肥監製 新年睇樓

去年底，肥監製錢國偉（Wilson）俾傳媒影到孖住老婆陳宛蔚去大坑蓮花宮拜神，話佢係求子喎！不過錢太喺微博引述報道仲反問「又知我們求子？哈哈！！」Wilson就留言話求財多啲，兩公婆一唱一和！
八姨太唔係佢肚入邊條蟲，唔知佢哋求乜？不過日前又喺大坑見到錢氏夫婦，呢次佢哋冇入廟求神，反而喺地產舖門外睇樓盤，見肥監製指住個盤口噏噏，好多嘢發表，戴住口罩嘅錢太就點點頭，未知係咪想趁跌市買樓換樓呢？！