張寶兒 OPM

OPM|張寶兒晒火辣三點式靚相谷新劇 索Body真身原來係佢

最新娛聞

廣告

張寶兒日前為宣傳新劇《OPM》,在社交網上載了一幅超火辣的三點式靚相,實行性感大解放!正當網友驚訝張寶兒上圍忽然由A Cup跳升至D Cup之時,原來這張相的真身另有其人!

OPM 張寶兒貼出的三點式靚相非常火辣!
張寶兒貼出的三點式靚相非常火辣!(圖片來源:IG@_bowiecheung)

張寶兒:千萬不要相信

人妻張寶兒在社交網貼出大尺度的靚相,以宣傳新劇《OPM》已於myTV SUPER上架,同時她又笑指:「一切都是FAKE(虛假)的,千萬不要相信! #劇組問我IG有無一張可以讓人上釣的相可以做劇中的displaypic #我話我IG無性感相 #然後做了這張 #雖然最後劇組沒有選上它 #但也不要浪費」

OPM 原來張寶兒是為了宣傳在myTV SUPER上架的新劇《OPM》,劇中她飾演財經記者Season,同Ben Sir有感情線。
原來張寶兒是為了宣傳在myTV SUPER上架的新劇《OPM》,劇中她飾演財經記者Season,同Ben Sir有感情線。(圖片來源:IG@_bowiecheung)
張寶兒 OPM 呢個先係真身!
呢個先係真身!(圖片來源:IG@_bowiecheung)

袁偉豪拒認老婆 親自回應網民:唔係叫你睇波

張寶兒老公袁偉豪立即留言:「你唔係我老婆…」好友吳若希就搞笑tag袁偉豪話:「你就好啦,有個咁hot嘅老婆。」而網民則紛紛留言說「違反商品說明條例」、「睇到流鼻血」、「P到咁大想嚇死人咩」等等,此外又有網民爆粗質疑張寶兒真身同相片不符,竟引得袁偉豪親自落場回覆:「叫你睇劇呀,唔係睇波呀!」盡心盡力為老婆谷劇!

張寶兒 OPM 袁偉豪最後仲加多句「支持吓啦」非常落力!
袁偉豪最後仲加多句「支持吓啦」非常落力!(圖片來源:IG@_bowiecheung)
OPM 袁偉豪與張寶兒結婚一年多以來,一直恩愛。
袁偉豪與張寶兒結婚兩年,一直恩愛。(圖片來源:IG@_bowiecheung)
張寶兒 張寶兒右)曾經參加過2016年港姐選舉。
張寶兒(右)曾經參加過2016年港姐選舉,上圍只有A Cup。(圖片來源:IG@_bowiecheung)
張寶兒 近年張寶兒愛上玩造型照。
近年張寶兒愛上玩造型照,都有著泳衣影相。(圖片來源:IG@_bowiecheung)
張寶兒 得見原本身形。
谷盡兼靠角度、陰影,才有此效果。(圖片來源:IG@_bowiecheung)

真身是印度西施

這張身材火辣的三點式美女照,相信是張寶兒在網上stock photo中隨機選用,據知這位美女的真身原來是一位印度西施,名叫Divya Sharma,其比堅尼照除了被張寶兒用作P圖外,原來仲曾經被豐胸公司放入廣告文章中,作為宣傳之用。

張寶兒 OPM 這幅比堅尼靚相,真身原來是一位印度西施。
這幅比堅尼靚相,真身原來是一位印度西施。(圖片來源:網上截圖)
張寶兒 OPM 有豐胸公司更將這張相用作宣傳照。
有豐胸公司更將這張相用作宣傳照。(圖片來源:網上截圖)

重溫袁偉豪肉麻拍片賀結婚一周年 誠實招認張寶兒係佢第一桶金

袁偉豪和張寶兒之前為慶祝結婚一周年,特別安排到灣仔一間酒店Staycation度春宵,張寶兒更拍片放上自己的YouTube頻道,兩公婆歎住High Tea深情對話,檢討一年來的婚姻生活,當中不乏肉麻對白。被指是億萬駙馬的袁偉豪,食咗誠實豆沙包,坦言張寶兒是她的最大投資,仲話人生第一桶金就是娶了張寶兒做老婆。

張寶兒 OPM 袁偉豪慶祝執到寶一周年。
袁偉豪慶祝執到寶一周年。(圖片來源:YouTube@張寶兒Bowie Cheung)
張寶兒 OPM 在電梯內袁偉豪已經扮sweet錫老婆額頭。
在電梯內袁偉豪已經扮sweet錫老婆額頭。(圖片來源:YouTube@張寶兒Bowie Cheung)

