內地播完,不過熱潮絲毫未減,劇中一眾妃嬪宮女各具美態,仲有啲認真到爆的網友走去翻查歷史,睇番劇中角色的歷史原型!不過劇集同史實始終有段距離,近日更有人搵到兩張清代的妃嬪相,睇到網民O晒嘴,因為竟然同王祖藍及阿Bob(林盛斌) 一模一樣!

撰文:東方新地|圖片:新傳媒、Instagram

Bob王祖藍激似清代真‧妃嬪 有望拍《延禧》續集?

無論係較早前的《深宮計》,定係現時喺大台熱播中的《延禧攻略》,都有唔少熱心網友走去翻查歷史,睇番劇中角色的歷史原型!其中當然有驚喜有失望,畢竟你無理由真係相信成個皇宮都係俊男美女啩?近日又有網友搵來兩張清代妃嬪相,但大家一睇,明明係…… 阿Bob同王祖藍嚟!

 

連阿Bob本人都忍唔住喺社交網呢張珍貴圖片,並留言:「如果《延禧攻略》開續集,我同祖藍冇理由冇份拍囉…..」有網友就笑說,如果真係阿Bob同祖藍扮妃子,乾隆會即刻駕崩都似!

大家覺得似唔似呢?

延伸閱讀:似過孖生!盤點10對撞樣明星!你又識幾多對?

香港區代表:

1.靚湯(湯洛雯)& 女神倪晨曦 (Elva)

佢哋究竟有幾似樣呢?就係似到無綫後製特登為兩人整咗嗰換面特效,而小編睇咗三次都覺得無線好似冇加特效咁⋯⋯

2.張振朗 & 張智霖

3. 阿嬌(鍾欣潼) & 何超蓮

阿嬌同超蓮唔單止係公認嘅兩大靚女,仲要係好姊妹,仲仲要樣都有啲似!連超蓮都喺阿嬌IG個Post度留言,叫阿嬌做失散家姐添喎~

4.陳瀅 陳僖儀

「陳瀅她不夠愛我,陳瀅我坐後備座~」

就算大家唔記得陳瀅係咩樣,都可能記得之前網民將佢個名變做歌詞萬能Key,其實小編一直都覺得陳瀅同前幾年因車禍過身嘅實力女歌手陳僖儀有啲似樣!

5. 衛詩雅 & 連詩雅

衛詩雅同連詩雅,其實除咗個名似到幾乎一樣之外,其實小編覺得佢地個樣都有少少似㗎,雖然唔係個個認同⋯⋯出道時間都係差兩年㗎咋!

6. 森美 & Otto (王志安)

森美大哥依家都四十有幾,但就愈嚟愈Fit愈有型,近年喺係無綫劇集同綜藝節目都有唔錯嘅表現!唔知大家仲記唔記得佢有個撞樣兄弟Otto (王志安)呢?

跨地區系列:

7. 吳尊 & 鍾嘉欣

講起撞樣明星,當然不得不提吳尊同嘉欣BB呢對經典組合啦!真係隔幾多年睇都覺得好似樣,成對親生兄妹咁啊!

鍾嘉欣今年三月宣布再度有喜,現時佗B已近八個月,早前嘉欣於社交網上載一張摸住巨肚的相,留言問大家覺得BB係男仔定女仔添!

今胎係囝囝啊!!

8. 橋本環奈 & 梁列唯

日本女星橋本環奈形象清純可愛,素來被網民稱為「千年一遇美少女」,係唔少巴打嘅女神。但亦有網民指出佢同TVB藝人梁烈唯撞樣,仲話從此對佢冇哂興趣喎⋯⋯

9. 蔡思貝 &木村拓哉 & 達哥

其實蔡思貝被網民話同達哥撞樣都唔係第一次㗎啦,但因為達哥又被戲稱同木村拓哉似樣,所以就搞到連蔡思貝都被撞嚟同木村拓哉比較啦!雖然木村拓哉出名有型靚仔,但小編就唔知蔡思貝又鍾唔鍾意呢個比較啦~

唔知大家又覺得佢地三個又冇啲相似呢?

10. 馮盈盈 & AV女優桃谷繪里香

之前馮盈盈喺《後生仔傾下計》大爆覺得自己幾似AV女優桃谷繪里香,當陸浩話唔識嘅時候,佢仲大聲叫陸浩上網搵吓!

相就睇完啦,大家又覺得邊對撞樣明星最似樣呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!