《香港愛情故事》龔嘉欣床戰羅天宇全身黐笠笠 拍咀戲去到盡咀到痛

娛聞

廣告

龔嘉欣在無綫新劇《香港愛情故事》同首次做男一的羅天宇有大量床戲,兩人指劇中床戲地點包括有時鐘酒店和太空艙,令他們大開眼界,但龔嘉欣大呻由於房間太細、工作人員太多,又焗又熱令她全程狂飆汗,一拍埋身戲就搞到成身都黐笠笠!

撰文、圖片:東方新地

龔嘉欣、羅天宇飾夫妻 勁多激烈床戲

龔嘉欣直言能夠和羅天宇這位香港先生冠軍合作拍床戲,感覺好有艷福。
龔嘉欣直言能夠和羅天宇這位香港先生冠軍合作拍床戲,感覺好有艷福。
龔嘉欣透露自己和羅天宇在《香港愛情故事》中的對手戲,有超過一半都係激烈床戲。
龔嘉欣透露自己和羅天宇在《香港愛情故事》中的對手戲,有超過一半都係激烈床戲。
龔嘉欣表示同羅天宇拍床戲時因為房間入面太多工作人員,令她感覺又熱又侷促,她說:「 拍埋身戲時覺得成個身都黐笠笠,其實唔係幾舒服,加上又有好多人望住,都幾尷尬!」
龔嘉欣表示同羅天宇拍床戲時因為房間入面太多工作人員,令她感覺又熱又侷促,她說:「 拍埋身戲時覺得成個身都黐笠笠,其實唔係幾舒服,加上又有好多人望住,都幾尷尬!」
龔嘉欣話自己同羅天宇拍咀戲時完全去到盡,唔會就住就住,因此拍完後搞到成個嘴都好痛。
龔嘉欣話自己同羅天宇拍咀戲時完全去到盡,唔會就住就住,因此拍完後搞到成個嘴都好痛。
龔嘉欣笑指自己條腰雖然仍維持到做 《殺手》 「Dark Angel 」 時咁纖幼,但當時的馬甲線已消失。
龔嘉欣笑指自己條腰雖然仍維持到做 《殺手》 「Dark Angel 」 時咁纖幼,但當時的馬甲線已消失。

32歲羅天宇靠阿媽執三攤終成功做男一

《香港愛情故事》做男一的港男羅天宇,被稱為「含住金鎖匙出世」,自小生父出走,他跟母姓改嫁,生活無憂凡事有阿媽鋪路,曾在《愛‧回家》飾演馬子仁一角而為觀眾熟悉,惟至今未有其他代表作,媾女成績比事業更為出色,與Coffee(林芊妤)、苟芸慧及湯洛雯拍過拖,新歡是正在上位的無綫女神戴祖儀。眼見戴祖儀備受力捧拍劇、做主持又唱歌,羅天宇母親不甘兒子被新女拋離,出手為仔爭取演出機會,劇集《香港愛情故事》開拍前,男主角一改再改,由張振朗變楊明再變羅天宇,羅母為仔打盡人情牌,得咗!

羅天宇直認早年不懂得把握機會,試過兩年冇劇拍被投閒置散,不過有母親在背後做最強後盾,為他成功爭取做男一,唔想被女友戴祖儀拋離幾條街,要急起直追喇!
羅天宇直認早年不懂得把握機會,試過兩年冇劇拍被投閒置散,不過有母親在背後做最強後盾,為他成功爭取做男一,唔想被女友戴祖儀拋離幾條街,要急起直追喇!
羅天宇媽咪靠做生意及炒樓起家,主力經營位於西貢的4萬呎的燒烤場生意,投資有道的她高峰期一度手持麗港城、匯景花園及黃埔花園等價值逾三千萬物業,現時一家居於元朗翠巒獨立屋。羅天宇同母異父的細佬胡㻗四年前也參選港男入行,三母子感情要好。
羅天宇媽咪靠做生意及炒樓起家,主力經營位於西貢的4萬呎的燒烤場生意,投資有道的她高峰期一度手持麗港城、匯景花園及黃埔花園等價值逾三千萬物業,現時一家居於元朗翠巒獨立屋。羅天宇同母異父的細佬胡㻗四年前也參選港男入行,三母子感情要好。

羅天宇是人生勝利組的表表者,08年參選香港先生獲得少年組冠軍,有指其母羅俐雅(Barbi Law)與不少圈中人稔熟,當中包括無綫高層,當年搭通天地線,令羅天宇順利入行做明星,雖然機會不斷,但羅天宇並未盡全力向上爬,拍完處境劇《愛‧回家》入晒屋,他竟然兩年冇劇拍,日日游手好閒,羅天宇被外界指無心工作,媾女大過天。

