疑港女訂枱No Show 師傅嬲爆懸紅$300尋人
廣告
相信大家不時都會在網上見到港人去日本旅行時，預約了餐廳但最後「No Call No Show」，令餐廳蒙受損失，甚至令香港人被列入黑名單，現時日本唔少著名食店唔接受香港人訂枱！以上「No Call No Show」情況其實在本港亦是屢見不鮮，日前大坑一間日式小店在其FB專頁發出 懸紅 $300的尋人啟示，原因係一位蔡姓客人甩底，令店方蒙受金錢損失及浪費食材。事件引來唔少網民關注，正反意見都有不少，唔知大家又點睇呢？
懸紅 $300尋人
在大坑主理一間日式小店的余師傅，日前在FB專頁發出一篇尋人「懸紅」，提供$300請各方朋友搵出一位姓蔡的甩底客！事緣事主上月底致電餐廳，預約7月8日晚上兩位，余師傅稱星期六係店方少有繁忙的日子，所以規定預約要收取訂金，但佢明白顧客貴人事忙，又得知對方係打算慶祝生日，最後決定講個「信」字，免收訂金。而當日中午余師傅亦再次打俾阿蔡，對方確認係會出席。
祝你萬壽無疆
但無奈去到出post時間十點幾，店方仍未見到阿蔡蹤影，仲曲線話好擔心對方係咪遇上意外。最後余師傅不忘送上祝福：「雖然今天未能見您最後一面，我在此希望您多福多壽,萬壽無疆。」余師傅接受媒體訪問時稱同類事件唔係第一次發生，今次事件令店方損失約1000元生意及浪費食材，故決定唔會再為冇落訂的客人留位。
有網民留言支持余師傅，認為大家講個信字又甩底實在不該，而且店方唔係咩大集團，浪費食材的影響可以好大，大鬧蔡姓客人冇品！
不過亦有持相反意見的網民，認為店方為客人留位而唔收訂金，所以有損失都只能怪自己；而且做生意必然有風險，依家將事件放到網上公審未免有點小家。
全文完
關鍵詞
港女
