Do姐鄭裕玲

Do姐鄭裕玲處女下海客串193新歌MV 離巢無綫連環倒戈 網民指極唔妥153

最新娛聞

廣告

鄭裕玲(Do姐)效力無綫44年,兩個月前高調宣布離巢,講到渴望自由,看來都忍咗好耐。Do姐一個華麗轉身,頭炮將會到HOY TV與前TVB高層余詠珊合作,出埠拍攝旅遊節目,今日Do姐再在社交網連出兩個po撐193郭嘉駿,處女下海為193的新MV客串,Do姐連環倒戈,今次仲要唔收錢幫與曾志偉有牙齒印的193,有網民覺得Do姐擺明唔妥153。

鄭裕玲 Do姐在IG連環出po,公開表示獻出第一次,為193的新歌拍MV。
Do姐在IG連環出po,公開表示獻出第一次,為193的新歌拍MV。(圖片來源:IG@do_do_cheng)

鄭裕玲為193獻出第一次

Do姐鄭裕玲未離巢無綫前已被指偏愛ViuTV旗下藝人,特別是MIRROR成員與ERROR成員,離開無綫後更加隨心所欲,估唔到Do姐仲獻出埋第一次,為ERROR成員193郭嘉駿的新歌《越州公路193》MV做女主角,Do姐仲賣大包在其IG連環出po為193造勢,在Do姐發放的訪問短片中,她笑言絕對有理由懷疑193暗戀她,所以廢事煩,一口應承幫他客串MV,並表示第一次客串MV感覺唔錯,提示大家要loop多幾次個MV支持193,以及支持她的第一次。

鄭裕玲 Do姐話覺得193暗戀她。
Do姐話覺得193暗戀她。(圖片來源:IG@do_do_cheng)
鄭裕玲 訪問中193話好細個就睇Do姐做節目,爭啲激嬲Do姐。
訪問中193話好細個就睇Do姐做節目,爭啲激嬲Do姐。(圖片來源:IG@do_do_cheng)
鄭裕玲 Do姐幫193幫到出晒面。
Do姐幫193幫到出晒面。(圖片來源:IG@do_do_cheng)

193吼準Do姐無約一身輕

193這首新歌是特別送給他至愛的Fans,以答謝一直以來的支持,當初搵女主角時已鎖定目標:「MV一係冇女主角,一係就要搵個好勁嘅女主角。MV裡面有出現過4個地方:台灣、加拿大、倫敦及香港,當中需要一個好高貴嘅角色,而我心目中最高貴嘅就係Do姐,所以諗住碰下運氣,問下又唔使錢,點知佢一口答應咗。之前唔夠膽問,係怕有好多合約上嘅問題,所以都費事問,免得面懵懵被拒絕。」

鄭裕玲 有Do姐做MV女主角,193表現得非常興奮。
有Do姐做MV女主角,193表現得非常興奮。(圖片來源:發相)
鄭裕玲 193亦在Do姐的IG留言表示感激。
193亦在Do姐的IG留言表示感激。(圖片來源:IG@do_do_cheng)
鄭裕玲 MV畫面。
MV畫面。(圖片來源:發相)

193專為Do姐度身訂造皇室奔喪造型

為展現65歲的Do姐高貴的一面,193不但找專人設計Do姐在MV中的造型,再配以閃亮鑽飾,並出動私人古董車,將它改頭換面變成的士。193道:「一直覺得Do姐的氣質好襯倫敦,同埋佢成日喺電台節目講英國皇室嘢,所以有Do姐呢個似係英國皇室,但去葬禮嘅造型。」看到193的種種心思,當事人Do姐不諱言道:「我有理由相信你係暗戀我嘅,我無以為報喇!所以你問我可唔可以客串,我怕咗你喇,所以就客串了。」

鄭裕玲 Do姐一身英國皇室造型現身MV。
Do姐一身英國皇室造型現身MV。(圖片來源:IG@do_do_cheng)

