周國賢、黃家強鍾情日、韓女生!細數6個娶外籍老婆男星

娛聞

廣告

love is love,愛情來了,年齡不是問題,國籍更不應該是問 題。香港地就有好幾個陀地男神,情路兜轉那些年,最後陪喺身邊步入教堂嘅,卻是來自異地嘅外籍女友,仲非常國際㖭!

撰文、圖片:東方新地

許冠傑為美菲混血愛人寫情歌

從六十年代紅到九十年代退休,許冠傑當年俘虜了萬千少女心,不過自己一顆心自從18歲結識來港度假嘅美菲混血兒 Rebecca Fleming (Rebu) 便被綁緊,仲寫埋首情歌〈 A carnation forRebu 〉公開示愛。71年Sam 哥赴美迎娶Rebu,婚後恩愛50年。

周國賢、黃家強鍾情日、韓女生!細數6個娶外籍老婆男星

劉德華秘戀馬來西亞籍模特兒

華人永遠榮譽男神劉德華其中一樣最令人著迷嘅地方,就係癡心情長劍,85年喺吉隆坡經朋友介紹結識馬來西亞籍、選美出身、任職模特兒嘅朱麗倩,自此相戀並悉心保護女方身份地位。直至09年終於承認早於08年已與朱麗倩喺拉斯維加斯註冊結婚。

周國賢、黃家強鍾情日、韓女生!細數6個娶外籍老婆男星

余文樂戀上台灣皮帶大王千金

打從2000年出道,余文樂嘅緋聞、戀事從無間斷,唐詩詠、盧巧音、鍾欣潼、吳雨霏、黃伊汶 、周冬雨甚至舒淇,直至16年底突然公開與台灣皮帶大王千金王棠云拍拖,翌年喺澳洲結婚,18年誕下兒子 Cody,如今太太陀緊第二胎並已公布係女!

周國賢、黃家強鍾情日、韓女生!細數6個娶外籍老婆男星

黃家強日藉太太出身顯赫

入行多年嘅黃家強一向有女人緣,同黃伊汶、盧巧音都傳過緋聞,不過06年失驚無神同日籍女友Makiko閃婚。據悉Makiko母親為通譯員,父親係醫院院長,家世顯赫。婚後育有黃慶陽、黃曜陽兩個兒子。

周國賢、黃家強鍾情日、韓女生!細數6個娶外籍老婆男星

吳彥祖愛鬼聲鬼氣

父母係移民華人、身為美國土生土長嘅ABC,吳彥祖情路上都一向追求鬼聲鬼氣共同語言。當年同入行後首任女友Maggie Q分手時,自爆傷心到喊住瞓喊住醒。10年與拍拖八年、摩納哥出生美國長大嘅名模Lisa S.結婚,婚後育有一女。

周國賢、黃家強鍾情日、韓女生!細數6個娶外籍老婆男星

周國賢出道前已有韓國嬌妻

03年23歲已經出道,殊不知周國賢成名得早,結婚更加早,一早承認家有韓國嬌妻李美英,更在八年間生咗三個女兒。不過早婚早生是好是壞未能定奪,13年就有傳出周國賢搭上公司助手,搞到太太帶同女兒避走加拿大。

周國賢、黃家強鍾情日、韓女生!細數6個娶外籍老婆男星