負評不斷53歲關淑怡又瀨嘢 大支嘢趕客致美加個唱撻Q

娛聞

廣告

唱功再好又如何?!出名行為神化兼麻煩的關淑怡,玩失蹤耍大牌屢見不鮮,近年已經冇人敢埋身同佢合作,坐食山崩試過欠租欠卡數負評不斷! 去年簽約舊東家環球唱片出山再唱,以為衰過會學乖,豈料合作不久,關淑怡已故態復萌失控,原本環球有意安排她同劉美君合作開騷,又因她耍大牌 合作唔成,近日又再出事,本來唱片公司為她傾洽了兩場美加演唱會,早前同外地主辦商會面,她巨星上身不停擺款,囂張態度嚇窒搞手,最終令演唱 會撻Q,二百萬收入見財化水,還得失主辦商,要環球執手尾。

撰文、圖片:東方新地

關淑幾唱得都無用 負評不斷無公司敢埋身

曾經是80、90年代天后級歌手的關淑怡,有過唔少經典作品,即使食老本開騷相信都有排搵,不過,多年來被指行為神化飄忽,已經冇唱片公司敢沾手,工作買少見少,要供17歲兒子讀書的她,曾被傳經濟拮据,欠租欠卡數甚至保母車司機費用,要靠借錢度日。

近日推出翻唱〈叛逆漢子〉 顏色膠碟的關淑怡,出關 到中環掃貨扮靚,當日更 以低胸緊身長裙出動,大 晒蜜桃胸!
近日推出翻唱〈叛逆漢子〉 顏色膠碟的關淑怡,出關到中環掃貨扮靚,當日更以低胸緊身長裙出動,大晒蜜桃胸!
0
當日關淑怡襯到一身黑兼素顏出動,仲戴上耳筒聽歌自娛,雖然開騷唔成,關淑怡亦無損心情,繼續我行我素!
0
關淑怡由助手陪同入咗一間時裝店揀衫,只見sales 姐姐不停攞衫畀佢睇,招呼殷勤!
0
似乎對sales姐姐介紹的款式不太滿意,關淑怡轉身繼續睇短裙!
0
臨走前,關淑怡突然轉身手指指同sales姐姐講嘢!

即使負評不斷,不過關淑怡身邊仍有幾位圈中知己,多年來對她不離不棄支持,去年再得舊東家環球唱片招手,簽約旗下再出碟及計劃開騷,可惜機會送上門,她仍恃寵生嬌,麻煩性格好快現形。據知情者透露:「佢啲神化嘢大家都聽唔少,已經冇乜人敢同佢合作,不過Duncan(環球唱片高層)同佢識咗好耐,雖然知佢麻煩,但始終覺得佢好唱得,又仲有市場,再想畀機會佢,上年同佢簽約再合作,已經諗咗好多發展大計,初頭Shirley(關淑怡)都表現得好積極同配合,但冇耐已經嚟料,成日巨星上身,唔滿意就話 唔做,開會甩底周不時發生,連助手都搵佢唔到,唔好話出碟,傾一首歌都扭扭擰擰,搞到大家好多磨擦!」

0
近年來神化、飄忽,怪異行為不斷的關淑怡,16年曾試過墮海。
0
17年又在愉景灣酒店涉及刑事恐嚇,負面新聞不斷!

開會擺晒巨星款 美加個唱撻Q見財化水

其實簽約不久,環球已撮合關淑怡跟劉美君開show,話晒兩 人昔日名曲不少,合作一定有火花,可惜最終因Shirley諸多要求,又乜都要由佢話晒事,令演唱會計劃胎死腹中;以為同人合作才出問題,誰知個人演唱會一樣出事,早前環球為她傾洽了兩場美加演唱會,原本一切傾談順利,到她與外地主辦商會面時,據知又扮大牌帶同律師到場擺巨星款,最後不歡而散。知情者透露:「咪睇Shirley好似好唔志在,其實佢好想再開演唱會, Duncan一路幫佢line up,終於幫佢傾緊兩場美加演唱會,本來啲嘢傾得好順利,不過佢又唔生性,同主辦商會面時,帶埋律師到場,仲三句唔埋就叫人同律師傾,咪搞到不歡而散囉!搞手都講明唔想再同佢合作!」雖然係唱得,但關小姐倒米更耍家!

0
除咗推出新碟,唱片公司還幫關淑怡傾洽了兩場美加巡唱在明年初舉行,可惜最後因關淑怡大支嘢諸多要求搞垮,令演唱會撻Q開唔成!
0
前年簽約環球唱片出山再唱的關淑怡,本來獲唱片公司撮合她同劉美君合體開騷,最後又因為她態度囂張令演唱會告吹。

關鍵詞
關淑怡