193提議下次與Do姐打車輪

原來193得逞後,仍得一想二,問Do姐除了客串MV,還可不可以有更多的答謝,Do姐卻投訴193,道:「仲想點?我冇客串過MV,仲以為有好多對手戲,點知係冇乜,仲諗住測試下你嘅演技!」193聽罷即說:「你有冇睇《季前賽》,我直情係ViuTV黎耀祥,攞晒影帝嗰啲嚟㗎!」Do姐聽到即笑住繼續投訴:「《季前賽》俾咗個咁重嘅角色你,都做得好好 ,但今次我同你嘅合作戲份就少咗啲。」193立即解釋,說:「搵到你客串已經好好,唔夠膽要你咁操勞,同埋我驚多戲份Do姐會拒絕我,所以我一直氹住Do姐,好快!嚟1、2個鐘就可以。不如下次你做女主角,我哋打車輪!」Do姐也真的被193氣壞,沒好氣道:「所以我咪話你暗戀我囉!」反應快的193即道:「我呢啲係明戀啦!做到咁足!」

鄭裕玲 Do姐真的好高貴。
Do姐真的好高貴。(圖片來源:IG@do_do_cheng)

網民留言話Do姐唔妥153

這次Do姐客串193MV,原來未有收取任何酬勞,只求拍得夠靚,193也認真表示不知能怎樣報答對方。Do姐終於可以做自己鍾意嘅事,離巢後除了埋余詠珊班為開電視拍旅遊節目,今次更與曾志偉有牙齒印的193合作,唔收錢做MV女主角,難免會讓人覺得唔放曾志偉在眼內,更有網民留言表示覺得Do姐唔妥153,有心與無綫對著幹。

鄭裕玲
(圖片來源:IG@do_do_cheng)
鄭裕玲
(圖片來源:IG@do_do_cheng)
鄭裕玲
(圖片來源:IG@do_do_cheng)
鄭裕玲 曾志偉上任總經理一年唔夠,Do姐就離巢,仲連環倒戈,難免被猜測有心對著幹。
曾志偉上任總經理一年唔夠,Do姐就離巢,仲連環倒戈,難免被猜測有心對著幹。(圖片來源:林奕華)

193仲有30名粉絲參與MV

其實除了Do姐,193亦找來30名Fans參與演出。講起Fans們,193眼濕濕說:「呢個MV唔係好見到佢哋個樣,但我唔想搵臨記客串,意境、意義上大於一切。呢30位Fans係最早跟我嘅,所以就叫佢哋嚟幫手,佢哋唔出樣,但大家心領就OK。」

鄭裕玲 193一直很想做一首歌送給Fans,但卻不想老土地畫公仔畫出腸,所以〈越州公路193〉便找來謝安琪監製、張繼聰作曲、黃偉文填詞,唱出一個人移民外地,但靠聽廣東歌去Support自己尋夢的故事。
193一直很想做一首歌送給Fans,但卻不想老土地畫公仔畫出腸,所以〈越州公路193〉便找來謝安琪監製、張繼聰作曲、黃偉文填詞,唱出一個人移民外地,但靠聽廣東歌去Support自己尋夢的故事。(圖片來源:發相)
鄭裕玲 193表示:「歌詞裡提及聽廣東歌,係比喻啲Fans一直支持我,一直聽廣東歌呢種堅持,先令我可以行到今日,甚至終於可以同Do姐拍嘢,知我咩料啦!」
193表示:「歌詞裡提及聽廣東歌,係比喻啲Fans一直支持我,一直聽廣東歌呢種堅持,先令我可以行到今日,甚至終於可以同Do姐拍嘢,知我咩料啦!」(圖片來源:發相)

