戴祖儀、何依婷做學霸馬尾女神!盤點女星清爽又可愛馬尾造型

娛聞

廣告

靚有好多種,雍容華貴盛裝打扮係一種,長髮披肩仙氣女神又係一種,其實圈中好多神級女星最鍾意隨意紮條馬尾,清爽簡單有親和力,做運動又夠方便,最緊要突出五官又減齡,即時young晒!

撰文、圖片:東方新地

30歲張曦雯

劇接劇、幾乎所有角色都係高尚專業人士,去到邊都係一副女神格,張曦雯紮起馬尾上嚟其實除咗減齡之外,仲變得親和又貼地。

戴祖儀、何依婷做學霸馬尾女神!盤點女星清爽又可愛馬尾造型

稍稍露背,整體造型登時變得高雅。
稍稍露背,整體造型登時變得高雅。

27歲陳欣妍

陳欣妍成為啤酒代言人後,自爆為拍好廣告勤做gym集中操臀,終於練成迷人蜜桃臀喎!其實點止蜜桃臀吸引,每日睇佢喺IG紮住馬尾晒胸平腹做運動都係享受。

戴祖儀、何依婷做學霸馬尾女神!盤點女星清爽又可愛馬尾造型

25歲戴祖儀

識唱又識演、外形討好上位極速,戴祖儀仲係會考8A狀元喺英國名牌萊斯特大學法律系畢業,其實馬尾喺學霸神身上一樣適用。

戴祖儀、何依婷做學霸馬尾女神!盤點女星清爽又可愛馬尾造型

26歲梁茵

平民出身公屋長大,梁茵一向渾身鄰家女孩平實氣質,其實紮條馬尾簡單又清爽,真正做番自己。

戴祖儀、何依婷做學霸馬尾女神!盤點女星清爽又可愛馬尾造型

馬尾學生look更見清純。
馬尾學生look更見清純。

26歲何依婷

由細到大被媽媽悉心栽培做到一級榮譽畢業生、英美名牌大學交換生再當選埋港姐亞軍成為樂易玲力捧新歡,其實目標為本嘅何依婷都有簡單清新一面,不馬尾學生look更見清純。 過下次個妝化淡少少會更煞食。

戴祖儀、何依婷做學霸馬尾女神!盤點女星清爽又可愛馬尾造型

29歲王卓淇

最鍾意喺IG晒身材、晒長腿,王卓淇亦都因此成功達到吸納粉絲目的,如今已經係追蹤超過廿萬粉絲嘅IG大戶。不過過分沉迷用濾鏡美圖變身都唔係好事,王卓淇張張相都唔同樣,手臂又離奇變形。

戴祖儀、何依婷做學霸馬尾女神!盤點女星清爽又可愛馬尾造型

27歲林穎彤

14歲已經出道拍戲做model,年紀輕輕嘅Bella林穎彤演藝經歷其實好資深。有心搣甩個大唔透娃娃臉,Bella呢個髮型證明梳馬尾其實都可以有輕熟女嘅氣質,成熟得嚟不失可愛。

戴祖儀、何依婷做學霸馬尾女神!盤點女星清爽又可愛馬尾造型

28歲鄺潔楹

笑容甜到漏,身材又細細粒,本來已經可愛爆燈,再加埋條馬尾,28歲鄺潔楹都時光倒流變學生妹,回到少女時一樣!

戴祖儀、何依婷做學霸馬尾女神!盤點女星清爽又可愛馬尾造型

26歲余思霆

17年華姐冠軍余思霆招牌長髮貴氣又有女人味,其實冠軍人馬五官出眾,梳起馬尾一樣省鏡仲加添幾分青春氣色。

戴祖儀、何依婷做學霸馬尾女神!盤點女星清爽又可愛馬尾造型