禮貌

長輩唔夠講就話你無禮貌 網民無奈:「究竟佢哋對禮貌嘅定義係咩?」

熱話

廣告

好多人屋企都有好多規矩,例如要大大聲叫人,唔可以做某啲嘢咁。隨住最細嘅90後都成年,大家同新一代都開始有代溝,之不過所謂長輩嘅禮貌都係一樣咁難搞。

撰文 : 娛聞樂 | 圖片 : 連登討論區 | 編輯 : 東方新地

長輩唔夠講就話你無禮貌 網民無奈:「究竟佢哋對禮貌嘅定義係咩?」

個巴打咁講:

早晨打招呼,返嚟見到人叫人,呢啲基本禮貌好明白

但有啲我個人認為唔明白嘅係

1. 返到入屋要搵下佢係邊再叫佢,唔搵佢出嚟叫一次就係你冇禮貌,但佢自己又唔會做

2. 你覺得唔啱嘅嘢,同佢持相反意見,討論下,講多兩句佢唔啱聽,又係你冇禮貌

3. 點解成日覺得啲後生去玩唔啱,但佢又同我講佢個fd而家有病行都行唔到,有錢冇得駛,我講返佢之前講過咩就話背景唔同,總之後生應該要捱唔係去玩,講多兩句,又話我點解咁冇禮貌

4. 當佢冇禮貌對你你同佢講,當然佢哋都係我駁咀我唔啱,身邊嘅人就會再同你講,老咗係咁㗎啦,就下老人家

其實冇禮貌係咪長輩嘅必殺技,一句無禮貌你咩道理都冇晒,最緊要係身邊嘅人就會附和,阿西點解你可以對xx咁講咁冇禮貌,我話傾下計姐,佢哋都會話總之你唔應該駁咀

利申:屋企長輩對我唔係咁差,只係覺得去到所謂禮貌呢個位真係唔係咁明白,想請教下大家

其實呢件時發生係大家日常生活中,當自己大個嘅時候,冇做到個壞人,但係做咗你細個最唔想成爲嘅嗰種大人。

好多巴打都有感而發,紛紛留言。

華人社會嘅階級觀念都真係根深蒂固,好多時好多規矩要守,雖然有時係好嘅,但好多都冇乜意思。

呢句金句真係屈機。

的確,當長輩話你冇禮貌,冇家教你又吹佢唔漲,咬佢唔落。

一個人尊重人,就一定會得到其他人嘅尊重。Respect!love & peace !

唔係個個都係咁,都有啲老一輩講道理,不過真係鳳毛麟角。

其實有時唔係文化問題,而係大家都濫用咗自己嘅權利或者身份。

尊重係要自己贏翻嚟,正所謂「面係人地俾,架係自己丟」,人地尊重你,你都要尊重翻人先得架。