香港人多車多，又出名多泊車L、快線L同開門L，仲有數之不盡嘅「泥鬼」、「DC狗」等，當中最出名一定非「Benz L」莫屬啦！有睇開fb 車group都知，「Benz L」有獨特一套嘅揸車同泊車方法，車友通常都對呢類司機避之則吉或者鬧爆對方，之但係竟然有例外喎！話說日前C君揸住架Benz落荃灣，泊低車之後突然行去搵前車司機，問有冇阻住佢？使唔使泊後少少？成個過程俾車cam拍低晒，網民大讚C君有禮貌，仲話香港好在有佢咁話！