張景淳背呂慧儀收「小三」大禮 劉依靜轉做PR老闆主動出擊

娛聞

廣告

無論係廣播道年代、清水灣年代,定依家嘅將軍澳工業邨,電視城搬到去邊門外梗有粉絲聚集,有得集郵有得傾偈仲可以親手交收禮物,想見偶像明星,有咩方便得過去電視城門口等呢!

撰文、圖片:東方新地

張景淳背呂慧儀收「小三」大禮

呢日循例又係有十個八個粉絲等藝員收工,冇幾耐就見到開工收工都同呂慧儀行孖咇嘅張景淳出現,是日呂慧儀難得冇𥄫實,兩個疑似忠粉即時圍埋去有備而來送禮,送上浪漫氣球畀偶像都真係第一次見,連張景淳本人都有啲驚訝唔知點畀反應。睇真啲原來氣球下仲吊住特大禮物籃,送禮嘅唔係一般粉絲而係當年爆出床照、介入周永恆同趙頌茹婚姻做小三嘅 Ruby 劉依靜。係喎,Ruby 家陣係模特兒兼公關公司老闆,勤送禮同明星名人打交道唔奇,不過身為老闆親自送到入電視城就真係少見啲,手段果然同當年一樣主動進取,呂慧儀要睇緊啲!

電視城外藝員收工順手同等候粉絲傾兩句收吓禮時有發生,不過呢日張景淳接過浪漫氣球都有啲愕然。
電視城外藝員收工順手同等候粉絲傾兩句收吓禮時有發生,不過呢日張景淳接過浪漫氣球都有啲愕然。
原來唔止浪漫氣球,氣球下吊住仲有特大禮物籃同一大袋禮品。
原來唔止浪漫氣球,氣球下吊住仲有特大禮物籃同一大袋禮品。
邊個咁重手?睇真啲原來係當年周永恆小三劉依靜,今時今日做咗模特兒兼公關公司老闆親自送禮入電視城。
邊個咁重手?睇真啲原來係當年周永恆小三劉依靜,今時今日做咗模特兒兼公關公司老闆親自送禮入電視城。
劉依靜於2014年被爆出搭上周永恆搞婚外情,周永恆亦因此而被封為世紀賤男。
劉依靜於2014年被爆出搭上周永恆搞婚外情,周永恆亦因此而被封為世紀賤男。
14年因介入周永恆趙頌茹婚姻,做咗小三的Ruby賠上事業毀了聲譽,問到他周永恆是否其人生污點,她直認不諱:「佢不 值一提,當發咗場噩夢!」
14年因介入周永恆趙頌茹婚姻,做咗小三的Ruby賠上事業毀了聲譽,問到他周永恆是否其人生污點,她直認不諱:「佢不 值一提,當發咗場噩夢!」

劉依靜係邊個?「翻版徐淑敏」被指曾做戀上周永恆、唐文龍

劉依靜係模特兒,2009年無綫電視節目《美女廚房》出過鏡,初頭有個外號叫「翻版徐淑敏」,2012年加入香港電視網絡,拍過《Night Shift》同《惡毒老人同盟》兩套電視劇。2014年9月,劉依靜被揭發做香港前歌手周永恒嘅狐狸精,重有疑似佢嘅鹹相流出,但佢否認相中人係自己。近年嚟,劉依靜主力打理同朋友開嘅公關公司同模特兒公司業務。

早前本刊曾撞到佢同唐文龍約會,二人當時表示「了解中」,本來大纜扯唔埋,不過一次友人飯局就將正氣型佬唐文龍同Ruby劉依靜拉埋。據知情者透露:「Ruby覺得文龍好博學,同佢一齊有好多話題,文龍好鍾意研究電影,咁啱Ruby又鍾意睇戲,加上嚟緊Ruby公司會投資搞環保塑膠生意,文龍係支持環保人士,所以成日搵文龍攞意見,佢哋真係好投契!」

張景淳背呂慧儀收「小三」大禮  劉依靜轉做PR老闆主動出擊
唐文龍曾公開擇偶條件,對象要白淨有肉地,咁大眼睛皮膚白滑有身材的Ruby又真係啱晒唐文龍杯茶。當日撐完枱腳離開餐廳,唐文龍更曾輕扶Ruby纖腰,相當細心。

心花怒放

日前本刊獨家斷正二人到尖沙咀拍拖撐枱腳直落睇戲,當日傍晚時分,唐文龍在尖沙咀亞士厘道一間茶餐廳外同友人傾偈,未幾就一個人入餐廳搵了一個隱蔽位置坐低,大約15分鐘後,女主角終於現身,當日Ruby明顯悉心打扮會情郎,甫坐低已經對住男神冧到爆,唐文龍打開餐牌介紹Ruby有乜好選擇,但似乎食物吸引唔到佢,對眼全程望到男神實一實,食物未到,唐文龍心花怒放講唔停,還攞出一本命理書同女方講相學運程,女方就嗒晒糖托住腮聽到入晒神。撐枱腳個半小時,由唐文龍埋單一齊離開,兩人急急腳截的士轉場去黃埔,原來係拍拖睇近期熱爆電影《逆流大叔》。

張景淳背呂慧儀收「小三」大禮  劉依靜轉做PR老闆主動出擊
為免被發現,唐文龍同Ruby前後腳抵達餐廳,曾經錯愛渣男周永恆,Ruby對住正氣的唐文龍已經冧到出晒面,全程對眼好似發光咁望住男方,真係唔使飲糖水都甜到漏!
張景淳背呂慧儀收「小三」大禮  劉依靜轉做PR老闆主動出擊
唐文龍講多過食,Ruby就似足小粉絲托住腮聽到入晒神。
張景淳背呂慧儀收「小三」大禮  劉依靜轉做PR老闆主動出擊
就算食緊飯,Ruby對眼仲係目不轉睛望實唐文龍,睇嚟唐生對Ruby嚟講,真係好有吸引力。
張景淳背呂慧儀收「小三」大禮  劉依靜轉做PR老闆主動出擊
撐枱腳個半鐘,唐文龍埋單同女友Ruby一同離開餐廳。
張景淳背呂慧儀收「小三」大禮  劉依靜轉做PR老闆主動出擊
兩人截的士去黃埔睇電影《逆流大叔》,拍拖節目同一般情侶無異。
同Ruby打得火熱,被本刊斷正翌日,唐文龍再約Ruby撐枱腳,女方更開心share,將二人合照放上個人社交網
同Ruby打得火熱,被本刊斷正翌日,唐文龍再約Ruby撐枱腳,女方更開心share,將二人合照放上個人社交網
還留言叫男方加油!唐文龍亦火速回應:「係,一齊加油!」
還留言叫男方加油!唐文龍亦火速回應:「係,一齊加油!」