香港小姐2019

【香港小姐2020】盤點18位傳統名校畢業港姐 名校出身選美有優勢?

香港小姐

廣告

香港小姐20208月底就會選出新一屆冠亞季首,今年主要活動都係網上進行,多得大台幫佢哋執靚個造型,變靚女應該唔難!睇番近年唔少選港姐入行嘅女藝人都係名校出身,其中當年就讀拔萃女書院嘅麥明詩仲係十優女狀元,認真犀利!

撰文:東方新地 |圖片:新傳媒圖片

18位傳統名校畢業香港小姐

寶血會上智英文書院馮盈盈(2016年- 冠軍)

馮盈盈(Crystal)畢業於香港大學食物及營養系就人人都知啦,原來佢都係讀地區名校㗎!Crystal中學時就讀深水埗寶血會上智英文書院,雖然就同名牌中學女拔嗰啲無得比,不過佢讀書都好叻,入到港大!

港姐2018

寶血會上智英文書院是一間天主教女子中學,以英文為教學語言,其他校友包括歐陽妙芝及魏綺珊等。畢業後,入讀港大營養學系。真係美貌與智慧並重啦!

60

拔萃女書院

麥明詩(2015年- 冠軍)

麥明詩在澳洲出生,回流香港後就讀於拔萃女小學及拔萃女書院,2009年於香港中學會考考獲中國語文科和英國語文科5*級、以及8科A級的十優佳績,為當屆會考狀元。麥明詩原本打算在香港升讀預科,但因為她在會考取得十優,已獲英國威靈頓公學 (Wellington College) 取錄,因此決定先到該校讀預科,適應英國的生活。2011年升讀劍橋大學紐納姆學院法律系,2014年取得法律學學士學位二級榮譽畢業。

【香港小姐2020】盤點18位傳統名校畢業港姐 名校出身選美有優勢?

港姐
「狀元港姐」麥明詩除咗親身引證咗咩叫「美貌與智慧並重」之外,亦證明咗「女大十八變」都係堅架!唔明?下面嗰張就係麥明詩當年榮登女狀元嗰陣嘅訪問相啦! 睇完會唔會明啲?

 

【香港小姐2020】盤點18位傳統名校畢業港姐 名校出身選美有優勢?

龐卓欣 (2015年 – 亞軍)

2015年亞軍龐卓欣,都係女拔代表嚟架!同麥明詩一樣都係1991年出世,兩個仲係同學仔,畢業之後升讀美國曼哈頓音樂學院。喺名校Secrets仲有校友爆佢哋兩個原來係由細到鬥到大架!不過一世人流流長,呢round鬥完咪再鬥多round囉!一日未瞇埋眼都未知邊個先係最後勝利!

【香港小姐2020】盤點18位傳統名校畢業港姐 名校出身選美有優勢?

孫泳恩(1973年 – 冠軍)

今年女拔一次出兩個 港姐,其實都唔叫最威!要數最威,梗係 港姐 史上嘅第一人啦!1973年,第一屆港姐冠軍孫泳恩,亦係女拔嘅畢業生!試問有咩犀利得過,創造咗一個冇人打得破嘅紀錄丫!

【香港小姐2020】盤點18位傳統名校畢業港姐 名校出身選美有優勢?

楊寶玲 (1987年 – 冠軍)

1987年嘅 港姐 冠軍楊寶玲,喺女拔中學畢業之後,就去咗英國升學,返嚟再選 港姐 。佢當選之後,仲代表香港參加過兩大國際性選美活動,而且都攞到獎架!分別係世界小姐嘅「亞洲皇后」,同埋環球小姐嘅第五名。而家楊寶玲已息影,移居咗去美國,仲做埋媽媽tim!

【香港小姐2020】盤點18位傳統名校畢業港姐 名校出身選美有優勢?

嘉諾撒聖瑪利書院

女拔出咗3個港姐冠軍,係好厲害!不過另一間好低調嘅傳統名女校 -嘉諾撒聖瑪利書院,其實都唔輸蝕架!咁多年嚟,出咗兩個港姐冠軍、一個季軍,仲有兩個最上鏡小姐,同一個視后,比起上嚟,一啲都唔遜色架!

