2014年憑電影《 狂舞派 》以最年輕入圍者姿態殺入香港電影金像獎,當年只得21歲嘅𡃁妹仔膽敢同鄭秀文、章子怡、湯唯及鮑起靜爭奪影后,風頭一時無兩。之後除咗拍戲外,仲唱埋歌踩入樂壇,2017年獲《 十大中文金曲頒獎禮 》最有前途新人獎金獎以及《 叱咤頒獎禮 》生力軍金獎,歌影瓣瓣掂,再加上有個酒樓大亨富爸爸,顏卓靈簡直係人生勝利組!
撰文、圖片:東方新地
顏卓靈唔憂柴米玩足四個月
富家女生活無憂,今年2月先隻身飛去印尼峇里考瑜伽導師牌,之後再飛澳洲旅居,吃喝玩樂足足四個月,反正未有工開冇時間表冇歸期,鍾意玩幾耐都得!旅居澳洲期間又自資拍片呼籲大家戴口罩,閒時喺大屋做吓瑜伽玩吓煮飯仔開吓 Live,真係諗到乜就做乜,有錢就是任性!