梁凱寧富士山浸浴疑失手洩春光 網民福爾摩斯上身力證冇睇錯
前無綫新聞主播梁凱寧（Maggie）身形一直都Keep得勁好，早前她穿著瑜伽褲做運動就引起熱議，近日她和家人一齊去日本旅行放鬆一下，點知有張相出咗事！
梁凱寧遊日浸浴照疑洩春光
梁凱寧一向被譽為「樣靚身材正」，離開新聞小花的崗位之後，梁凱寧就開始密密搵其他唔同工作嚟做，又做老師又做言語治療師，又做埋節目主持，比以前搞多咗幾瓣！
望住富士山浸浴
梁凱寧近日在IG上傳了多張靚相，其中一張放在Story中的相片，可見她坐在酒店浴室中，望住絕美的富士山景浸浴，Caption則寫道：「GOOD MORNING MOUNT FUJI」。
疑被手把位置出賣意外露點
乍看之下都冇乜問題，不過有眼利網民則發現梁凱寧照片上的浴缸手把位置反光，疑似映射出Maggie春光，有網民更指照片見到她的「點」。
網民意見兩極
不過照片由於要動用長毛Memes圖「嘩！X你唔好再細啲」，所以其實都難以確認其反射位置到底是否走光。有網民則認為其實只是手部的陰影，直言「諗多咗」、「其實係咪隻手？」等等。
望梁凱寧解答疑問
亦有網民福爾摩斯上身，在一輪分析之後，確認其位置的確為上圍，仲分析埋手部同上圍的確實位置，亦有網民畫埋解構圖，指該個位置其實是膝頭哥！有網民知道梁凱寧會睇連登，就希望她可以親自落場，解答一下網民的疑問。
沙灘相再翻Hit
有網民再翻出梁凱寧以前在沙灘的照片，相中的梁凱寧身穿白色三點式，深長事業線相當養眼，疑似男友從後攬實她，態度親暱，網民留言話好生羨慕。而當時的梁凱寧的一身健康膚色亦成為大家焦點，網民驚訝黑妹梁凱寧如何變成今日的白滑白天鵝﹗
一家人遊日勁開心
但疑似走光的照片並無損梁凱寧遊日好心情，一家人自駕遊密密Up相，日前她就上傳一組家人穿著和服的照片，玩得相當開心。同時梁凱寧又上傳了一張食雪糕相片，網民都大讚仙氣十足，直言：「好想做杯雪糕！」
仲有其他梁凱寧靚相：