郭羨妮 (1999年- 冠軍)

郭羨妮喺港姐史上都係一位具代表性嘅人物,本身係中英混血兒,喺聖瑪利一條龍由小學讀到上中學,之後去咗英國讀書,其後當選1999年香港小姐,同2000年國際華裔小姐冠軍,歷史性成為20世紀最後一位 港姐 ,同21世紀首位華姐,亦都係第二位同時獲得港姐同華姐冠軍嘅佳麗。

【香港小姐2020】盤點18位傳統名校畢業港姐 名校出身選美有優勢?

 

曹敏莉 (2003年- 冠軍)

平時談吐都好優雅嘅曹敏莉,唔止係當年嘅冠軍人馬,仲同時得到「國際親善小姐」、「鑽石肌膚獎」、「芙蓉美態獎」及「完美組合獎」,係「5料冠軍」嚟架!而家呢,就已經係兩個小朋友嘅媽媽喇!

【香港小姐2020】盤點18位傳統名校畢業港姐 名校出身選美有優勢?

張可頤 (1994年 – 最具演藝潛質獎)

1993年, 港姐新增咗個最具演藝潛質獎,不過只係搞咗兩屆,第一屆嘅得主係郭可盈,第二屆嘅得主就係張可頤,兩個選完美之後,都分別成為咗大台嘅當家花旦。畢業自聖瑪利嘅張可頤,仲喺2003年,榮登視后tim! 演藝成就比同屆嘅冠軍譚小環高得多!

【香港小姐2020】盤點18位傳統名校畢業港姐 名校出身選美有優勢?

黃𨥈瑩 (1994 – 最上鏡小姐)

黃𨥈瑩同張可頤唔止係同屆佳麗,亦都係同學仔,係當年嘅最上鏡小姐得主。選完美之後,佢就留喺大台做主持同拍劇,不過多數都係做配角,最令人難忘嘅,就係佢係古天樂至今唯一承認嘅女朋友,而家已經淡出娛樂圈。

【香港小姐2020】盤點18位傳統名校畢業港姐 名校出身選美有優勢?

吳忻熹(1998年 – 季軍)

本來叫做吳文忻嘅吳忻熹,係98年嘅港姐季軍,而當年嘅冠軍就係已經轉投商界發展嘅向海嵐。選得 港姐 ,個樣冇理由唔睇得,但係喺2006年,吳文忻就接受咗100萬嘅酬勞,成為咗香港首位整容明星代言人,只少進行過6次整容手術,至於整完之後有冇再靚咗,就等大家自己判斷喇!

【香港小姐2020】盤點18位傳統名校畢業港姐 名校出身選美有優勢?

樊亦敏(1991年 – 最上鏡小姐)

久聞聖瑪利校風純樸,好鼓勵學生參與社會服務,學生出名心地好。1991年嘅最上鏡小姐 – 樊亦敏,就具備哂聖瑪利學生嘅俠義心腸喇! 早年劉家輝師傅中風之後, 被妻兒置之不顧,又被助手扣起收入及存款,孤立無援之際,唯一伸出援手就係一個交情唔算深嘅樊亦敏。當街攔截遞傳票,搵義務律師,照顧飲食,做咁多嘢,只係出於一個義字。

港姐
樊亦敏選港姐前做過模特兒,仲拍過陽光檸檬茶廣告㖭!

嘉諾撒聖心書院

郭藹明(1991年 – 冠軍)

90年代,高學歷嘅 港姐 只屬少數,91年嘅冠軍得主郭藹明就係其中一位。佢擁有美國南加州大學機械工程學碩士學位,仲係美國太空總署嘅兼職見習工程師,後嚟番咗香港選美,贏咗就順理成章入咗娛樂圈,第一套拍嘅劇,就係神劇<大時代>,識咗老公劉青雲,就連美國太空總署嘅正式聘請都放棄埋,1998年,就正式成為劉太。呢個有姿色,有知識嘅影帝背後的女人,就係聖心嘅畢業生喇!

1992 年第4 屆《國際華裔小姐競選》 亞軍郭藹明、 冠軍陳曼莉、 季軍李曉彤。
1992 年第4 屆《國際華裔小姐競選》 亞軍郭藹明、 冠軍陳曼莉、 季軍李曉彤。
郭藹明是美國南加州大學機械工程系碩士。1991年從美國回港度假,一時興起參選港姐,沒想到成為三料冠軍,因此進入娛樂圈,成為TVB當家花旦之一。次年因拍《大時代》結識了人生另一半 - 劉青雲。
郭藹明是美國南加州大學機械工程系碩士。1991年從美國回港度假,一時興起參選港姐,沒想到成為三料冠軍,因此進入娛樂圈,成為TVB當家花旦之一。次年因拍《大時代》結識了人生另一半 – 劉青雲。

 

潘芝莉(1996年 – 亞軍)

潘芝莉喺聖心由小學讀到上中學,畢咗業就去咗考空姐,喺1996年就參選港姐,同屆冠軍係高頭大馬嘅李珊珊。潘芝莉喺大台都拍過幾年劇,可惜都未做過主角,99年提前解約淡出。而家佢已經嫁咗人,仲生咗一仔一女,移咗民去澳洲。

【香港小姐2020】盤點18位傳統名校畢業港姐 名校出身選美有優勢?

