估你唔到!10大最索華姐特集

估你唔到!10大最索華姐特集

香港小姐

廣告

2016華姐冠軍來自溫哥華嘅21歲朱亞琳,係中國及比利時混血兒,外形有點似李嘉欣,至於其35D激凸上圍更過之而無不及,加上5呎8嘅身高,更被指為近年最標青嘅華姐冠軍,難怪能擊敗10A麥明詩,以大熱姿態贏后冠!

華姐 141

其實,歷屆華姐冠軍亦盛產過好多索女,以下十位肯定係表表者!

1.大美人 李嘉欣

華姐 201110141726426224408215a

45歲大美人李嘉欣於1988年成為香港小姐冠軍,再於同年首屆國際華裔小姐以大熱姿態摘冠!之後,大美人即加入娛樂圈,憑着索爆面孔迅速走紅,而且多年緋聞不絕,每單戀情都轟動娛圈!

華姐 wpid-tungstar5612011

不過,到2006年,李嘉欣終於搵到好歸宿,同許晉亨高調公開承認戀情,08年11月,二人在許晉亨父親別墅中舉行婚宴,正式嫁入豪門。而2011年2月,李嘉欣誕下兒子許建彤(Jayden Max),一家三口經常放閃,羨煞旁人!而大美人婚後仍努力keep弗,身材樣貌廿年如一日咁正!

2.愈愛愈o靚 鍾麗緹

華姐 os267ap114-9

45歲鍾麗緹於93年擊敗盧淑儀同謝綺玲奪冠,94年即被周星馳睇中邀請拍電影《破壞之王》,盛傳當年星爺力追女方,不過,鍾麗緹於1998年嫁給外籍丈夫Glen Ross,育有一女Yasmeen Ross,但於2002年離婚。

華姐 {IPTC-DATA:NMG,data:{photoID:2034510}}

2003年,鍾麗緹與台灣音樂製作人嚴錚結婚,並於2008年誕下第二個女兒嚴書琴(Jaden),再於2010年2月,第三個女兒嚴紫凝(Cayla)於北京出生,可惜2011年二人最終離婚。經歷兩次婚姻失敗後,鍾麗緹似乎改變口味,去年,因拍攝內地真人騷《如果愛》,認識比她小12年的大陸演員張倫碩,並開始姐弟戀!

3.緋聞勁多 郭羨妮

華姐 201203022314592720600560a

1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年,代表香港參選國際華裔小姐競選,亦順利取得冠軍,是繼1988年度香港代表李嘉欣贏得國際中華小姐競選冠軍後,第二位香港代表奪冠。

華姐 355A_AUNTI_02E

現時41歲嘅郭羨妮,曾與多名男藝人傳出緋聞,包括古天樂、黃子華、谷德昭、馬德鐘、陳坤、馬浚偉和陶大宇等,最印象深刻與賤男溫兆倫於合作的電視劇《牛郎織女》中戲假情真,其後雙方高調地公開拍拖,不過戀情最後無疾而終。到2011年10月,郭羨妮與中國大陸動作導演朱少杰低調結婚,現育有3歲女兒Kylie。

華姐 {IPTC-DATA:NMG,data:{photoID:1954420}}

4.民選視后 鍾嘉欣

華姐 200402101600237367982420a

31歲鍾嘉欣2004年擊敗曹敏莉同洪巧玲贏得華姐冠軍,而嘉欣BB形象親民討好,即被TVB簽下至今更成為花旦!嘉欣BB在無綫多年,多次獲傳媒及網民支持取得「民選視后」,其中2013年於《玩嘢王》爆喊場面,博得全港觀眾歡心,演技備受肯定!

華姐 {IPTC-DATA:NMG,data:{photoID:2001490}}

嘉欣BB因清純形象極有觀眾緣,而且入行後緋聞五隻手指數得晒,最廣為人知嘅有伍允龍及陳展鵬!嘉欣BB於2008年同伍允龍合作拍MV而撻着,不過,事業上因女尊男卑,至去年二人已分手:後來嘉欣BB同煎pang合作《巨輪》及《大藥坊》而成為螢幕情侶,更傳出戲假情真緋聞,但緋聞卻不了了之!

5.幸福人妻李亞男

華姐 200502031650392147970076a

31歲李亞男於2005年代表溫哥華出戰並奪冠後,即留港發展,雖然事業發展平平,感情生活亦非多姿多采,但卻成功找到一個絕世好老公,王祖藍!2007年爆出呢段「長短腳之戀」後,二人一直低調交往,直至2010年,雙方公開承認關係,並於去年情人節修成正果拉埋天窗!

