絲打

戲院起爭執 男友淆底 絲打霸氣單挑MK情侶…加隻兵

熱話

廣告

睇戲時有人狂講嘢同踢凳真係超乞人憎,偏偏呢啲事就老是常發生,就算你忍唔住出聲,都會有啲人「選擇性失聰」!近日有連登絲打就遇著呢啲情況,最慘係佢男友明明喺隔離,但完全幫唔到手,搞到絲打要單打獨鬥,最後一挑三戰勝!絲打好嘢!

原文:娛聞樂|圖片:Lihkg.com

絲打霸氣單挑MK情侶…加隻兵

話說絲打早幾日去睇戲, 見到一對情侶加隻兵去睇戲已經夠騎呢,不過都唔夠個女騎呢,勁無品!

散場後撩交打

MK情侶又嘈又踢櫈, 仲要惡人先告狀,完場後出到去想撩交打!不過絲打都不甘示弱!

兵仔愈幫愈忙

之後另外嗰隻兵終於趕到,但絲打形容佢為「汁男咁嘅樣,仲要一臉無辜」於是絲打自信爆棚,一個打三個,輕鬆將對「白痴戀人」同隻兵仔擊退!

絲打男友淆底消失?

不過有唔少網友都突破盲腸,因為成個故事中有一個人完全冇出現過,就係絲打男友啦!竟然淆底唔幫女朋友?

大家都係唔肯放過絲打嘅男友!

奉勸各位唔好得罪呢位巴打!

強烈要求入戲院要考牌!

香港人面對好多事都敢怒不敢言,絲打嘅勇氣唔係人人有㗎!堅型!

延伸閱讀:

睇戲十大最無癮行為! 森美小儀於《早霸王》逐一盤點

袁偉豪「薯片風波」早排成為熱話,森美小儀喺《早霸王》中亦有提及,並討論咗一堆去戲院令人好無癮的事,包括:坐側邊嘅人成日出出入入、俾後面踢櫈、有人食爆谷食得好大聲等等,大家有冇遇過… 或者自己做過?

踢櫈!踢完又踢!

最無癮之首就由「踢櫈」奪得!對於屬於高人一族的森美,表示對咁係因為有啲戲院座位較窄,要翹腳先可以坐得晒,但翹得耐又要換吓姿勢,所以會唔小心踢到前排嘅櫈。雖然聽落事出有因,但專心睇緊戲突然被人踢一腳,有時一腳完又一腳,真係會令人極之難忍。

即場討論乞人憎

另外,相信唔少人都會遇過啲人即場討論劇情甚至係劇透,唔知點解有時情侶或夫婦都好鍾意在戲院內進行討論或講解!有網友更表示遇過以上情況,向對方反映,但俾人鬧返轉頭:「戲院有話唔俾人講嘢咩!」真係又無奈、又想打爆佢個頭。

同場有失控嘅小朋友

講到「同場有失控嘅小朋友」呢個情況,森美笑言自己曾有朋友帶囝囝入場睇Iron Man,結果一開場,小朋友就已經因為太驚係咁嗌走人。而森美認為小朋友失控又或者係咁發問的情況出現,都只可怪父母。

有人食好香嘅嘢

「有人食好香嘅嘢」,可能因為戲院真係唔少人食嘢,所以大家未算好反感,不過小儀就話曾遇過有觀眾外賣黑椒豬扒飯入場!森美則表示依家戲院增加唔少款式的熱食,而咖哩魚旦絕對係濃味之首,而呢啲食濃味食物的行為,佢自己還可以接受咁話。

情侶喺你前面親熱

情侶親熱,正常不過,喺戲院仲夠晒黑,不過唔該顧及前後左右觀眾的感受,尤其是單身狗如小編… 入戲院都係專心睇戲,要親熱就唔該轉場啦。

細細聲傾電話

小編都明白,有時睇緊戲可能會有唔聽唔得的電話,但可以的話就行出影院先講啦,無論你以為自己講得有幾細聲,坐附近的觀眾都一定會被你影響到。

開場前廁所大排長龍

老實講,次次喺戲院去廁所都會大排長龍,特別係女廁。為咗唔會錯過電影個開場片段,而家小編都會喺外面去定廁所先,費事要排一輪之餘,又避免錯過咗套戲任何精彩場面!

焗住坐第一二排

認真的說,如果太遲先買飛入場睇戲,要焗住坐第一二排都真係幾無癮。小編試過坐頭幾排,而成場戲可能太多近鏡,結果小編都好似只係睇緊啲演員個口講嘢咁,要望哂成個樣都好辛苦…

兩個扶手被人佔據

一個坐位兩邊扶手本來就係足夠的,但有時一個人入場睇戲,咁啱左右兩邊又有人坐之餘,又咁啱坐喺左右的人都用緊自己座位個扶手,搞到冇得用都幾慘。雖然又唔算太緊要的!

有人食爆谷食得好大聲

食爆谷有聲就一定難免,但有時可能大家食嘅爆谷時盡可能就放輕少少咁食,如果唔係食到不停發出好大「咯咯」聲,都會好影響其他觀眾觀看電影。

關鍵詞
MK戲院