協恩中學

佘詩曼(1997年 – 季軍)

佘詩曼喺協恩讀完中六,就去咗瑞士讀酒店管理,1997年畢業返嚟香港就即刻去咗選港姐,當年嘅港姐冠軍同亞軍,翁嘉穗同李明慧因為掛住爭老公,對娛樂圈無心戀戰,所以攞季軍嘅佘詩曼一卸任就被大台力捧,出道以來,幾乎拍親劇都係女主角,由畀觀眾踩佢唔識做戲兼雞仔聲,到成為有收視保證嘅視后,足見呢個協恩妹既有耐力又有有實力。而家佘詩曼,已經係大中華地區最叫好叫座嘅女演員之一。

【香港小姐2020】盤點18位傳統名校畢業港姐 名校出身選美有優勢?

陳淑蘭 (1988年 – 亞軍)

而家改咗名叫陳道然嘅蘭子,係1988年嘅港姐亞軍,兼最上鏡小姐得主,同屆冠軍係李嘉欣;同年蘭子代表香港參加世界大學小姐競選,獲亞洲大學小姐榮譽。卸任之後,蘭子完全拋開港姐包袱,轉型成為喜劇演員,90年代拍咗唔少經典喜劇,好似《家有囍事》同《霸王花》系列等。

【香港小姐2020】盤點18位傳統名校畢業港姐 名校出身選美有優勢?

聖保祿中學

蔡思貝 (2013年 – 亞軍)

蔡思貝曾就讀傳統修女學校 – 聖保祿中學,不過13歲就去咗紐西蘭升學,所以自細已經好獨立,之後再去德國讀大學,講到一口流利嘅德文。蔡思貝同同屆冠軍陳凱琳一樣,受到大台力捧,一卸任就一劇接一劇,係新一代嘅花旦接班人。

【香港小姐2020】盤點18位傳統名校畢業港姐 名校出身選美有優勢?

劉倩婷(2009年 – 冠軍)

劉倩婷都係跑馬地聖保祿中學嘅校友,喺英國倫敦大學經濟系畢業,之後喺國際知名嘅投資銀行做過分析員。當選 港姐 之後,做過主持拍過劇,2013年嫁咗畀著名堪輿學家李丞責,之後就以照顧家庭為理由,淡出娛樂圈。

【香港小姐2020】盤點18位傳統名校畢業港姐 名校出身選美有優勢?

瑪利諾修院學校

李嘉欣 (1988年 – 冠軍)

李嘉欣係中葡混血兒,亦係出咗名嘅大美人。選港姐之前,有傳李嘉欣係以2A(英文,聖經)7B 的會考成績,喺九龍塘瑪利諾畢業,成績一啲都唔失禮!。出道以來,一直都係廣告商嘅寵兒,亦都拍過唔少大導演執導嘅電影。2008年,同商人許晉亨拉埋天窗,做咗豪門新抱,;2011年,以41歲高齡生咗囝囝Jayden。

【香港小姐2020】盤點18位傳統名校畢業港姐 名校出身選美有優勢?

1988年香港舉行的第一屆《國際華裔小姐》冠軍係李嘉欣!
1988年香港舉行的第一屆《國際華裔小姐》冠軍係李嘉欣!

瑪利曼中學

李美鳳 (1987年 – 亞軍)

當年有電眼美人之稱嘅李美鳳,曾經就讀灣仔名女校瑪利曼,不過15歲就移民咗去加拿大,直至大學畢業先返嚟香港選美,幾年間拍咗唔少劇集同電影,仲出過唱片。90年同林敏驄喺加拿大秘密註冊結婚,婚姻維持咗5年。96年改嫁鄭姓台商,生咗一對龍鳳胎,過住少奶奶生活。

【香港小姐2020】盤點18位傳統名校畢業港姐 名校出身選美有優勢?