吳岱融

62歲吳岱融老而彌堅 憑冧妻歌曲奪獎成樂壇最老新人

娛聞

廣告

講起吳岱融,大家最記得一定係佢喺《巨輪II》奸到出汁嘅表現,當年佢仲獲網友盛讚「一個高天鷲救起成套劇」,其中一集講佢霸氣大鬧李佳芯(Ali),一句「攞去洗啦,臭雞!」成為網民傳頌嘅金句。但吳岱融原來除咗演得,仲好唱得,兩年前以60歲之齡成為樂壇最老新人,老而彌堅,果然如某政府高官所講,60歲仲係中年,大把世界!

撰文、圖片:東方新地、吳岱融及鍾淑慧微博

吳岱融演得又唱得 憑冧妻歌曲奪獎

演技超班嘅吳岱融,入行前曾經喺歌廳做業餘歌手賺錢養家,原來都係唱得之人!前年為慶祝「登六」,推出歌曲〈回去愛你十億秒〉送畀太太鍾淑慧,外間反應唔錯,更於「面包台有您共鳴頒獎典禮」中,獲頒「共鳴新歌手獎」,以及憑歌曲 〈我的朋友不簡單〉獲得「共鳴金曲獎」,佢仲為呢首歌拍MV,碌盡人情卡特別邀請張兆輝、歐陽震華、陶大宇等好友助陣㖭!

演技超班嘅吳岱融,憑高天鷲一角獲網友盛讚「一個高天鷲救起成套劇」。
演技超班嘅吳岱融,憑高天鷲一角獲網友盛讚「一個高天鷲救起成套劇」。
獲頒「共鳴新歌手獎」及「共鳴金曲獎」,「登六」 嘅吳岱融成為樂壇最老新人。
獲頒「共鳴新歌手獎」及「共鳴金曲獎」,「登六」 嘅吳岱融成為樂壇最老新人。

「登六」仲有大把嘢可以玩 感謝太太支持

成為樂壇最老新人,喜獲兩獎嘅吳岱融鬼咁開心:「得獎當然開心啦!冇諗到自己可以喺『登六』之年成為新人歌手,多謝各位觀眾朋友、粉絲一直以嚟對我嘅支持,特別要多謝我太太鍾淑慧、唱片公司老闆同一班好朋友,我會繼續努力。」

同太太鍾淑慧結婚26年一直咁恩愛,不時在網上放閃,羨煞旁人!鍾淑慧曾經參加1987年環球小姐競選,並獲得香港區冠軍及最具氣質獎,咁多年嚟都咁靚咁有氣質!
同太太鍾淑慧結婚26年一直咁恩愛,不時在網上放閃,羨煞旁人!鍾淑慧曾經參加1987年環球小姐競選,並獲得香港區冠軍及最具氣質獎,咁多年嚟都咁靚咁有氣質!
剛於一個月前慶祝結婚26周年,鍾淑慧喺 IG上載陳年婚照放閃。
剛於一個月前慶祝結婚26周年,鍾淑慧喺 IG上載陳年婚照放閃。

22 歲嘅囝囝吳政樺多年來跟住父母四海為家,曾於新加坡、內地及香港定居,對於管教兒子,二人給予很大自由度,吳岱融更加係廿四孝老竇,錫到個仔燶!