華姐 677d30aejw1erti4gh9qrj20qo0zkqcn

婚後,二人去歐洲進行約三周蜜月之旅,之後祖藍努力工作,賺錢養家,早前祖藍更豪擲億元、以太太李亞男名買入大埔白石角逸瓏灣豪宅,同老婆建新愛巢,而亞男就過着幸福少奶奶生活,閒時旅行濕平,被祖藍視為如珠如寶,亞男真係羨慕死好多港女!

6.筍盤業主 宋熙年

華姐 200711201650164086770176A

30歲宋熙年於2007年爆冷擊敗呂怡萱同陳爽成為冠軍!之後加入TVB多以主持身份現身,星路跟李亞男一樣平坦,但就搵到電視城另一絕世筍盤陳智燊!

華姐 6482e5f1gw1ezhrbwlvqgj20hs0budis

將於今年年尾結婚嘅宋熙年同陳智燊,早前搵來三位好姊妹陳爽、李亞男、高海寧齊齊去大排檔取景影婚照,準新郎表示因為同熙年於香港認識,所以希望搵啲別具意義地方取景拍攝留念!其實二人原本去年結婚擺酒,但陳智燊認為要儲夠老婆本,所以今年努力搵錢,希望送個千萬豪宅安樂窩俾太太,先延遲婚期!

7.等入豪門 朱璇

華姐 200806121618187006627440a

2008年朱璇以巴黎代表身分封后,亞軍係「豬扒港姐」張嘉兒同季軍重慶代表徐萌。同年朱璇留港發展,但多年來通常演花瓶角色,眼見事業沒起色,去年結束與TVB七年賓主關係。

華姐 {IPTC-DATA:NMG,data:{photoID:2212276}}

不過,28歲朱璇不愁生活,原來年前搭上身家豐厚的湯臣集團富二代湯珈鋮!雖然女方例牌否認戀情,但二人不時被拍得出雙入對,相中可見湯公子對朱璇甚為緊張,而朱璇亦好識做挽實男友把臂遊街,看來朱璇入豪門夢好快實現!

8.出擊獵仔 苟芸慧

華姐 200902111518426237495142A

2009年華姐冠軍苟芸慧,初出道時樣子甜美,盡得網民歡心!點知後來因水腫問題,至體重激增至180磅,加上因被指介入熊黛林同郭富城戀情,人氣下滑,工作量驟降!

華姐 {IPTC-DATA:NMG,data:{photoID:2099515}}

因此去年底,現年32歲嘅苟姑娘原本打算約滿後離開TVB,但經高層挽留後,重新定下發展大計,而且感情亦有新進展,被本刊拍得經公關好友鄭紹康介紹下,結識現年40歲、著名大狀清洪嘅契仔巫翊鳴(Xuan),二人秘交約一個月,去年聖誕節更前後腳出席鄭紹康嘅派對,喺場內並肩而坐,苟姑娘更經常含情脈脈望實對方,關係匪淺!

9.仙氣十足 岑麗香

華姐 201103211706035478348520A

31歲仙氣女神岑麗昏順利贏得2010年華姐冠軍,女神唔止樣靚身材正,更擁有時裝設計學士、市場管理學士以及人力資源學士的文憑,哥利唔惹少!而且香香又係TVB處女黨黨魁,冧盡唔少宅男!

華姐 {IPTC-DATA:NMG,data:{photoID:2360967}}

去年10月被影到同六呎男友Joshua在車廂熱吻,之後齊齊返回將軍澳香閨,香香亦大方承認與加拿大籍金融才俊男友相戀半年,早前更被本刊拍到與Joshua,每日靠視像電話解相思之苦。

10.唔憂做 陳凱琳

華姐 {IPTC-DATA:NMG,data:{photoID:2108416}}

24歲陳凱琳2013年成港姐冠軍後,翌年順利以大熱姿態奪華姐后冠!凱琳出生豪門,保守估計家族資產達15億,正宗食飽無憂米,加上又係TVB處女黨成員之一,身邊勁多觀音兵,有傳陳展鵬都係其中之一!

華姐 {IPTC-DATA:NMG,data:{photoID:2369769}}

不過,凱琳千揀萬揀,睇中老佢22年嘅46歲鄭嘉穎,而一向愛得低調嘅鄭嘉穎,不但一改唔認女友作風,近日傳出嘉穎心急逼婚,向女友狂施壓!但另一方面,凱琳父母嫌「未來女婿」年紀大又唔夠班,兩夫婦齊齊落閘,向寶貝女閃婚say no!睇嚟嘉穎要做15億駙馬冇咁易!

圖片來源:東方新地