袁偉豪被埋怨難度期

袁偉豪今次帶老婆張寶兒去酒店Staycation,仲拍片放上社交網晒恩愛,片頭一開始張寶兒就埋怨老公難度期,晚晚拍劇拍通宵,終於可以有假放享受二人世界。從踏入酒店一刻開始,張寶兒已經非常興奮,入房後由袁偉豪負責揸機,張寶兒做導遊介紹房間設備,袁偉豪影住張雙人床說:「呢個就係今晚主菜,大家明啦!」張寶兒即搶白稱自己才是主菜,對話相當肉麻。

張寶兒 OPM 入到酒店房,袁偉豪影佳張雙人床話是主菜!
入到酒店房,袁偉豪影佳張雙人床話是主菜!(圖片來源:YouTube@張寶兒Bowie Cheung)
張寶兒 OPM 兩公婆不停打情罵俏。
兩公婆不停打情罵俏。(圖片來源:YouTube@張寶兒Bowie Cheung)

認真檢討婚後生活

之後,二人一邊在房間內歎High Tea,一邊進行深情對話,檢討過去一年的婚姻生活,袁偉豪直言與張寶兒婚後的相處,舒服過拍拖的日子,原因竟然是請了工人姐姐幫手做家務,張寶兒承認與袁偉豪爭執得最多是在家務方面,仲話:「我生出嚟就唔係做家務嘅材料,你唔應該咁用我!」含住金鎖匙出世的張寶兒果然是千金小姐,唔做得家務。

OPM 袁偉豪與張寶兒開餐前先錫錫。
袁偉豪與張寶兒開餐前先錫錫。(圖片來源:YouTube@張寶兒Bowie Cheung)
張寶兒 OPM 因為婚後請了工人姐姐做家務,所以袁偉豪話婚後的生活比拍拖生活更舒服。
因為婚後請了工人姐姐做家務,所以袁偉豪話婚後的生活比拍拖生活更舒服。(圖片來源:YouTube@張寶兒Bowie Cheung)
張寶兒 OPM 千金小姐講真話。
千金小姐講真話。(圖片來源:YouTube@張寶兒Bowie Cheung)

袁偉豪冧爆張寶兒

片中袁偉豪與張寶兒不斷互數優點,表現出二人是天作之合,張寶兒感激袁偉豪樂意為她拍照、拍片,更加好欣賞丈夫為人坦白、不愛計較,對身邊的人非常大方,袁偉豪又指老婆讓他滿足兒時買車買玩具的興趣,又體諒他與女拍檔拍親熱戲。當張寶兒有少少埋怨他不憧得投資把錢愈滾愈大,早幾年把多年來的積蓄花盡,袁偉豪直言:「我投資咗啦!投資喺你身上囉!我賺到人生第一桶金就係娶咗張寶兒做我老婆。」仲話花盡積蓄娶張寶兒後,都不會覺得自己好窮。

張寶兒 OPM 袁偉豪係咪食緊誠實豆沙包?
袁偉豪係咪食緊誠實豆沙包?(圖片來源:YouTube@張寶兒Bowie Cheung)
OPM 張寶兒拍拍心口話自己會升值,是潛力股!
張寶兒拍拍心口話自己會升值,是潛力股!(圖片來源:YouTube@張寶兒Bowie Cheung)
OPM 袁偉豪聲言婚前花了很多錢與張寶兒外遊,又話結婚幾乎花光自己的積蓄。
袁偉豪聲言婚前花了很多錢與張寶兒外遊,又話結婚幾乎花光自己的積蓄。(圖片來源:YouTube@張寶兒Bowie Cheung)

惹來網民熱議

袁偉豪婚前與張寶兒以聯名形式斥資超過七千萬購入清水灣豪宅王傲瀧一個複式花園單位共築愛巢,當時有傳四千萬首期由女友張寶兒父親張煌煌支付,當作愛女嫁妝,被封「億萬駙馬」的袁偉豪看來已豁出去,不再介意外間的閒話。今次袁偉豪公開講「人生第一桶金就是娶了張寶兒做老婆」,即惹來網民熱議,大家都笑指袁偉豪好老實,為氹有米老婆終於講出了心底話。

OPM 袁偉豪終於承認張寶兒是他人生最大的投資。
袁偉豪終於承認張寶兒是他人生最大的投資。(圖片來源:YouTube@張寶兒Bowie Cheung)
張寶兒 OPM 袁偉豪出招狂冧老婆。
袁偉豪出招狂冧老婆。(圖片來源:YouTube@張寶兒Bowie Cheung)

去片:袁偉豪張寶兒酒店Staycation賀結婚一周年

張寶兒為何被P上性感女郎照?

張寶兒近日在社交網上傳一張超火辣性感照,而且明顯是張寶兒樣貌是被P上去的,更叫大家千萬不要相信⋯⋯詳情請看

袁偉豪對老婆性感照有何回應?

袁偉豪在老婆張寶兒性感照下留言直指相中人不是自己老婆⋯⋯詳情請看

撰文:東方新地圖片來源:IG@_bowiecheung、YouTube@張寶兒Bowie Cheung資料或影片來源:YouTube@張寶兒Bowie Cheung