43歲謝安琪開新IG疑另起爐灶 懶理與Juno擘面傳聞繼續我行我素

娛聞

廣告

是非不斷的謝安琪,17年大鑼大鼓宣布加盟麥浚龍的「幻國文化」旗下,當時已有指她為怕公司分散資源,極力反對Juno(麥浚龍)再簽薛凱琪,一姐地位意氣風發,在Juno力谷下事業成功再上;不過轉眼三年合約快將屆滿,近日傳出Kay計劃另起爐灶,與Juno經常意見分歧,獨斷獨行未經公司同意下上周耀輝Live節目唱從未發布過的新歌,又一度取消關注Juno惹來種種猜測,近日再爆出她未有履行合約精神,瘦身不成令纖體廣告合約泡湯,「幻國文化」因而損失七位數收入,連累公司為她執手尾。

撰文、圖片:東方新地

謝安琪傳與Juno擘面兼激怒廣告商

不管是唱片公司定經理人,「合久必分」似乎每次都應驗於謝安琪與她的合作夥伴,先後與環球唱片、經理人夏森美、周博賢不歡而散,18年加盟Juno的「幻國文化」旗下,二人關係密切經常孖住上台合唱,在Juno力谷下,近兩年阿Kay更橫掃叱咤頒獎禮盡擸大獎,不過,隨著Kay的合約快將屆滿,二人的蜜月期亦一去不返,早前Kay被發現突然取消關注Juno的IG,令二人不和傳聞不脛而走,近日再爆出「幻國文化」年初為Kay接下一個纖體廣告,但Kay身形一直不達標令廣告拍攝期一拖再拖,更有指她棄用廣告商提供的纖體用品,又不理指示自行跟教練操肌,激怒廣告商最終令合約終止。

加盟「幻國文化」三年的謝安琪,隨著與Juno(麥浚龍)合唱最終章,兩人近日更傳不和,Kay不單取消關注Juno,近日更爆出Kay接下纖體廣告被指不合作、令廣告合約終止,導致Juno的「幻國文化」有所損失,盛傳雙方關係破裂。
加盟「幻國文化」三年的謝安琪,隨著與Juno(麥浚龍)合唱最終章,兩人近日更傳不和,Kay不單取消關注Juno,近日更爆出Kay接下纖體廣告被指不合作、令廣告合約終止,導致Juno的「幻國文化」有所損失,盛傳雙方關係破裂。
謝安琪早前另開新 IG帳號「 k.daybykay」,有指是為擺脫Juno為另起爐灶鋪路。
謝安琪早前另開新 IG帳號「 k.daybykay」,有指是為擺脫Juno為另起爐灶鋪路。
日前張繼聰出席電影活動,對於老婆謝安琪與Juno不和傳聞,他開腔極力維護老婆,又指老公責任是要長期令老婆心情愉快。
日前張繼聰出席電影活動,對於老婆謝安琪與Juno不和傳聞,他開腔極力維護老婆,又指老公責任是要長期令老婆心情愉快。

Juno以千萬簽謝安琪 3年後老闆都無面俾

據知情者透露:「六年前Kay同Juno首次合唱,Juno有財力,嗰時Kay好識做,成日黐住Juno又大讚對方有頭腦,兩個好快已經成為密友,到Kay停工生完女, Juno仲以千萬簽Kay加盟公司旗下,因為要收復失地,Kay入公司初期,真係好聽話,乜都會依Juno意思去做,不過時間耐咗,Kay已經好有自己意見,公司職員幫佢接工作,唔滿意就唔做,搞到班員工無所適從,近期佢連Juno都唔畀面!兩個開會經常各執一詞,依家兩個見面都面左左!」

15年謝安琪和麥浚龍因合唱歌曲〈羅生門〉爆火花大受歡迎,兩人更因此成為密友。
15年謝安琪和麥浚龍因合唱歌曲〈羅生門〉爆火花大受歡迎,兩人更因此成為密友。
產女停工令事業停頓的謝安琪,17年宣布加盟麥浚龍的「幻國文化」,在Juno投放資源力谷下,阿Kay事業成功再上高峰,更在18年度叱咤頒獎禮連擸三個大獎,分別是「至尊歌曲大獎」、「叱咤女歌手金獎」及「我最喜愛的女歌手獎」。
產女停工令事業停頓的謝安琪,17年宣布加盟麥浚龍的「幻國文化」,在Juno投放資源力谷下,阿Kay事業成功再上高峰,更在18年度叱咤頒獎禮連擸三個大獎,分別是「至尊歌曲大獎」、「叱咤女歌手金獎」及「我最喜愛的女歌手獎」。
快將約滿「幻國文化」的謝安琪,近期便經常與Juno因工作意見分歧,二人早前一同到商台受訪,已經貌合神離。
快將約滿「幻國文化」的謝安琪,近期便經常與Juno因工作意見分歧,二人早前一同到商台受訪,已經貌合神離。

