燒雞

燒雞外賣雞翼「不翼而飛」定「藝術三文治」慘啲?

熱話

廣告

每次嗌外賣都總有啲風險,一係入面啲嘢食少咗,一係就入面加料,想好好哋食餐飯都咁難? 近日有網民外賣咗隻燒雞,點知返到去先知冇咗隻雞翼,真係「不翼而飛」?

原文:環球膠報|圖片:Facebook

燒雞外賣雞翼「不翼而飛」

近日有網民喺大家樂買咗外賣燒雞,但返到屋企打開個外賣盒,竟然發現入面冇咗隻雞翼:「隻燒雞無左隻翼啊」。有人就食花生咁話:「就收工D員工肚餓 食左少少啫。」、「隻雞無咗條命tim….」。

唔少網民睇到個post都忍唔住笑:「可能下午茶雞翼唔夠用,所以借咗隻雞翼嚟用」、「可能員工太餓,燒雞翼,佢鐘意食」、「無左個頭ar」。

不過都有網民覺得樓主小事化大:「算啦!食少隻翼啫,咁都睇唔開」,但事主就好嬲反駁話:「講真,你隻雞唔係好食,咁成個餐都唔算貴,無理由呃我隻翼。」小編就話一係堂食啦,咁咪睇得一清二楚,唔怕少咗啲嘢啦!

同場加映:

網民鬧爆沙律腿治「裝假狗」

早前有網民幫襯葵興一間工廈小食店,買咗份沙律火腿三文治,點知食咗啖發覺唔對路!樓主嬲爆將張相放上Facebook群組,留言話:「今早在公司樓下買了份沙律腿治,咬一啖已覺得唔對,打開一睇,藝術的表現,葵興_ _大廈條巷仔,大家去開記得去睇藝術品。」

「藝術三文治」介紹番

原來樓主將沙律火腿三文治打開,三文治入面塊火腿只有一小截,仲要切成一小條,而沙律醬只係塗咗麵包嘅三分之一。樓主稱呢間店為「良心舖」,仲話啲三文治係「藝術三文治」,見大家去睇「藝術品」!

唔少網民都鬧爆食店:「好過份」、「離晒譜」,有網友食花生話:「好夠食」、「火腿冇益嘛,食少啲健康啲」、「咁好心機切條,呢啲直頭良心企業喇」。

小食店店主原來有苦衷…

據知小食店店主話做係有原因的!佢哋話咁做係想降低成本:「有食客反映話想平啲,寧願唔要咁多餡,我哋壓低成本,做到20蚊兩份,朝早食完晏晝再食,平返少少畀街坊!」其實店主係為客人著想,細心聆聽客人意見後作出改善!直頭要讚佢啦~