區文詩

餅女區文詩 自製千呎馬騮竇

藝人專訪

廣告

35歲的「餅碎」區文詩(Angela) 02年加入Cookies 後開始離家獨立,05年她買入奧運站維港灣1,205呎的全海景單位自住,女孩獨居,最free之處莫過於随時可引「郎」入室,而Angela卻志在盡情收藏monchhichi馬騮,彌補小時被母親丢晒所有monchhichi的遺憾!

Angela透露室内設計都是由自己一手包辦:「我鍾意冷冷嘅顔色,最主要有櫃,有咩都放晒入去,整齊乾淨自然舒服。」無塵居室唯一碎屑,竟是眼前這位「餅碎」!

撰文:東方新地|圖片:新傳媒圖片庫、區文詩IG

區文詩 夢想成真

自小獨立的Angela,一直希望居住在一個海景單位,05年夢想成真!「02年組Cookies出道後開始離開屋企住宿舍,之後自己好想獨立,搬出嚟住,我鍾意自己住,因爲會方便啲,可以夜晚突然煮吓嘢食,瞓到黃朝百晏,因爲我屋企人住新界,太夜返屋企好辛苦,所以一直恨住市區,而且我自細屋企望山,所以由細到大都好希望住一間可以望海嘅屋,當時一睇到呢間屋就好鍾意。」

千呎豪宅,纖塵不染,卻養了數百隻馬騮,非常壯觀。「我幾歲時收到第一個公仔就係monchhichi,我從此就鍾意咗佢,細個成半張床都係,媽咪曾經擔心我健康,仲話裏面有死老鼠要丢晒佢哋,我好傷心,仲諗大個女有能力一定要買好多畀自己,到依家我已經儲咗幾百隻。」

Angela一邊開心拿出家中monchhichi(其餘收藏在父母家中), 一邊細說與monchhichi 20多年來的「情緣」。齊集家中總動員,Angela興奮不已, 大叫大笑的,「以前我仲會幫佢哋換衫同改名,仲會諗第時求婚唔要花, 一定要monchhichi,好低能,不過佢哋真係好得意!」

走進Angela 的千呎豪宅,散發出淡淡的香氣,一屋整潔,頓時感受到單身女子向往的寧靜與整齊,Angela不喜歡原本的鑽石廳,於是建了一個圓拱形電視櫃,後面建一個三角形的雜物房,Angela著重收納,所以一屋都係櫃,雜物不外露,飯廳旁是排得密密卻井然有序的四個大鏡櫃,衣帽間的三個特大鏡面衣櫃、走廊的天花吊櫃,全是Angela特别要求,「全屋都係自己構思,做咗室内設計師!出面搵人做係好靚,但係始終都唔啱自己心水,加上自己諗、搵人做會平啲。我覺得一個女仔住,一定要多櫃,因爲我唔鍾意亂,唔鍾意咩都放晒出嚟見到,屋企人都覺得我嘥位,但我覺得咁樣會舒服啲。」

Angela在房間裏的天花位置加裝層板,用來安放大型monchhichi公仔。

日本日光市的鬼怒川溫泉限定版。

Angela朋友所贈的結婚版,她希望將來結婚時可用上作車頭公仔。

Angela爲他起名「啷啷」,因爲會發出啷啷聲響。

2002年限量版。

動物造型monchhichi。

家中走廊位的假天花吊櫃内,放的都是Cookies年代的珍藏,制服、唱片與fans們的禮物,她都好好收藏。

不喜歡東西外露,連冷氣機都以木格修飾,盡善盡美。

Angela將其中一間客房改造成衣帽間,忍痛將海景的窗台封閉加建衣櫃,目的是想製造一個密封私人空間。

主人套房的無敵海景被外面愈起愈高的豪宅遮蓋,180度海景慘變60度,Angela大感不是味兒。

三個房間都鋪有地毯,原因是她喜歡較矮的家具,鋪上地毯會更舒適、溫暖和有安全感。

喜歡看電視的Angela在洗手間内安裝上小型電視,任何時候也不忘娛樂。

雖然Cookies已解散多年,但Angela同幾位「餅女」好姊妹Stephy、Kary等仍不時開心相聚。

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

ANGELA // 區 文 詩(@angela__au)分享的貼文 張貼

關鍵詞
區文詩