mirror演唱會|姜濤談泥鯭事件 認有做得唔妥當地方:

MIRROR演唱會|姜濤談泥鯭事件 認有做得唔妥當地方:虛心接受前輩提點

最新娛聞

廣告

MIRROR當中4位成員,包括Anson Lo盧瀚霆)、Edan(呂爵安)、Jer(柳應廷)同姜濤於今日(18日)出席於太古城舉行的MIRROR個人演唱會記者會,4子齊齊上台見大家,公布即將舉辦個人演唱會詳情,事後佢哋接受訪問,姜濤亦有就早前泥鯭事件發表感受。

mirror演唱會|姜濤談泥鯭事件 認有做得唔妥當地方: 姜濤 4子齊齊上台見大家!
4子齊齊上台見大家!(圖片來源:東方新地)
mirror演唱會|姜濤談泥鯭事件 認有做得唔妥當地方: 姜濤 mirror 演唱會 演唱會詳情公開了!
演唱會詳情公開了!(圖片來源:網上圖片)

姜濤首回應泥鯭事件

MIRROR成員姜濤早前在CHILL CLUB頒獎禮奪獎後,逐一對11位成員發表感言,隨後樂隊RubberBand鼓手泥鯭(黎萬宏)在個人Facebook發文嘲諷。被問有冇留意泥鯭事件,姜濤直言:「有有有,其實自己不嬲都對於任何前輩嘅提點,我都虛心接受嘅,老實講,因為我相信無論大家用啲咩形式、用啲咩方式去提點我,我哋自己都需要去吸收,所以多謝佢。(有冇影響情緒?)我都成日都會睇到好多嘅comment,所以都慣咗。」

早前成員AK及Stanley都有提議姜濤下次講感受講少啲,姜濤好誠實話:「啱呀,我覺得自己思考過之後都有做得唔妥當嘅地方,所以唔使佢哋提點我自己都知道了,但係都係嗰句,用最真誠嘅心去表達自己想表達嘅嘢,希望唔會傷害到任何人就得。」談到姜糖對泥鯭事件不滿,姜濤補充一點:「希望彼此大家都一齊成長,因為我成日都話人無完美,所以我自己都有做得唔妥當嘅地方,自己都會去反省,所以希望大家都可以同我哋一齊成長。」

mirror演唱會|姜濤談泥鯭事件 認有做得唔妥當地方: 姜濤表示希望彼此大家都一齊成長。
姜濤表示希望彼此大家都一齊成長。(圖片來源:東方新地)
mirror演唱會|姜濤談泥鯭事件 認有做得唔妥當地方: 姜濤 泥鯭 rubberband 泥鯭 鼓手泥鯭!
樂隊RubberBand鼓手泥鯭(黎萬宏)在個人Facebook發文嘲諷姜濤感言(圖片來源:FB@MW Lai)

Anson Lo腸胃炎未睇醫生

MIRROR四子姜濤盧瀚霆(Anson Lo)、柳應廷(Jer)及呂爵安(Edan)早前在馬來西亞順利完成《One Love Asia Festival 2023馬來西亞站》演出,不過Anson Lo臨開騷前患腸胃炎,他表示:「仲係屙緊,個肚搞緊,keep住食藥,嚟緊呢一兩日會睇醫生,因為可能馬拉嗰邊返嚟仲未清,冇睇醫生,嚟緊呢一兩日要睇醫生,同埋有啲胃痛,問醫生專業意見好啲。」至於腰患方面,Anson Lo透露有定期做物理治療,唔會100%好返,會以保養形式治理。

mirror演唱會|姜濤談泥鯭事件 認有做得唔妥當地方: 姜濤 希望教主快啲好返!
希望教主快啲好返!(圖片來源:東方新地)

姜濤自爆上The First Take緊張 Edan:冇咗我爭啲囉

繼柳應廷和李駿傑在日本音樂頻道The First Take(TFT)中演唱〈人類群星閃耀時〉後,昨晚TFT再釋出加入了盧瀚霆及姜濤的〈Rumours〉4人合唱版本。Jer表示:「好開心,可以上到呢個國際平台可以俾人睇到,其實香港有隊組合叫MIRROR,希望大家可以透過我哋今次嘅表演去了解到之前出過嘅歌,去了解到我哋。」姜濤回應錄音好緊張:「啲人話僵硬嘅僵呀嘛 因為真係一take過,所以唔想聲音上唔上有任何嘅閃失 ,可能肢體上就唔好諗咁多,我唔想有啲咩嘅失誤,令到大家都唔好,所以大家想令件事好。」問到會畀自己幾多分,冇份參與嘅Edan搞笑說:「我會俾自己10分!(你覺得我哋幾分?)冇咗我爭啲囉,99分囉!」被追問想唔想參與TFT?Edan:「都想嘅,但同時又擔心驚自己handle唔到,下次囉,有機會嘅,我見阿Lo同佢一齊拍盗月者不停練和音,所以睇得出大家好緊張 可能如果我有份唱都會超緊張 。」

mirror演唱會|姜濤談泥鯭事件 認有做得唔妥當地方: 姜濤 Edan話都想參加The First Take喎!
Edan話都想參加The First Take喎!(圖片來源:東方新地)

聘請團隊監察安全措施

打頭陣開個唱號Jer坦言期待,流程已大致定好,細節將再調整。另外,MIRROR演唱會去年發生嚴重意外,舞台安全問題再次引起全城關注。至於有關是次個人演唱會機關安排和安全措施,Jer表示:「今次安全方面,公司都特別請咗一個團隊去監察一啲安全措施,咁所以我哋可以專心喺舞台做到演出,我哋專注表演就ok。」

mirror演唱會|姜濤談泥鯭事件 認有做得唔妥當地方: 姜濤 Jer表示:「今次安全方面,公司都特別請咗一個團隊去監察一啲安全措施,咁所以我哋可以專心喺舞台做到演出,我哋專注表演就ok。」
Jer表示:「今次安全方面,公司都特別請咗一個團隊去監察一啲安全措施,咁所以我哋可以專心喺舞台做到演出,我哋專注表演就ok。」(圖片來源:東方新地)

點擊睇更多詳細內容

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:東方新地、FB@MW Lai