早餐

好易肥!!10款空肚不能吃的早餐

生活

廣告

唔知有冇朋友同小編一樣,成日俾阿媽話唔食早餐唔健康,但其實有食早餐係咪就一定健康?但往往暗藏陷阱。正如黎天王話齋「唔好空肚食早餐」。原來,有啲早餐真係唔好空肚進食呀!

原文:新假期|text : ruby|photo : Woody、新傳媒資料室

10款空肚不能吃的早餐

升糖陷阱

白麵包 114kcal/片

精製食品,纖維量低,會快速分解成單糖,令血糖快升快降,胰島素亦會上升,容易疲勞和肚餓。

白粥 128kcal

吃粥夠清淡?其實升糖指數很高,加快血糖上升,令人容易疲累和快肚餓,之後午餐分分鐘食更多。

冷壓果汁 160kcal/250毫升

果糖極高,纖維相對原個生果少,建議原個生果,營養更高。

腸粉 223kcal

雖然暖胃飽肚,但升糖指數也很高,配花生醬、豉油、甜醬,油和鹽分都高度致肥。

魚肉燒賣 245kcal/5粒

少量魚肉混合肥豬肉、豬油搓成,熱量高,食5粒等於1碗飯。

致肥陷阱

吞拿魚治 336kcal

大部分加入高脂、高糖的蛋黃醬調味,很高卡,油浸吞拿油分高、脂肪亦高,可用鹽水吞拿或低脂蛋黃醬代替。

菠蘿包 340kcal

高卡、高脂肪,用上氫化植物油製造,含反式脂肪,會提升壞膽固醇。升糖指數高,又欠纖維,飽肚感難維持。

鬆餅 350kcal

原料為牛油、糖和全脂奶,致肥元兇。

炒麵 486kcal

幼蛋麵本身不算肥,但幼麵條極上油,加上豉油便高鈉肥膩。

餐蛋治 563kcal

高油、高脂又高鈉!餐肉精製鹽分高,會致癌;炒蛋加入大量食油,脂肪高又致肥。

沙爹牛麵 640kcal

鮮牛本身比精製肉低卡,但公仔麵油炸,有400幾卡,沙爹醬鹽油分高,加起來就是三高。1碗的鹽分,已超出1天攝取量。

傷胃陷阱

紅茶 0kcal

內有單寧酸,空腹飲會刺激胃部,增加胃酸,造成胃痛,建議加奶飲。

齋啡 4kcal

咖啡因進入胃部,會增加胃酸分泌,若空肚飲用,會胃痛不適。

檸檬水 6kcal

檸檬酸度高,空肚飲會太刺激胃部而胃痛。

謎思1 早餐一定要食?

以健康標準來說,每日最少要均衡地食兩餐。早餐最好在起床後1小時內進食,否則肚餓感強,會令下一餐食過量而致肥。

謎思2 早餐食得飽會更有衝勁?

不論早、午、晚餐都不宜食太飽,食太多會致肥,而且更容易疲累。建議每餐食7至8成飽就剛好。

謎思3 早餐食甚麼才健康?

高纖的全麥包可代替白麵包,飲脫脂奶、杏仁奶就不怕削胃。最好當然食麥皮,高纖又低卡,加入脫脂奶、雞蛋煮會更飽肚。要小心經過精製的即沖麥片,升糖指數高,容易快肚餓,有些更加入大量糖分,1包可高達3、4茶匙,麥皮成分也相對少,營養價值低。

註冊營養師 Gloria Tse(FB: 註冊營養師Gloria- 為食營人
澳洲註冊營養師,現於健營物理治療及營養中心執業。愛煮食,愛尋訪有「營」食肆和健康零食,最愛在facebook與大眾分享越食越fit的心得。反對節食,堅持減磅是飽住瘦。

延伸閱讀:

生酮飲食減肥法 模擬身體飢餓狀態、瘋狂燒脂!

關鍵詞
早餐