《法證先鋒IV》急改結局 新一輯佘詩曼及鍾嘉欣回巢助陣

娛聞

廣告

近日全城熱捧的無綫重頭劇《法證先鋒IV》,雖然經歷過換角重拍,失落台慶播出時段,遇上不少阻滯先成功出街,不過好劇難阻觀眾喜愛,《法證IV》開播以來,收視、口碑一直高企,氣勢沒法擋,令無綫火速決定開拍《法證先鋒V》,也令之前因腦血管栓塞險中風,決定退休的金牌監製梅小青欲退不能,已經接旨再拍新《法證》的她,近日正著手重剪《法證先鋒IV》急改結局,埋下伏線開拍新一輯,大結局引人入勝,而出名要求嚴謹的小青姐,原來亦已再碌人情卡,密斟兩大御用愛將佘詩曼及鍾嘉欣,回巢助陣客串新《法證》,好劇欲罷不能!

撰文、圖片:東方新地

總監梅小青曾中風康復後唔退休繼續拍

近日播出的《法證先鋒IV》,收視和口碑雙贏,每個單元都扣人心弦,網友齊來緝兇極具話題性,將無綫劇集收視再次推上高峰,近日無綫已決定開拍《法證先鋒V》,總監製梅小青在盛情難卻下未退休已出山。據知情者透露:「《法證IV》播出以嚟,收視不斷攀升,而且正評好多,就算小青姐講咗會退休,仍不停有人傾佢再拍劇,有內地劇亦有港劇,不過小青姐答應咗個仔會退下火線,都冇諗過再拍,但無綫決定再開新《法證》,始終《法證》系列係小青姐一手打造,可以話係佢事業一個里程碑,對佢嚟講有情意結,而且佢身體亦好番好多,佢覺得自己可以應付到!」

《法證先鋒IV》劇情緊湊,一班主角黃浩然、陳煒、湯洛雯及譚俊彥演出非常到位,令劇集好評如潮,為賀收視報捷,早前一班演員連同總監製梅小青出席記者會宣傳,據悉四位主角都有得留低拍新《法證》。
《法證先鋒IV》劇情緊湊,一班主角黃浩然、陳煒、湯洛雯及譚俊彥演出非常到位,令劇集好評如潮,為賀收視報捷,早前一班演員連同總監製梅小青出席記者會宣傳,據悉四位主角都有得留低拍新《法證》。
《法證先鋒 IV》收視高開,首集七天跨平台收視高達37.1 ,打破八年前劇集收視紀錄,無綫火速決定開拍《法證V》
《法證先鋒 IV》收視高開,首集七天跨平台收視高達37.1 ,打破八年前劇集收視紀錄,無綫火速決定開拍《法證V》
《法證 IV》要剪走黃心穎戲份由湯洛雯頂上重拍,當時動完腦部手術不久,梅小青已親自帶隊飛台灣補拍,要求嚴謹的她事事親力親為。
《法證 IV》要剪走黃心穎戲份由湯洛雯頂上重拍,當時動完腦部手術不久,梅小青已親自帶隊飛台灣補拍,要求嚴謹的她事事親力親為。
計劃退休弄孫為樂的小青姐,已答應無綫為《法證V》出山。
計劃退休弄孫為樂的小青姐,已答應無綫為《法證V》出山。

為新一輯鋪路?急改ending婚紗戲

已開始埋首籌備新《法證》的小青姐,另一方面亦趕緊為進入結局篇的《法證IV》急改結局,為新一輯埋下伏線。據知情者透露:「結局篇黃浩然會搵番佢嘅親生妹妹張曦雯,而原本ending嗰場婚紗戲,係安排大團圓結局,但依家小青姐想加啲枝節落去,應該會有啲估唔到嘅嘢發生,引大家再追睇落去!不過依家都係剪緊片,真正嘅結局係點?班演員都要留待睇大結局先知,而主角煒哥、浩然同靚湯(湯洛雯),新一輯都有得留低。」

近日監製梅小青已趕緊為《法證IV》重剪大結局留下伏線,ending的一場婚紗戲,能否繼續大團圓結局,謎底就要繼續睇落去先知!
近日監製梅小青已趕緊為《法證IV》重剪大結局留下伏線,ending的一場婚紗戲,能否繼續大團圓結局,謎底就要繼續睇落去先知!
出名要求高的梅小青,製作一絲不苟,《法證》成功拍到第四輯,更搵來真正的法醫梁家駒醫生客串,製作相當認真。
出名要求高的梅小青,製作一絲不苟,《法證》成功拍到第四輯,更搵來真正的法醫梁家駒醫生客串,製作相當認真。
以真實查證過程做藍本的《法證先鋒》系列,製作可謂一絲不苟,今輯第二個單元,謝芷倫扮死屍被真空袋密封一幕,拍得非常逼真。
以真實查證過程做藍本的《法證先鋒》系列,製作可謂一絲不苟,今輯第二個單元,謝芷倫扮死屍被真空袋密封一幕,拍得非常逼真。
黎燕珊與楊潮凱的母子情賺人熱淚,楊潮凱做智障少年舉手投足更似模似樣。
黎燕珊與楊潮凱的母子情賺人熱淚,楊潮凱做智障少年舉手投足更似模似樣。

新一輯佘詩曼及鍾嘉欣有望回巢助陣

一部劇能夠延續到第五輯絕不容易,過往無綫經典劇亦只有《壹號皇庭》試
過,而向來力求完美的小青姐,為加強新《法證》聲勢,已秘密傾洽愛將佘詩曼及鍾嘉欣回巢助陣。據知情者透露:「除咗一班主角,小青姐好著重搵重量級演員客串,好似今輯有謝賢、米雪同鮑姐(鮑起靜),佢哋出場為觀眾帶來好大驚喜,再開新《法證》更加不容有失,小青姐想搵阿佘同鍾嘉欣返嚟拍,雖然佢哋已經約滿離巢,但兩個一路以嚟都係小青姐嘅御用愛將,關係好密切,再加上阿佘同嘉欣都曾經係《法證》系列嘅主角,見證住呢個劇嘅輝煌成績 ,有機會再參與當然開心,不過都要出晒劇本同遷就到檔期先。」咁嘅陣容,真係未拍已令人期待!

除咗一班主角,小青姐更碌盡人情卡搵重量級外援客串,《法證IV》首個單元就有拍劇幾乎可一不可再的謝賢拍米雪演出。
除咗一班主角,小青姐更碌盡人情卡搵重量級外援客串,《法證IV》首個單元就有拍劇幾乎可一不可再的謝賢拍米雪演出。
又有金像影后鮑起靜客串另一單元,好戲連場。
又有金像影后鮑起靜客串另一單元,好戲連場。
佘詩曼是梅小青愛將,小青姐幾部經典劇《宮心計》、《法證先鋒II》及《公主嫁到》阿佘均擔正女一。據知在小青姐游說下,阿佘好大機會回巢為新《法證》演出。
佘詩曼是梅小青愛將,小青姐幾部經典劇《宮心計》、《法證先鋒II》及《公主嫁到》阿佘均擔正女一。據知在小青姐游說下,阿佘好大機會回巢為新《法證》演出。
已經做咗人母的鍾嘉欣,長居加拿大相夫教一對仔女,而嘉欣亦已答應小青姐復出助陣。
已經做咗人母的鍾嘉欣,長居加拿大相夫教一對仔女,而嘉欣亦已答應小青姐復出助陣。