薛凱琪拒被Kay騎住簽Juno撻Q

家底厚的麥浚龍Juno當年投資成立「幻覺文化娛樂」拓大個人娛樂版圖,鎖定簽起雙「琪」謝安琪薛凱琪發圍,講足大半年,近來產女抖足年幾的謝安琪,終於復工坐正成為公司一姐,Juno更落足本幫Kay大堆頭製作新歌。見Kay頭威頭勢先聲奪人,難免令薛凱琪眼紅,同Juno傾足大半年約仍未成事,全因唔甘心過檔畀Kay騎住只做阿二,決定反口縮沙,最終無緣合作!

43歲謝安琪開新IG疑另起爐灶   懶理與Juno擘面傳聞繼續我行我素

薛凱琪 Juno 傾足大半年

12年離開效力十年、一手捧紅自己嘅華納唱片,薛凱琪就係貪可以喺太陽娛樂坐正一姐之位,兼且旨意Paco出力打入內地電影市場。六年來雖然靠太陽娛樂同Paco成功北闖佔一席位,不過又係簽完約即遇上鄧麗欣回流,表面一姐實情身份地位都遠遠不如Paco多年愛將,自然耿耿於懷。當年36歲未有拖拍唯一寄託就係事業同買磚頭,Fiona兩年前與Juno合作歌曲〈結〉時已經密密斟商量合約事宜,直到17年底落實細節,一心諗住滿約就有得過檔,一圓一姐夢。

薛凱琪
16年合作歌曲〈結〉埋下伏線,去年Juno一有念頭開經理人公司,已經向Fiona招手,差點成事。

一山不能藏二琪

據知情人士透露,Fiona的如意算盤全部因為生完女自由身隨時可以簽約開工的謝安琪打亂:「Juno間幻國娛樂同電影公司一定會愈做愈大,第一步就係簽晒『雙琪』返嚟。其實Juno冇諗過邊個先係一姐,反而Kay好大方,佢好有音樂理想,一早話過新公司簽多啲人百花齊放仲多元化,係Fiona一直以為一姐過檔件事可以好隆重,點知佢舊約未完、嗰頭Kay已經簽咗約仲開緊工,第一首主打歌就係Juno監工導演動員全公司拍MV。見到Kay係威係勢,Fiona唔想過檔被人騎住。」

薛凱琪
同Paco合作六年,如願以償打進內地電影市場。

 

去年12月Juno同Fiona傾定細節,等今年中滿約落筆,不過Kay產後復出先行開工仲出埋新歌,搞到Fiona不滿風頭被搶又做唔成一姐,因而同Juno合作撻Q。
去年12月Juno同Fiona傾定細節,等今年中滿約落筆,不過Kay產後復出先行開工仲出埋新歌,搞到Fiona不滿風頭被搶又做唔成一姐,因而同Juno合作撻Q。
Fiona要同舊東家滿約才能過檔,Juno於是照原定計劃先簽Kay仲做埋新歌,Kay在MV大露背又食煙,勁有noise,不過就被Fiona理解成搶去風頭和一姐地位。
Fiona要同舊東家滿約才能過檔,Juno於是照原定計劃先簽Kay仲做埋新歌,Kay在MV大露背又食煙,勁有noise,不過就被Fiona理解成搶去風頭和一姐地位。
親自出馬幫Kay新歌〈人妻的偽術〉執導、出動公司上下創意團隊打造、又班埋自家電影班底拍攝,Juno在Kay身上投放愈多、Fiona愈係深明過檔後又係冇得做一姐。
親自出馬幫Kay新歌〈人妻的偽術〉執導、出動公司上下創意團隊打造、又班埋自家電影班底拍攝,Juno在Kay身上投放愈多、Fiona愈係深明過檔後又係冇得做一姐。