去片!睇Do姐客串193新歌MV

Do姐落實為開電視拍旅遊節目

貴為無綫「鎮台之寶」的Do姐今年10月於商台節目宣佈不再與無綫續約,正式離巢TVB往外闖,寵愛「靚仔」和「鏡仔」的她一直被指最大機會轉投ViuTV的懷抱。而最新消息落實,Do姐將會為開電視拍旅遊節目。公認鍾愛靚仔的鄭裕玲,不時透過工作「自肥」,早前回復自由身後,出席《903AllStar籃球賽》主持開球禮,就毫不忌諱公開「示愛」,將手上籃球直接交到姜濤手上。

鄭裕玲 HOYTV Do姐一向出名錫「鏡仔」。
鄭裕玲一向出名錫「鏡仔」。(圖片來源:IG@do_do_cheng)

其IG更有不少與各大靚仔藝人包括MIRROR成員、Jeffrey、MC張天賦等的合照,而與MIRROR和ERROR關係友好的鄭裕玲,一直傳出最大機會將會轉投ViuTV的懷抱,不少網民都揚言期待鄭裕玲與ERROR合作《Do姐ERROR遊》形式的旅遊節目。

HOY TV宣佈Do姐年初出發拍旅遊節目

然而早前HOY TV(前名:開電視)突然在社交網站宣佈,鄭裕玲即將加盟其電視台拍攝旅遊節目,並預計於明年初農曆新年後出發。據知跟無綫前高層余詠珊主理的「好好製作」公司到外地拍攝旅遊節目,將會有15集的內容。節目還會有期他藝人同行,不過鄭裕玲及HOY TV保持神秘,暫時未有公佈其他參與拍攝的藝人名單。

鄭裕玲 HOYTV 邊估到Do姐唔係去ViuTV。
邊估到Do姐唔係去ViuTV。(圖片來源:HOY TV Facebook)
鄭裕玲 HOYTV 冇得睇佢哋合作。
暫時冇得睇佢哋合作拍《Do姐ERROR遊》。(圖片來源:IG@ do_do_cheng)

全城競猜Do姐出埠新拍檔

有網民留言猜測與鄭裕玲出埠的藝人會是誰,有網民希望是鄭裕玲的舊拍檔農夫,亦有人大膽數出鄭裕玲舊愛呂方,當然這些人物應該是不可能。然而如果HOY TV不向外尋找外援,單靠駐台男藝人的話,暫時就只得「台柱」李尚正、嚴崇天以及選秀節目《就是青春》參賽者作選擇,這些藝人也未與鄭裕玲合作過,加上知名度不算高,很大機會會令觀眾失去這看的動力,看來HOT TV要出奇招才有辦法增加收視。

鄭裕玲 HOYTV HOY TV一哥李尚正。
HOY TV一哥李尚正。(圖片來源:IG@leeching_jiro)
鄭裕玲 HOYTV HOY TV男藝人嚴崇天。
HOY TV男藝人嚴崇天。(圖片來源:IG@douglasyim)
鄭裕玲 HOYTV HOY TV選秀節目《就是青春》。
HOY TV選秀節目《就是青春》。(圖片來源:[email protected]

鄭裕玲Do姐44年後回復自由身

鄭裕玲(Do姐)絕對是無綫台柱,已65歲的她早前在電台節目親口承認結束與無綫44年賓主關係,拒續約離巢。近年Do姐鍾情和年輕一輩藝人合作,更一改電視台除自己台外不許與友台人合作的「潛規則」,Do姐主持的電台節目頻頻邀請ViuTV藝人受訪,明顯不想再有合約枷鎖:「自由身可以試唔同嘢,乜嘢都可以傾!」

鄭裕玲 HOYTV 鄭裕玲 Do姐 Do姐亦非常ERROR,網民話好想睇《Do姐ERROR遊》。
Do姐亦非常欣賞ERROR,網民話好想睇《Do姐ERROR遊》。(圖片來源:IG@do_do_cheng)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@do_do_cheng、IG@deniskwok193