Jeana

Jeana《飛虎》素顏上陣依然省鏡 性感花瓶蛻變演技派

最新娛聞

廣告

藝人拍劇好多時都濃妝上陣,冇計啦你估個個明星皮膚都咁好嘅咩?不過呢個女演員拍《飛虎之潛行極戰》竟然主動要求素顏上陣,話希望寫實啲,非常有勇氣又專業!不過佢素顏睇落皮膚真係超好,唔少觀眾覺得佢素顏一樣靚,而且演技大有進步,講緊的就係何佩瑜(Jeana)!

撰文:東方新地|圖片:新傳媒、劇照

Jeana首次拍劇

《飛虎之潛行極戰》播出以來,坊間評價好壞參半,劇中有多位猛男演出,仲有一位索女飛虎王敏奕,不過首次拍劇的Jeana亦成功搏得觀眾注意!Jeana今次在劇中飾演「凌文洛」為恐怖組織中人,亦是梁烈唯的女朋友,不過後來轉投吳卓羲的懷抱。

同吳卓羲好甜蜜

Jeana同吳卓羲在劇中有大量對手戲,當中有唔少親密鏡頭呢!

攬攬完再錫面豬!

孤苦伶仃好悽涼

Jeana飾演的凌文洛孤苦伶仃,被梁烈唯飾演的恐怖份子Kenny利用,之後愛上吳卓羲,於是決定擺脫Kenny,同吳卓羲一齊。其中一幕講述Jeana被唯唯壓在梳化上毒打,被叉頸又俾人用手放喺胸部對上的敏感位置,好陰功!

素顏上陣依然省鏡

Jeana個角色夠晒淒涼,喺劇中經常出現楚楚可憐嘅眼神,據知Jeana為了演出效果更好,主動要求素顏上鏡!真係無返咁上下好皮膚都唔敢咁做。不過可見Jeana皮膚白滑無暇,真係未驚過,高清都睇唔到有咩瑕疵。

據知其實Jeana本來都以淡妝上鏡,不過後來就決定直接素顏,咁樣就更寫實,更能突出苦命的感覺,而呢個清純feel效果幾好!

角色慘死

不過好可惜,Jeana的角色喺早前中毒身亡,吳卓羲來遲一步,最終遺憾地抱著Jeana遺體痛哭,之畫面播放播於兩人一直以來的點點滴滴,可算是《飛虎之潛行極戰》播放至今最感動一幕。

性感花瓶不再?

今年29歲的Jeana雖然係第一次拍劇,不過大家對佢都唔會陌生,性感身材與《喜愛夜蒲》都係其廣為人知的標記,自此多被標籤為性感花瓶。Jeana接受訪問時,曾表示一直等唔到發揮的機會,對呢類角色感到厭倦,所以今次非常感激樂易玲小姐搵佢做凌文洛呢個角色!

夜蒲女神深入民心

自2011年《喜愛夜蒲》開始,Jeana性感女神形象深入民心,但同時令佢走唔出呢個框框,後來喺唔同電影中都係演類似的角色。雖然性感Jeana係好索,不過喺《飛虎》有不一樣的演出,令大家對其演技改觀,希望Jeana會繼續進步啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!