港姐

香港小姐2022|港姐亞軍顏值通常高過冠軍? 盤點九位索爆第二名

香港小姐

廣告

今年香港小姐口號係「時代在變 美麗不變」,咁理應冠軍佳麗係最正嘅,但喺過往咁多屆都有唔少亞軍被公認索過冠軍嘅例子,唔通真係「美麗有罪」?2007年港姐冠軍張嘉兒,當年亞軍就係王君馨,當時嘅觀眾對於賽果嘅迴響都唔細呀!

陸詩韻清純形象搶風頭

港姐
(圖片來源:新傳媒資料庫,sharonluk1229@IG)

現年41歲嘅陸詩韻被指逆齡生長,點睇都只係似廿幾歲。其實佢喺2005年參選港姐嗰陣先真正係廿幾歲,當年佢以清純嘅形象同立體嘅五官搶走其他佳麗唔少風頭,相比同屆冠軍葉翠翠被部份觀眾評為扁鼻大臉,好多人都覺得陸詩韻更應該攞冠軍。

港姐 陸詩韻當年被指比葉翠翠更應該攞冠軍
陸詩韻當年被指比葉翠翠更應該攞冠軍(圖片來源:新傳媒資料庫)
港姐 陸詩韻在《法證先鋒IV》中與黃祥興飾演一對夫婦
陸詩韻在《法證先鋒IV》中與黃祥興飾演一對夫婦(圖片來源:《法證先鋒IV》截圖)
港姐 陸詩韻參選港姐前任職空姐
陸詩韻參選港姐前任職空姐(圖片來源:新傳媒資料庫)

王君馨憑《城寨英雄》被封女神

2007年港姐冠軍張嘉兒,曾經被封「豬扒港姐」,標記係細眼同埋Pizza臉,當年賽果令好多觀眾跌晒眼鏡,都問點解唔係王君馨攞冠軍,而事實王君馨只係得亞軍。

港姐 王君馨當年睇落比冠軍張嘉兒更省鏡
王君馨當年睇落比冠軍張嘉兒更省鏡(圖片來源:新傳媒資料庫)
港姐
(圖片來源:無綫電視截圖)
港姐
(圖片來源:新傳媒資料庫)
港姐 張嘉兒曾經被封「豬扒港姐」
張嘉兒曾經被封「豬扒港姐」(圖片來源:新傳媒資料庫)

王君馨唔止靠樣同演技,加入TVB後更加有唔少性感演出,網民睇完佢喺《城寨英雄》飾演花曼一角,都大讚勁有女神feel。

港姐 王君馨喺劇集《城寨英雄》既性感又架勢
王君馨喺劇集《城寨英雄》既性感又架勢(圖片來源:新傳媒資料庫)

張秀文樣甜又肯博

2010年港姐陳庭欣被指大牙肉同闊臉,對比起個樣勁Sweet嘅張秀文,的確有段差距,雖然張秀文唔算有咩代表作,不過勝在肯博,無論係出席活動、遊戲節目、做主持,定係拍劇,例必谷到恆,被封一代咪神。可惜嘅係,自從張秀文做咗人妻之後,似乎就收心養性,收起性感!

港姐 亞軍張秀文,冠軍陳庭欣及季軍莊思明
亞軍張秀文,冠軍陳庭欣及季軍莊思明(圖片來源:新傳媒資料庫)
港姐
(圖片來源:sammicheung926@ IG )
港姐
(圖片來源:sammicheung926@ IG )
港姐 張秀文經常出鏡谷到恆,被封一代咪神。
張秀文經常出鏡谷到恆,被封一代咪神。(圖片來源:《愛.回家》截圖)

黃心穎電力十足

如果唔係安心事件,而家黃心穎會做緊咩呢?2012年港姐冠軍張名雅喺參賽期間爆出整容疑雲及傳曾墮胎,令人氣大受到影響。而黃心穎青春無敵、有樣有身材有學歷,雖然只係攞到亞軍,但加入TVB後事業平步青雲,係力捧花旦之一。

港姐 冠軍張名雅、亞軍黃心穎及季軍朱千雪
冠軍張名雅、亞軍黃心穎及季軍朱千雪(圖片來源:新傳媒資料庫)
港姐
(圖片來源:新傳媒資料庫)
港姐 安心事件令黃心穎事業清袋
安心事件令黃心穎事業清袋(圖片來源:jacquelinebwong @IG)

黃心穎性格熱情,電力十足,唔止迷得觀眾一陣陣,亦經常同男藝人傳出緋聞,荀盤馬國明曾經都被佢臣服。不過最後亦都因為2019年安心事件,事業一鋪清袋!

港姐
(圖片來源:jacquelinebwong@IG)
港姐 黃心穎同馬國明此情不再
黃心穎同馬國明此情不再(圖片來源:jacquelinebwong@IG)

王卓淇經常派糧予粉絲

王卓淇2014年港姐亞軍,憑劇集《十二傳說》引起觀眾注意。喺《果欄中的江湖大嫂》以泳裝現身,除咗不停擺甫士外,仲向住鏡頭撒嬌,性感之中帶點可愛,加上經常喺社交網派福利,吸睛指數爆晒燈。

港姐 亞軍王卓淇、冠軍邵珮詩及季軍何艷娟
亞軍王卓淇、冠軍邵珮詩及季軍何艷娟(圖片來源:新傳媒資料庫)
港姐
(圖片來源:新傳媒資料庫)
港姐
(圖片來源:新傳媒資料庫)

王卓淇自2021離巢TVB後,定居內地,噴血度命有增無減,一度被網民批評「你不像港姐了,你像網紅」,逼王卓淇用千字文還擊:「只要不傷害人,有資格活出自己喜歡的樣子」。

