《飛虎》第7集派膠劇情 黃宗澤徒手拆炸彈、出動《星戰》BB8客串做自殺式炸彈

劇情

廣告

無綫劇集《飛虎》系列長拍長有,現正熱播嘅第三輯《飛虎之雷霆極戰》更集結多位型男型佬上陣,包括黃宗澤、馬國明、吳卓羲、苗僑偉、王敏德、吳啟華等等,令人目不暇給。卡士強勁,而製作方面亦同時upgrade,當中有唔少大型爆破、飛車追逐等大場面,之不過劇集中嘅黃宗澤又玩英雄主意,導彈砸佢唔死仲畀佢徒手KO一嘢拆除,又一個主角練成不死身囉!

撰文、圖片:東方新地

黃宗澤原來係前特工 不死身徒手拆炸彈

觀眾收看《飛虎之雷霆極戰》不外乎睇警隊各部門點樣攜手對付一班恐怖分子及國際罪犯,緊張刺激嘅警匪追逐驚險場面之類。劇集一開始講述飾演重案組高級督察汪國棟嘅黃宗澤,奮力追捕一班國際罪犯時,一個裝有大型導彈嘅貨櫃突然掉下,大型導彈意外滑出,並一直向黃宗澤撞過去,但黃宗澤好勁奮力逃跑,跑到dead end時導彈又突然煞停喺佢面前,咁都撞佢唔死實
在令人O嘴!之後佢仲可以徒手拆除炸彈裝置,劇情令人發笑畫面「噴飯」,真係膠膠哋囉!派完膠之後劇情將會交待黃宗澤原來曾經係英國MI6特工,係Sam Colin (Lee Pace飾演) 嘅前下屬,之但係特工就刀槍不入嘅咩?

飾演重案組高級督察汪國棟嘅黃宗澤,單拖奮力追捕罪犯時,被匪徒開槍亂掃射佢唔死,連導彈都撞佢唔死,練成不死身!
飾演重案組高級督察汪國棟嘅黃宗澤,單拖奮力追捕罪犯時,被匪徒開槍亂掃射佢唔死,連導彈都撞佢唔死,練成不死身!
導彈由貨櫃意外滑出,並一直向黃宗澤撞過去,黃宗澤突然飛人上身九秒九摩打腿喪跑。
導彈由貨櫃意外滑出,並一直向黃宗澤撞過去,黃宗澤突然飛人上身九秒九摩打腿喪跑。
跑到冇路可逃之際,大型導彈又會突然急煞停喺佢面前,非常神奇。
跑到冇路可逃之際,大型導彈又會突然急煞停喺佢面前,非常神奇。
雖則話黃宗澤之前做過特工,但佢竟然可以徒手拆炸彈,咁使乜要拆彈專家啫!
雖則話黃宗澤之前做過特工,但佢竟然可以徒手拆炸彈,咁使乜要拆彈專家啫!
同為特別行動組成員嘅馬國明、吳卓羲,對於<br srcset=
黃宗澤嘅誇張「英勇表現」並不驚訝。” width=”1000″ height=”573″ /> 同為特別行動組成員嘅馬國明、吳卓羲,對於
黃宗澤嘅誇張「英勇表現」並不驚訝。
飾演警務處處長嘅吳啟華聯同飾演特別任務連總警司兼指揮官嘅苗僑偉,策劃多個大型行動搜捕罪犯。
飾演警務處處長嘅吳啟華聯同飾演特別任務連總警司兼指揮官嘅苗僑偉,策劃多個大型行動搜捕罪犯。
Lee Pace係黃宗澤做特工時嘅上司,亦份屬好友,但後來卻反目成仇。
Lee Pace係黃宗澤做特工時嘅上司,亦份屬好友,但後來卻反目成仇。

黑人版《星戰》BB8客串做自殺式炸彈

除咗特工刀槍不入夠神奇,另一膠位是驚見《星戰》BB8!不過BB8並唔係喺太空同公主冒險,而係變身自殺式炸彈!話說飛虎隊一行人追擊國際恐怖分子首腦時,突然有個迷你機械人出現,佢仲有大頭 shot,一望竟然勁熟口面,原來同《星戰》BB8撞樣,不過就上咗黑色,眾人都嚟唔切反應,佢就突然飛起爆炸,劇情膠到得啖笑!

眾人追捕期間,一隻迷你機械人突然出現
眾人追捕期間,一隻迷你機械人突然出現
哇!仲唔係《星戰》BB8?!
哇!仲唔係《星戰》BB8?!
BB8 真身,同自殺式炸彈係咪有9成似先!
BB8 真身,同自殺式炸彈係咪有9成似先!
黑版BB8突然爆炸
黑版BB8突然爆炸
火花四射,BB8原來威力好大
火花四射,BB8原來威力好大