25歲的戴祖儀加入無綫只有兩年,除了簽星夢娛樂做歌手,去年開始工作量明顯增加,有份主持多個綜藝節目《粵講粵㜺鬼》、《長命不老》、《學是學非》等,並在劇集《多功能老婆》中飾演幼稚園老師 Miss呂,憑青春無敵及長腿成為新一代女神。
25歲的戴祖儀加入無綫只有兩年,除了簽星夢娛樂做歌手,去年開始工作量明顯增加,有份主持多個綜藝節目《粵講粵㜺鬼》、《長命不老》、《學是學非》等,並在劇集《多功能老婆》中飾演幼稚園老師 Miss呂,憑青春無敵及長腿成為新一代女神。
羅天宇曾被本刊斷正駕駛其Tesla電動戰車送戴祖儀返回將軍澳電視城,不過他過了正門100米才停車,讓戴祖儀施施然落車。男住元朗,女住啟德,又唔係順路,此地無銀。
羅天宇曾被本刊斷正駕駛其Tesla電動戰車送戴祖儀返回將軍澳電視城,不過他過了正門100米才停車,讓戴祖儀施施然落車。男住元朗,女住啟德,又唔係順路,此地無銀。

羅天宇為圓母夢做藝人 靠阿媽終執三攤做男一

近年羅天宇對工作重拾熱誠,不過角色與演技都未有太大突破,據知情者透
露:「Joey(羅天宇)都承認以前欠方向同目標,做事又得過且過,拍完《愛.回家》有兩年冇劇拍,佢當時有諗過係咪唔好等?不過羅媽媽就好堅持,因為佢後生時都入過無綫訓練班,但讀咗一半就冇讀,所以好想個仔幫佢圓埋個明星夢,仲成日催促Joey要著緊啲自己嘅演藝事業,好想見到個仔走紅。再加上Joey新女友戴祖儀係力捧花旦,入行時間咁短已經彈起,再係咁佢哋距離只會愈嚟愈遠,近年羅媽媽都做咗好多嘢,喺背後幫Joey講盡好話,所以好多監製都會畀面,有好角色都搵佢。」去年底,無綫開愛情小品劇集《香港愛的故事》,最初男主角屬張振朗,而女主角就係龔嘉欣,後來因為張振朗無檔期換上楊明,但最後卻落在羅天宇身上。

以往的角色大部分都是做人細佬或學生哥,羅天宇終於在《香港愛情故事》首次擔正做男一,拍住龔嘉欣演夫妻,二人在劇中有大量親熱戲,羅天宇更透露要除褲露股,角色好有發揮。
以往的角色大部分都是做人細佬或學生哥,羅天宇終於在《香港愛情故事》首次擔正做男一,拍住龔嘉欣演夫妻,二人在劇中有大量親熱戲,羅天宇更透露要除褲露股,角色好有發揮。
原本男主角屬意是張振朗,但他因檔期問題未能接拍換了楊明,後來因為疫情關係楊明的工作亦有調動,最終由羅天宇頂上。
原本男主角屬意是張振朗,但他因檔期問題未能接拍換了楊明,後來因為疫情關係楊明的工作亦有調動,最終由羅天宇頂上。

《香港愛的故事》雖然不是重頭劇,不過首次擔正男一的羅天宇都好重視,年初開工時適逢疫情爆發中,台前幕後歷盡艱辛,而羅天宇在拍攝時表現得份外認真,今年32歲先搏命發力都未算遲,最緊要係懂得珍惜機會,不過唔係講緊媾女方面呀!

新劇內容寫實兼溫情,羅天宇與龔嘉欣、王敏奕、白彪及龔慈恩等演員合作得非常愉快。
新劇內容寫實兼溫情,羅天宇與龔嘉欣、王敏奕、白彪及龔慈恩等演員合作得非常愉快。
《香港愛情故事》於今年一月舉行開鏡拜神儀式時,羅天宇首次以男一身份企正中間,咬晒唇的他似乎並未習慣。
《香港愛情故事》於今年一月舉行開鏡拜神儀式時,羅天宇首次以男一身份企正中間,咬晒唇的他似乎並未習慣。

羅天宇前度個個有好發展

羅天宇唔止好命,仲好旺過氣前度,幾乎每個與他拍過拖的女藝人,分手後無論事業與感情都活得比佢好,真係信不信由你。

有傳Coffee是羅天宇的初戀女友,被朋友公開二人床上親密照後才爆出曾經相戀。Coffee雖然經歷過殘廁gathering,離開無綫後成為爆紅瑜伽達人,18年與澳洲籍的銀行界圈外男友翟志榮結婚,同年生了囝囝,一家三口好幸福。
有傳Coffee是羅天宇的初戀女友,被朋友公開二人床上親密照後才爆出曾經相戀。Coffee雖然經歷過殘廁gathering,離開無綫後成為爆紅瑜伽達人,18年與澳洲籍的銀行界圈外男友翟志榮結婚,同年生了囝囝,一家三口好幸福。
華姐冠軍苟姑娘比羅天宇大四年,入行後即發展姊弟戀,戀情一直不被看好,加上受到無綫多番施壓,10年對外界指以事業為由分手,此後苟姑娘即上位,並於 18年嫁給富二代陸漢洋做少奶奶。
華姐冠軍苟姑娘比羅天宇大四年,入行後即發展姊弟戀,戀情一直不被看好,加上受到無綫多番施壓,10年對外界指以事業為由分手,此後苟姑娘即上位,並於 18年嫁給富二代陸漢洋做少奶奶。
有「靚湯」之稱的湯洛雯與羅天宇拍拖四年,分手前半年才公開戀情,與羅天宇甩拖後即升呢做女一,成為當家花旦。
有「靚湯」之稱的湯洛雯與羅天宇拍拖四年,分手前半年才公開戀情,與羅天宇甩拖後即升呢做女一,成為當家花旦。