港姐 王卓淇毫不嗇吝身材
王卓淇毫不嗇吝身材(圖片來源:《果欄中的江湖大嫂》截圖)
港姐 王卓淇在《果欄中的江湖大嫂》甚為大膽
王卓淇在《果欄中的江湖大嫂》甚為大膽(圖片來源:《果欄中的江湖大嫂》截圖)
港姐
(圖片來源:新傳媒資料庫)
港姐 北上定居後仍不忘喺社交平台派糧
北上定居後仍不忘喺社交平台派糧(圖片來源:erin__kay@IG)
港姐 不過冠軍邵珮詩都唔弱!
不過冠軍邵珮詩都唔弱!(圖片來源:IG@verbeeshiu)

劉穎鏇甜美外貌攞晒分

港姐 季軍陳雅思、冠軍馮盈盈、亞軍劉穎鏇及友誼小姐張寶兒
季軍陳雅思、冠軍馮盈盈、亞軍劉穎鏇及友誼小姐張寶兒(圖片來源:新傳媒資料庫)
港姐
(圖片來源:新傳媒資料庫)

2016年港姐亞軍劉穎鏇喺參賽期間一直係大熱、奪得最上鏡小姐及現場最受歡迎佳麗獎三個獎,擁有青春無敵嘅甜美外貌,加上高挑豐滿嘅身型,仲有人話佢睇落有幾分似師姐李珊珊,當年唔少觀眾話佢比馮盈盈更值得攞冠軍。

港姐
(圖片來源:itstiffanylau@IG)
港姐
(圖片來源:itstiffanylau@IG)

何依婷學生造型更顯清純

2017年港姐冠軍由雷莊𠒇奪得,由於佢棚「暴牙」,當時被指係歷屆最醜嘅港姐之一,好多人都戥亞軍何依婷唔抵!何依婷擁有天使嘅面孔,迷死人笑容,簡直贏到開巷。

港姐 亞軍何依婷、冠軍雷莊𠒇及季軍黃瑋琦
亞軍何依婷、冠軍雷莊𠒇及季軍黃瑋琦(圖片來源:新傳媒資料庫)
港姐 何依婷在決賽當晚相當殺食。
何依婷在決賽當晚相當殺食。(圖片來源:新傳媒資料庫)

何依婷喺兒童節目《Think Big Family》中,著住校服扮學生妹,紅色外套灰裙子,又靚又pure,可謂仙氣逼人。驟眼睇,何依婷唯一輸嘅係身材唔及雷莊𠒇搶眼。

港姐 校服Look嘅何依婷零違和感
校服Look嘅何依婷零違和感(圖片來源:《Think Big Family》截圖)
港姐 何依婷唯一輸嘅係身材唔及雷莊𠒇搶眼
何依婷唯一輸嘅係身材唔及雷莊𠒇搶眼(圖片來源:juliettelouie@IG)
港姐 何依婷喺公司人緣唔錯
何依婷喺公司人緣唔錯(圖片來源:reginahyt@IG)

鄧卓殷百分百鄰家女孩

2018年港姐冠軍陳曉華同亞軍鄧卓殷一樣都係靚女,不過論顏值都係各花入各眼,鄧卓殷嬌滴滴、笑容極甜,絕對係百分百鄰家女孩;對反陳曉華身形高䠷有幾分冷艷,各有千秋啦!

港姐 亞軍鄧卓殷、冠軍陳曉華同季軍丁子田
亞軍鄧卓殷、冠軍陳曉華同季軍丁子田(圖片來源:新傳媒資料庫)
港姐
(圖片來源:新傳媒資料庫)
港姐 鄧卓殷鄰家女孩形象非常討好
鄧卓殷鄰家女孩形象非常討好(圖片來源:amber.tcy@IG )
港姐 學生時期嘅鄧卓殷已經好靚女
學生時期嘅鄧卓殷已經好靚女(圖片來源:amber.tcy@IG )

張曼玉

講到成就最傑出的港姐亞軍,點可以唔提張曼玉 – 1983年港姐亞軍兼最上鏡小姐?當年冠軍和季軍分別為楊雪儀、李月芙。相中可見19歲的張曼玉仲有少少baby fat,一把長黑髮夠晒鄰家女孩感覺,一件頭泳衣look好迷人!

港姐
(圖片來源:新傳媒資料庫)
港姐
(圖片來源:新傳媒資料庫)

張曼玉多年來拍過無數經典電影,更曾五奪金像獎最佳女主角,著實係香港最出色女演員之一!

港姐
(圖片來源:新傳媒資料庫)
港姐
(圖片來源:新傳媒資料庫)
港姐
(圖片來源:電影劇照)

張曼玉雖已年屆57歲,近年都較少公開露面,不過依然風韻猶存!

港姐
(圖片來源:新傳媒資料庫)
港姐
(圖片來源:新傳媒資料庫)

《香港小姐2022》總決賽結果是?

《2022香港小姐競選決賽》於9月25晚在紅館舉行,而「友誼小姐」就由邢慧敏先拔頭籌獲選,而冠軍亞軍季軍就是…詳情請看

開電視《Summer Girls 2022》會在那裡舉行?

開電視77台將於《港姐2022》總決賽舉行的同日播放夏日水著遊戲節目《Summer Girls 2022》,更有傳邀請到沙律張沛樂搶任導師⋯⋯詳見:開電視水著選美15位佳麗公開

撰文:東方新地圖片來源:amber.tcy@IG ,reginahyt@IG,juliettelouie@IG,erin__kay@IG,《果欄中的江湖大嫂》截圖,jacquelinebwong@IG,《愛.回家》截圖,sammicheung926@IG ,新傳媒資料庫,sharonluk1229@IG,《法證先鋒IV》截圖