王卓淇

28歲王卓淇愛晒招牌長腿 港姐亞軍性感演出任「J」唔嬲!

正妹
大台小花、2014年港姐亞軍王卓淇係2018《美女廚房》學徒之一,大晒招牌長腿好搶鏡,其實佢之前都試過喺劇集三點式性感演出,本身高學歷兼家境富裕,就連網民話要「J」佢對腳都冇問題,難怪咁受男士歡迎!

撰文:東方新地|圖片:東方新地、劇集截圖、IG erin_kay

頻密更新IG、密密曬長腿

王卓淇家底豐厚、一個手袋已經係無綫姐仔幾個月人工,盛傳拍劇愛炫富、開工有幾個跟班,三線大茄排場架勢似大小姐,有指被同劇對手戲最多的馮盈盈藐爆,不過,馮盈盈就解畫話同王卓淇相處融洽,但就漏口風爆:「佢係試過帶阿媽工人開工!

王卓淇 ( erin ) 的instagram有超過 17萬粉絲。
王卓淇 ( erin ) 的instagram有超過 17萬粉絲。

美女廚房,食咗先講!

2018年的《美女廚房》帶出了18位美女學徒出席宣傳活動,全部靚女清一色著上廚師制服,配襯灰色格仔超短裙,美女長腿一字排開,果真目不暇給,超壯觀!

28歲王卓淇愛晒招牌長腿 港姐亞軍性感演出任「J」唔嬲!

王卓淇變眼鏡娘下廚

「美女學徒」中有大台藝人、前港姐及模特兒等,個個都有樣有身材,其中TVB小花王卓淇亦係學徒之一,話晒出名有對修長美腿,呢日短裙仔上陣自然非常吸睛!王卓淇以前留有一把長髮,不過最近就改為中短長度的啡金頭髮,加埋副圓框眼鏡,成個日本妹咁,kawaii!

王卓淇

2014年港姐亞軍

可能大家都唔係好記得,王卓淇其實係2014年香港小姐亞軍,當年冠軍係邵珮詩、季軍則為何艷娟。28歲的王卓淇近年開始多咗參演劇集,不時都大晒無敵長腿。佢自己本身喺社交網站都不時分享靚相派福利,男網民們當然無任歡迎!唔講咁多,即刻去圖!

王卓淇原來跳舞都幾有功架,早前佢上載兩條同馮盈盈等人跳韓國女團舞蹈的短片,扮可愛賣萌之餘,又盡騷白滑美腿!舞技如何就唔評論啦,總之畫面就好好睇!

屋企好富貴

之前為大家介紹過15位大台富貴兵團,王卓淇都係其中之一!王卓淇父親是護膚品生產商,早年在東莞落成逾50萬呎廠房,規模十分大。王卓淇自己亦能手持大角咀一號銀海及廣州白雲區600萬物業。

28歲王卓淇愛晒招牌長腿 港姐亞軍性感演出任「J」唔嬲!

盛傳拍劇愛炫富?

喺無綫劇《果欄中的江湖大嫂》內,王卓淇同惡人阿媽甄詠珊相依為命要捱窮,現實中王卓淇家底豐厚、一個手袋已經係無綫姐仔幾個月人工,盛傳佢拍劇愛炫富、開工有幾個跟班,排場架勢似大小姐!

28歲王卓淇愛晒招牌長腿 港姐亞軍性感演出任「J」唔嬲!

現實中的王卓淇媽媽係富太一名,有傳佢帶埋工人去拍攝現場探班服侍個女。
現實中的王卓淇媽媽係富太一名,有傳佢帶埋工人去拍攝現場探班服侍個女。

高學歷一族

家境富裕,王卓淇自己都係高學歷一族,佢曾就讀於廣東外語外貿大學南國商學院國際經濟與貿易系,其後赴英留學,於西英格蘭大學修讀一年制本科課程。完成學士學位後往英國薩里大學攻讀國際商業管理碩士學位。

繼《果欄中的江湖大嫂》後,王卓淇喺宮心計2深宮計》中亦有出場,飾演「一局四司」的四位助手之一的趙秋葵(掌製)。

王卓淇 劇集初嚐性感

之前喺《果欄中的江湖大嫂》其中一集中,見到王卓淇以泳裝現身,除咗不停擺甫士外,仲向住鏡頭撒嬌,性感之中帶點可愛!然後王卓淇又大晒小蠻腰,一個字,正!

王卓淇

王卓淇
身材一般般,可愛搭夠啦!

谷胸濕身上陣

鏡頭一轉就去到泳池邊,王卓淇已經換咗另一套更少布嘅三點式出場,呢套泳衣睇得出初嚐性感演出的王卓淇谷到盡,三點式、事業線,真係冇得輸!

王卓淇

王卓淇自選港姐後,基本上都再無試過泳裝示人,呢次激罕喺劇集性感示人,連佢自己都不禁連日po落水照~

王卓淇

王卓淇任J唔嬲

王卓淇近年演出不斷,網民對佢有讚有彈,佢之前曾參與《東方新地》「星星負皮卷2」,有巴打話佢得對腳可以「J」,又有指呢位來自廣州的女仔係「公廁」,王卓淇都大方地笑著回應!

即刻睇片:

亞軍港姐寸寸貢

2014年王卓淇得亞軍後,即被網友迅速起底,指她是新移民,經常發明星夢,曾參加選美,王解釋:「如果我係發明星夢就一早做咗model啦!(成日選美?)我係參加過華姐一次,當時好細個。(好想入娛樂圈?)趁後生梗係咩都試吓。」

對於被質疑參賽資格及代表性,王即反駁:「我喺廣州出世,三、四年前嚟香港住,父母一直喺內地做生意,公公婆婆半世紀前已喺香港定居,我喺2010年攞到身份證,未有三粒星,但參加港姐唔使三粒星。」參選以來,王卓淇是非最多,被數臭劣行一大籮,指她大學時寸嘴高傲、跟同學爭仔、成績差、拍拖時迫男友包長居內地的母親食住費用、貪慕虛榮、發明星夢等,王卓淇全部否認,將「寸行」形容為自信表現。